Apocalipsis 8:7 - Bible in Tzeltal Bachajón

⁷ Te sbabayal ch'ul a'bat la yoq'uesin te scorneta; xbuquet cohel ta lum q'uinal bat soc c'ahc' capal soc ch'ich'. Laj ta c'ahq'uel jun ta yoxeht'el te q'uinal, te'etic soc laj spisil te yaxal ha'maletic.

Nuevo Testamento Tzeltal de Amatenango

⁷ Te primero ángel la yokꞌesin te skornetae, y chꞌojtalanot koel ta sba balmilal bat y kꞌajkꞌ kapal sok chꞌich. La xchikꞌ xejtꞌ ta yoxxejtꞌelal te teꞌtikile y spisil te yaxal wamaletike.

Bible in Tzeltal de Oxchuc y Tenejapa

⁷ Te sbabial ch'ul abate la yoq'uesin te oq'uese. Chicnaj bat soc c'ajc' capal soc ch'ich' te la yich' malel coel ta bay te lum q'uinale. Laj ta c'ajq'uel jxejt' ta yox-xejt'el te te'etic ta lum q'uinale, soc laj ta c'ajq'uel spisil uuc te yax aquiltique.

Apocalipsis 8:7 ပူးပေါင်းရင်းမြစ်များ

Salmos 105:32

La sticon bat scuenta sjelol ha'al, soc yat c'ahc' ta sq'uinalic.

Éxodo 9:33

C'alal loc' bahel Moisés ta stojol faraón, ta sti'il te pueblo, la stoy sc'ab ta stojol Jehová, hich quehchaj te chahwuc soc te bat, soc ma ba tal xan ha'al ta lumq'uinal.

Isaías 28:2

Ilawil, te Jehová ay mach'a ay yu'un te ay yip soc ay yu'el: hich te bin ut'il ic'al ha'al te ay sbatul, hich te bin ut'il sutu-ic' te ya xlajinwan, hich te bin ut'il tulan ic'al ha'al te soc yip ya xmahl loq'uel. Tulan me ya sch'oj cohel ta lum,

Isaías 29:6

Te Jehová te scuentahinej spisil ya xtal scontrahinat ta chahwuc, ta nihquel soc tulan xjuyet, ta sutu-ic' soc ic'al ha'al, soc ta yat c'ahc' te ya xlajinwan.

Isaías 30:30

Te Jehová ya me yac' ta a'iyel te tulan sc'op soc ya me yac' ta ilel bin ut'il ya xco te sc'ab soc tulan yilimba soc c'ahc' te ya xlajinwan, soc sutu-ic', ic'al ha'al soc bat.

Isaías 32:19

Aunque ya xtenot ta bat te tohyem te'etic soc jc'axel ya xjihn te pueblo,

Ezequiel 38:22

Ya ca'be castigo te Gog ta jmilawal-chamel soc malel ch'ich'; ya cac' tulan ha'al te ay yic'al, ay bat, c'ahc' soc azufre ta stojol Gog, ta stojol te soldadohetic yu'un soc te bayel pueblohetic te sjoquineje.

Joel 2:30

Ya cac' chicnajuc jchahp a'teliletic ta ch'ulchan soc ta bahlumilal, ha te ch'ich', c'ahc' soc spimil ch'ahil.

Santiago 1:11

Como te c'alal ya xloc' tal c'ahc'al, ya xtaquij yu'un sq'uixinal, ya xluhbaj snich, ya xlaj yutsil. Hich nix ya xtaquij te mach'a jc'uhlej ta banti spisil te ya'tele.

Josué 10:11

C'alal yacalic ta ahnel loq'uel a ta stojol te snich'nab Israel ta cohel bahel yu'un Bet-horón, te Jehová la yac' tal ta ch'ulchan niwac batetic ta stojolic c'alal ta Azeca, hich lajic. C'ax hich lajic ta niwac batetic a te bin ut'il milotic ta espada yu'un te snich'nab Israel.

1 Pedro 1:24

Como hich ya yal: Spisil ch'ich'-baq'uet hich ay te bin ut'il ac, soc spisil te yutsilal te ants-winic hich ay te bin ut'il snich ha'mal; ya xtaquij te ac soc ya xluhbaj te nichim,

Apocalipsis 12:4

Jun ta yoxeht'el te eq'uetic ta ch'ulchan la swes cohel ta sne, la sch'oj cohel ta bahlumilal. Te dragón la stehc'an sba ta sit te ants ya x'ayinix yal, yu'un te c'alal ya x'ayin nax a te yale, ya sbic'be.

Apocalipsis 16:2

Hich baht te primer ch'ul a'bat, la smal ta lumq'uinal te sbahl te copa yu'un, chicnaj chacaletic te chopol soc c'ux ta stojol te mach'atic yich'ojic te marca yu'un te chambahlam te xiweltic sba soc te la sch'uhuntayic te sloc'ombahile.

Apocalipsis 16:21

Xtitet cohel tal ta ch'ulchan ta stojol ants-winiquetic niwac bat te jun talento yalal te jujune. Te ants-winiquetic la sbohlc'optayic Dios yu'un te wocol yu'un te bate, como c'ax tulan te wocole.

Apocalipsis 6:8

Hich la jquil ay jcoht c'anal cawu. Te mach'a cajal tey a, Lajel te sbihile, ha t'umbil yu'un te Yawil mach'atic chamenic. A'bot ta scuenta jun ta schanxeht'el te bahlumilal yu'un ya smil ta espada, ta wi'nal, ta tulan chamel soc ta ti'awal chambahlametic.

Apocalipsis 7:1

Patil la jquil chaneb ch'ul a'batetic tec'ajtic ta schanxuhcul bahlumilal, scomojic te chaneb ic' te ya xbehenic ta bahlumilal scuenta yu'un ma ba ya xbehen ic' ta q'uinal, ta mar o ta te'etic.

Apocalipsis 9:15

Hich la yich'ic tilel te chaneb ch'ul a'batetic te chapajtic te bin ora, bin c'ahc'alil, bin uhil, soc bin ha'bilil, scuenta yu'un ya smilic jun ta yoxchahpal te ants-winiquetique.

Apocalipsis 9:18

Jun ta yoxchahpal te ants-winiquetic lajic yu'un te oxchahp wocol: ha te c'ahc', te ch'ahil soc te azufre yac ta loq'uel ta yehic;

Apocalipsis 9:4

Pasotic ta mandar te ma me xyuts'inic te aquiltic, te yaxal ha'maletic soc te'etic ta q'uinal, ha nax te mach'atic ma ba yich'ojic te sello yu'un Dios ta sti'bahic.