Apocalipsis 9:17 - Bible in Tzeltal Bachajón

¹⁷ La jquil ta jnahalsit cawuhetic soc te mach'atic cajajtic tey a, ay smahquil stahnic te tsaj hich te bin ut'il c'ahc', te yax-el'el soc c'an hich te bin ut'il azufre. Te sjol te cawuhetic sjel ta sjol choj, soc yac ta loq'uel c'ahc' ta yehic soc ch'ahil soc azufre.

Nuevo Testamento Tzeltal de Amatenango

¹⁷ Jich yilel te kawuetik sok te machꞌatik moemik aye te la yaꞌbelon kile: Te machꞌatik moemik aye smakojik te stiꞌ yoꞌtane ta jun smajkil te pajal sok yilel te kꞌajkꞌe: asultik sba sok kꞌankꞌantik sba. Te sjol te kawuetike jachik tutꞌil sjol choj, y ta stiꞌ ya xlokꞌ kꞌajkꞌ a sok chꞌail y sok asufre.

Bible in Tzeltal de Oxchuc y Tenejapa

¹⁷ Jich yilel te caballoetic soc te soldadoetic te cajajtic a te ac'boton quile. Te soldadoetique ay smajq'uilic te tsaj yilel jich bit'il c'ajc', soc yax jich bit'il zafiro, soc c'an jich bit'il azufre. Yan te caballoetique jich sjolic te bit'il león-chojetique. Ta yeic yac ta loq'uel c'ajc' soc ch'ail soc azufre.

Apocalipsis 9:17 ပူးပေါင်းရင်းမြစ်များ

Génesis 19:24

Hich te Jehová la yac' tal ta ch'ulchan azufre soc c'ahc' ta stojol Sodoma soc Gomorra.

1 Crónicas 12:8

Soc ta sts'umbal Gad ay c'axic bahel ta stojol David ta ahnibal ta jochol taquin q'uinal, ha winiquetic te ma xiwic ta yaq'uel guerra, mero ya xhu' yu'unic stuhunel smahquilic soc slanzahic; te sit yelawic hich c'ohemic te bin ut'il yelaw chojetic, soc ya x'ahnimajic hich te bin ut'il chijetic ta witsiltic.

Salmos 11:6

Ta stojol te mach'atic chopolic ya me yac' cohuc tal wocoletic hich te bin ut'il ha'al; ya x'a'bot yich'ic ac'al, azufre soc c'ahc'al ic'.

Isaías 30:33

Como ayix c'ahc'al chapal te Tofet, chapalix yu'un te ajwalile. Jamal soc c'ubul la yich' pasel te yawil c'ahc' yu'un, soc bayel c'ahc' soc si'. Te yic'al Jehová ya schic' te si' hich te bin ut'il bayel azufre te ya xmal bahel.

Ezequiel 33:22

C'ohem ta jtojol te sc'ab Jehová ta tibiltic te ma to ba c'ohem ta jtojol a te j'ahnel winique; la sjambonix que a te c'alal tal te winique; jamalix te que, hich ma uma'ubonix.

Daniel 8:2

La jquil ta nahalsit te ayon ta Susa, te capital ta jsehp q'uinal Elam. La jquil ta nahalsit te ayon ta sti'il muc'ul-ha' Ulai.

Daniel 9:21

c'alal yacon to ta sc'oponel Dios a, te Gabriel, te winic te la jquil ta nahalsit ta nahil, ahnimal tal ta wihlel ta banti ayon ta yorahil aq'uel te milbil mahtanil ta tibiltic.

Apocalipsis 11:5

Teme ay mach'a ya sc'an ya yuts'inlan, ya xloc' c'ahc' ta yehic, hich ya slajinic a te scontrahique. Hich me ya xlaj a te mach'a ya sc'an ya yuts'inlan.

Apocalipsis 14:10

ha nix hich ya me yuch' te vino scuenta yilimba Dios te mayuc scahp a ya xcohcombot ta stasahil te yilimba Dios. Ya x'a'bot swocolic ta c'ahc' soc azufre ta stojol te ch'ul a'batetic soc ta stojol te Jcolel Tuminchij.

Apocalipsis 19:20

La yich' tsaquel te chambahlam te xiweltic sba soc te lotil jalwanej te la yac'ticlan ta ilel señahiletic ta stojol, te ha la slo'loylan a te mach'atic la yich'beyic te marca yu'un te chambahlam te xiweltic sba soc te la sch'uhuntayic te sloc'ombahil. Schebalic cuxul a la yich'ic ch'ojel ochel ta pamal c'ahc' te yac ta tihlel soc azufre.

Apocalipsis 20:10

Soc te pucuj, te lo'loyotic yu'un, ch'ojot ochel ta banti yac ta tihlel pamal c'ahc' soc azufre, te banti ay te chambahlam te xiweltic sba soc te lotil jalwanej; c'ahc'al ahc'abal ya xc'ax swocolic sbahtel q'uinal tey a.

Apocalipsis 21:20

te yo'ebal sacliplip, te swaquebal chicmulmul, te shuquebal yax-el'el, te swaxaquebal yaxcancan, te sbalunebal c'anmulmul, te slajunebal yaxjaljal, te sbuluchebal c'anch'abch'ab ta tsaj, te slahchayebal xlup'lon ta sac.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Apocalipsis 9:18

Jun ta yoxchahpal te ants-winiquetic lajic yu'un te oxchahp wocol: ha te c'ahc', te ch'ahil soc te azufre yac ta loq'uel ta yehic;

Apocalipsis 9:9

Ay smahquil stahnic pasbil ta taq'uin yilel, soc xnililet xiq'uic hich te bin ut'il xnililet ya xbehen bayel carretahetic nitbilic ta cawu te ahnimal ya xbahtic ta guerra.