Cantares 1:8 - Bible in Tzeltal Bachajón

⁸ Teme ma ba yac ana', ha'at te c'ax t'ujbilat ta yohlil yantic antsetic, t'una bahel te yoc ta schahpal te chambahlametic, ac'a ta we'el te tut tentsunetic awu'un ta sts'ehl te nahilpaq'uetic yu'un te jcanan-tuminchijetique.

Bible in Tzeltal de Oxchuc y Tenejapa

⁸ Teme ma ba ana'oj te ja'ate, ja'at te c'axem at'ujbilale, t'una bael te yacan ta spisil te chambalametic. Ac'a ta we'el tey a te ch'in tentsunetic awu'une, tey me ta nopol nailwamal yu'un te jcanan-chijetique.

Cantares 1:8 ပူးပေါင်းရင်းမြစ်များ

Salmos 16:3

Te mach'atic ch'uhltesbilic te ayic ta q'uinal, te mach'atic ay yutsil yo'tanic ha te ya smulan te co'tane.

Salmos 45:11

Te ajwalil ya smulambat at'ujbilal; nijana aba ta stojol como ha ajwalil awu'un.

Salmos 45:13

C'ax t'ujbil te yantsil-nich'an ajwalil te ay ta sna, capal ta jalel soc oro te sc'u'e.

Proverbios 8:34

Bayel me yutsil te mach'a ya ya'iybon te jc'ope, te jujun c'ahc'al ya sq'uehlan sit ta ti'nahiletic cu'un, te yac smahliybel ta sti'il te jnahe.

Cantares 1:15

¡Mero t'ujbilat! ha'at te c'uxultaybilat cu'un, ¡c'ax t'ujbilat! Te asit pajal soc stsuhmutetic.

Cantares 2:10

Te mach'a c'ux ta co'tan hich la yalbon: Hahchan, ha'at te c'uxultaybilat cu'un, te t'ujbilat cu'un, conic;

Cantares 4:1

¡Buen t'ujbilat, ha'at te c'uxat ta co'tan, mero t'ujbilat! Te asit te macbil yu'un smahquil, hich te bin ut'il stsuhmut. Te stsotsel ajol hich te bin ut'il jchahp tentsunetic te ya xco tal ta witsiltic yu'un Galaad.

Cantares 4:10

¡C'ax t'ujbil te sc'uxul awo'tan, ha'at quihts'inat, jlecolat! c'ax hich t'ujbil a te sc'uxul awo'tan te bin ut'il vino, soc te perfume awu'un, c'ax hich sumet yic' a te bin ut'il spisil yantic te sumet yiq'ue.

Cantares 4:7

¡C'ax t'ujbilat, ha'at te c'uxultaybilat cu'un! mayuc banti jihnem awu'un.

Cantares 5:9

¿Bin ut'il ay a te c'ax hich lec a te mach'a c'ux ta awo'tan te bin ut'il yan, ha'at te c'ax t'ujbil antsat yu'un spisil antsetic? ¿Bin ut'il ay a te c'ax hich lec a te mach'a c'ux ta awo'tan te bin ut'il yan, te hich yac awac' calcotic ta jamal?

Cantares 6:1

Ha'at te c'ax t'ujbil antsat ta yohlil te antsetic, ¿banti bahem te mach'a c'ux ta awo'tan? ¿Banti baht te mach'a c'ux ta awo'tan yu'un ya joquinatcotic ta slehel?

Jeremías 6:16

Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

San Juan 21:15

C'alal laj yo'tanic ta we'el, te Jesús la yalbe te Simón Pedro: Simón, snich'anat Jonás, ¿c'ax bal hich c'uxon ta awo'tan a te bin ut'il te yantic ini? xchi. C'ux, Cajwal. Ana'oj te c'uxat ta co'tan, xchi te Pedro. Mac'limbon te bic'tal tuminchijetic cu'un, xchi te Jesús.

1 Corintios 11:1

Nopbonic co'tan, hich te bin ut'il ya jnopbe yo'tan te Cristo.

Efesios 5:27

scuenta yu'un ya stehc'an te iglesia ta stojol, ha jun iglesia te ay yutsilal, te mayuc yabaquil, mayuc bin jihnem o yan bin ma lecuc, ha ch'ultesbil soc mayuc bin chopol ay ta stojol.

Hebreos 13:7

Na'ahic me te jcanan awu'unic, te la yalbeyex te sc'op Diose. Na'ahic me bin ut'il c'ohtic ta loq'uel yu'un te bin yilel te scuxlejalic, soc nopbeyahic te sch'uhunel yo'tanique.

Hebreos 6:12

scuenta yu'un ma ba ya xch'ajubex, ha yac anopbeyic yo'tan te mach'atic te ta scuenta sch'uhunel yo'tanic soc te jun yo'tanic yaquic ta mahlab, ya yich'ic te bintic yaloj ta jamal te Diose.

Santiago 2:21

¿Ma bal ta scuentahuc ya'tel te jtatic Abraham te halbot te toj c'oht yu'un, te c'alal la yac' ta milbil mahtanil te snich'an, ha te Isaac, ta scajtajib ta chiq'uel mahtanil?

Santiago 2:25

Ha nix hich te Rahab, te j'antsinel-ants, ¿ma bal ha'uc toj ilot yu'un Dios ta scuenta te ya'tel te c'alal la yic' ochel te jtsahtaywanejetic soc te la sticon bahel ta yan be?

Santiago 5:10

Quermanotac, ha me xanopbeyic yo'tan te jalwanejetic te c'opojic ta scuenta sbihil Cajwaltic, te cuhch yu'unic te swocolique.

1 Pedro 3:6

Hich bin ut'il te Sara, la sch'uhumbe smandar te Abraham, te la yalbe: Cajwal, xchi ta stojol. Ha yantsil-alataquex teme yac apasic te bin lec ta pasel soc teme mayuc bin yac atojol-xi'ique.