Cantares 2:1 - Bible in Tzeltal Bachajón

¹ Ho'on rosa-nichimon yu'un Sarón, lirio-nichim yu'un te spamlejetique.

Bible in Tzeltal de Oxchuc y Tenejapa

¹ Jo'on snichimalon Sarón, jo'on rosa-nichimalon stenlej xatal q'uinal.

Cantares 2:1 ပူးပေါင်းရင်းမြစ်များ

1 Crónicas 5:16

Nahinic ta Galaad, Basán soc ta tut pueblohetic yu'unic, soc spisil te aquiltic yu'un Sarón ha to c'alal ta sti'il.

Salmos 85:11

Ya xch'ihy tal ta lumq'uinal te bin smelelil, soc ya yil cohel tal ta ch'ulchan te toj-o'tanil.

Cantares 2:16

¡Te mach'a c'ux ta co'tan, ho'on cu'un, soc ha yu'unon! Yac ta we'el ta yohlil te lirio-nichimetique.

Cantares 5:13

Te scho, pajal soc jchohl nichimaltic te sumet yic'; te sti'il ye, pajal soc lirio-nichim te ya xt'uhlaj loq'uel mirra tey a.

Cantares 6:2

Te mach'a c'ux ta co'tan cohem bahel ta ts'umbil q'uinal yu'un, ta chohlochohl te bintic sumet yic', baht ta yaq'uel ta we'el ta ts'umbil q'uinal te tuminchijetic yu'un soc ta stsobel lirio-nichimetic.

Cantares 6:3

Ha yu'unon te mach'a c'ux ta co'tan soc ha cu'un te mach'a c'ux ta co'tane; yac ta yaq'uel ta we'el te tuminchijetic yu'un ta yohlil te lirio-nichimetique.

Isaías 33:9

Te lumq'uinal ya smel yo'tan soc ya xlaj yip, ya xq'uexaw te Líbano soc ya sayub; te Sarón sutp'ij ta jochol taquin q'uinal, te Basán soc Carmelo ya slihlinic cohel ya'binalic.

Isaías 57:15

Como hich ya yal te Mach'a toyol ay, te mach'a stalel cuxul, te Ch'ul Dios te sbihile: Ho'on nahinemon ta banti toyol soc ch'ultesbil, pero ha nix hich nahinemon soc te mach'a pich'il yo'tan soc peq'uel yo'tan, yu'un ya ca'be xan yip yo'tanic te mach'atic peq'uelic soc yu'un ya ca'be xan yip yo'tanic te mach'atic pich'il yo'tanique.

Oseas 14:5

Hich ya xc'ohon ta stojol Israel te bin ut'il ts'ujul, ha ya snichin hich te bin ut'il te lirio, soc hich ya xc'uhb bahel slohp' te bin ut'il te cedrohetic ta Líbano.