Cantares 1:10 - Bible in Tzeltal Bachajón

¹⁰ Buen t'ujbil te acho ta yohlil ach'ahlel, soc te anuc' ta yohlil te uhaliletic.

Bible in Tzeltal de Oxchuc y Tenejapa

¹⁰ Buen t'ujbil te asit-awelawe, buen t'ujbil te xch'alil te achiquine. Buen t'ujbil te anuc', buen t'ujbil c'oem soc te ualil-perlaetique.

Cantares 1:10 ပူးပေါင်းရင်းမြစ်များ

Génesis 24:22

C'alal laj yo'tan ta yuch'el ha' te camellohetic, te winic la ya'be jun ch'ocowil pasbil ta oro te j'ohlil siclo yalal, soc cheb xan staq'uinal snuc' sc'ab pasbil ta oro te lajuneb siclo yalal.

Génesis 24:47

Ha yu'un la joc'obe: ¿Mach'a yantsil-nich'anat? xchihon. Ho'on yantsil-nich'anon Betuel te snich'an Nacor te alatayot yu'un te Milca, xchi. Ha yu'un la jca'be ch'ocowil ta sni' soc staq'uinal snuc' sc'ab.

Génesis 24:53

Soc la sloq'ues mahtaniletic pasbilic ta oro soc ta plata, soc c'u'ul pac'aletic, la ya'be te Rebeca. Soc la ya'be t'ujbil mahtaniletic te sbanquil soc te snane.

Génesis 41:42

Ha yu'un la sloq'ues te sch'ocow ay ta sc'ab, la ya'be ta sc'ab te José, la ya'be slap t'ujbil c'u'ul pasbil ta lino, la ya'be yuhan t'ujbil uhalil pasbil ta oro;

Proverbios 1:9

como yutsil sch'ahlel ajol ya xc'oht soc uhalil ta anuc'.

Cantares 1:11

Ya jpasbatcotic ch'ahlelaletic pasbilic ta oro, capalic ta plata.

Cantares 4:9

La awu'untaybon te co'tan, ha'at quihts'inat, jlecolat; la awu'untaybon co'tan te junax buelta la awilon, ta jlihc nax awu ta anuc'.

Cantares 5:13

Te scho, pajal soc jchohl nichimaltic te sumet yic'; te sti'il ye, pajal soc lirio-nichim te ya xt'uhlaj loq'uel mirra tey a.

Isaías 61:10

Bayel yutsil co'tan ta stojol Jehová, ay yutsil yo'tan jch'uhlel ta stojol te Dios cu'une; como la ya'bon jlap sc'u'ulel colel soc la sjoytayon yu'un pac' scuenta bin stojil ta pasel, hich te bin ut'il lecolil te ya xnuhpun te ya sch'ahl sjol ta corona, hich te bin ut'il ach'ix te ya xnuhpun te ya sch'ahl sba ta sch'ahlelaletique.

Números 31:50

Ha yu'un la jca'becotic smahtanin Jehová te bintic la jtahcotic jujutuhl: ha te bintic pasbilic ta oro, sch'ahlel c'abaletic soc nuc' c'abaletic, ch'ocowiletic, staq'uinal chiquiniletic soc uhalil, scuenta stojel jmulcotic ta stojol Jehová, xchihic.

1 Pedro 3:4

ha'uc me ach'ahlelic te bin ay ta awo'tanic, te sch'ahlel te ma xlaj sc'oblal, ha te yutsil awo'tanic soc lamal awo'tanic, te ha lec yo'tan yu'un te Diose.