Apocalipsis 8:5 - Bible in Tzeltal Bachajón

⁵ Te ch'ul a'bat la stsac te schic'ojibal pom, la snojes ta c'ahc' te ay ta scajtajib ta chiq'uel pom soc la sbusq'uin cohel ta bahlumilal. Stsanlajan ta t'ohmel chahwuc, xjuyet hahchel c'op, xliplajan tsantsehwal soc nihquel.

Nuevo Testamento Tzeltal de Amatenango

⁵ Jich te ángele la yichꞌ te xchijkꞌil pome, la snojes ta yakꞌalel skꞌajkꞌal te ba altare, y la sbuskꞌin koel ta lum. Y ay tutꞌi chiknaj a xpumet bael, xixixet, y sansewal y jikichab.

Bible in Tzeltal de Oxchuc y Tenejapa

⁵ Te ch'ul abate la stsac xan te xchic'jibal pome. La snojes ta yac'alel c'ajc' te ay ta scajtijib majt'anile. La sbusq'uin coel ta balumilal te yac'alele. Tey chicnaj chawuc a soc ay bila yac ta bul sc'op soc tsantsewal soc tulan nijq'uel.

Apocalipsis 8:5 ပူးပေါင်းရင်းမြစ်များ

1 Reyes 19:11

Hich halbot yu'un Jehová: Loc'an tal, tehc'ana aba ta wits ta stojol Jehová, xchi sc'oblal. Ta hich ora c'ax bahel te Jehová, tal mero tulan ic' te la sjaticlan te witsetic soc la stop'ticlan muc'ul tonetic ta stojol Jehová; pero te Jehová ma ba tey ay a ta ic'. C'alal c'ax te ic', tal nihquel; pero te Jehová ma ba tey ay a ta nihquel.

Salmos 18:13

La st'ohmtes chahwuc ta ch'ulchan te Jehová; chicnaj sc'op te Mach'a toyol ay; ay batetic soc ac'aletic te stsacojic c'ahc'.

Éxodo 19:16

Ta sacubel q'uinal ta yoxebal c'ahc'al chicnaj tal chahwuc soc tsantsehwal, soc potsot ta pimil tocal te wits soc ay mero tulan yoq'uel xulubil. Nihquic yu'un spisil te mach'atic ayic ta campamento.

Isaías 29:6

Te Jehová te scuentahinej spisil ya xtal scontrahinat ta chahwuc, ta nihquel soc tulan xjuyet, ta sutu-ic' soc ic'al ha'al, soc ta yat c'ahc' te ya xlajinwan.

Isaías 30:30

Te Jehová ya me yac' ta a'iyel te tulan sc'op soc ya me yac' ta ilel bin ut'il ya xco te sc'ab soc tulan yilimba soc c'ahc' te ya xlajinwan, soc sutu-ic', ic'al ha'al soc bat.

Isaías 66:6

¡Xjuyet ya xchicnaj c'op ta pueblo, ya xchicnaj c'op ta Templo, ha sc'op te Jehová te ya ya'be stoj te scontratac!

Jeremías 51:11

¡Huxbeyahic sni'il te ya'tejibalul t'ihmalte'! ¡Ich'ahic te mahquilaletic yu'un guerra! Te Jehová la stijbeyix yo'tanic te ajwaliletic yu'un Media, como snopoj te ya sjin te Babilonia. Ha'ix te spacol yu'un Jehová ha te spacol yu'un te templo yu'une.

Levítico 16:12

Ya stsac jun schic'ojibal pom nojel ta ac'al te talem ta scajtajib ta chiq'uel mahtanil ay ta stojol Jehová, soc cha'johp juch'bil te bin sumet yic', ya yich' bahel ta spat te tsalul pac'.

Zacarías 14:5

Ya me x'ahnex bahel ta spamlej yu'un te witsiltique, como te spamlej yu'un te witsiltic ya xc'oht c'alal ta Azal. Hich ya x'ahnex bahel te bin ut'il ahnex bahel ta scaj te nihquel ta yorahil Uzías, ajwalil yu'un Judá. Soc ya xtal te Jehová te Dios cu'un, sjoquinejix tal spisil te mach'atic ch'ultesbilique.

San Mateo 24:7

Ya xhahch scontrahin sbahic nacionetic, soc ya scontrahin sbahic te jujuchahp banti scuentahinejic; ya xtal wi'nal soc nihquel ta bayuc.

San Lucas 12:49

Tal cac' c'ahc' ta bahlumilal. Co'tanuc te hahchemix ta tihlel.

Hechos 16:26

Repente nax tal tulan nihquel, la syuc' sba te yich'o-ip te cárcel; ora jahm spisil sti'il te cárcel soc laj pohl te cadenahetic yu'un spisil te jchuqueletique.

Hechos 4:31

C'alal laj yo'tanic ta sc'oponel Dios, nihc te lugar te banti stsoboj sbahic; soc ta spisilic nojesbot ta yo'tanic te Ch'ul Espíritu, soc bayel yip yo'tanic la yalic te sc'op Diose.

Apocalipsis 11:13

Ta hich ora tal tulan nihquel, hemts'uj cohel jun ta slajunxeht'el te muc'ul pueblo. Lajic j'ohlil swaxaclajunbahc' (7,000) ta tuhl yu'un te nihquele. Te jayeb xan hilic bayel xiw yo'tanic yu'un soc la yalbeyic yutsil sc'oblal te Dios yu'un te ch'ulchane.

Apocalipsis 11:19

Jahm te templo yu'un Dios te ay ta ch'ulchan, chican ta yutil te templo te scaxahul te chapbil-c'op. Xliplajan tsantsehwaletic, xjuyet hahchel c'opetic, stsanlajan ta t'ohmel chahwuc, xyuq'uinaj nihquel, soc co tal niwac bat.

Apocalipsis 4:5

Yac ta loq'uel ta muc'ul-huctajibal tsantsehwal, chahwuc, soc bayel c'op. Ay huqueb c'ahc' yac ta tihlel ta stojol te muc'ul-huctajibal, ha te huqueb espírituhetic yu'un Dios.

Apocalipsis 6:12

La jquil c'alal la sjam te swaquebal sello, tal tulan nihquel. Ihc'ub te c'ahc'al hich te bin ut'il ihc'al ch'ixal pac', tsajub te u hich te bin ut'il ch'ich',

Apocalipsis 8:3

Soc ay yan ch'ul a'bat tal stehc'an sba ta sts'ehl te scajtajib ta chiq'uel pom, yich'oj schic'ojibal pom pasbil ta oro. A'bot bayel pom yu'un ya scap soc te bintic ya yalic ta sc'oponel Dios spisil te mach'atic ch'uhltesbilic, yu'un ya yac' ta scajtajib ta chiq'uel pom pasbil ta oro te snuhp'usitayej sba soc te muc'ul-huctajibale.