Apocalipsis 9:16 - Bible in Tzeltal Bachajón

¹⁶ La jca'iy jaytuhl te soldadohetic te cajajtic ta cawu, ha lajunwinic millón (200,000,000) ta tuhl.

Nuevo Testamento Tzeltal de Amatenango

¹⁶ Y la jta ta aꞌiyel te jaytul te soltaroetik te kajajtik ta kawue. Ay dosientos millones ta jtul.

Bible in Tzeltal de Oxchuc y Tenejapa

¹⁶ Soc la caiy stojol te jaytul soldado ay yu'unic te cajajtic ta caballoe. Ay lajunwinic millón (200,000,000) ta jtul ta spisilic te soldadoetique.

Apocalipsis 9:16 ပူးပေါင်းရင်းမြစ်များ

Salmos 68:17

Te carretahetic yu'un Dios c'ax bayel ta mil; te Cajwal loc' tal ta Sinaí, hul ta templo yu'un.

Ezequiel 23:6

te slapojic chi'in-yaxal sc'u'ic, ha jcuentahinwanejetic soc capitanetic, spisilic jcolel winiquetic te mulantic sba, ha jmoheletic ta cawu.

Ezequiel 38:4

Ya cac' te ya suhtat ta apat, ya cotsesbat ganchohetic ta awe, ya jloq'uesat tal soc te soldadohetic awu'un, te cawuhetic soc te jmoheletic ta cawu te ts'acal chapalic soc a'tejibaletic yu'un guerra, c'ax bayelic te yich'ojic tut soc muc'ul mahquilaletic, soc spisilic yich'ojic espada.

Daniel 11:40

C'alal ya xc'oht yorahil te slajibale, te ajwalil ta sur ya me ya'be guerra te ajwalil ta norte; pero ha ya xloc' tal ta stojol hich te bin ut'il chahwuquil ha'al, ya xtal soc carretahetic yu'un guerra, soldadohetic mohemic ta cawu soc bayel barcohetic; ya yochintay bayel q'uinaletic, soc ya xc'ax xan bahel.

Daniel 7:10

Ay muc'ul-ha' yu'un c'ahc' yac ta oc loq'uel tal ta stojol; bayel ta mil ta mil ta tuhl ya yac' sbahic ta a'batinel yu'un, soc bayel ta millón ta millón tec'ajtic ta stojol. La shuhcan sba te Jchahpanwanej, soc la yich' jamticlanel te librohetique.

Apocalipsis 5:11

Patil la jquil, soc la jca'iybe sc'op bayel ta mil millón ch'ul a'batetic ta sjoyobal te muc'ul-huctajibal, soc te bintic cuxajtic soc te mamaletic,

Apocalipsis 7:4

La jca'iy jaytuhlic te ac'ticlambot yich'ic sello: ha waxaclajunpic (144,000) ta tuhl yu'un spisil ta chahp te yal-snich'nab Israel.