Apocalipsis 8:4 - Bible in Tzeltal Bachajón

⁴ Ta sc'ab te ch'ul a'bat xtomet ta mohel sch'ahilel te pom, pajal yac ta mohel ta stojol Dios soc te bintic ya yalic ta sc'oponel Dios te mach'atic ch'ultesbilique.

Nuevo Testamento Tzeltal de Amatenango

⁴ Te xchꞌailel pome mo bael ta skꞌab te ángel ta sit te Diose. Pajal mo bael sok skꞌopik te machꞌatik yuꞌunik te Diose.

Bible in Tzeltal de Oxchuc y Tenejapa

⁴ Jich mo bael ta stojol Dios xch'ailel te pom te ac'bot ta sc'ab te ch'ul abate. Te xch'ailel te pome, pajal mo bael soc sc'opic te mach'atic ch'ul lum yu'un Dios te yacalic ta sc'oponel te Diose.

Apocalipsis 8:4 ပူးပေါင်းရင်းမြစ်များ

Salmos 141:2

Ac'a mohuc bahel ta atojol hich te bin ut'il pom te bin ya calbat; te jc'ab te jachoj mohel ta atojol hich ac'a c'ohtuc te bin ut'il milbil mahtanil ta tibiltic.

Éxodo 30:1

Ya me apas ta acacia-te' jun scajtajib banti ya yich' chiq'uel pom.

Números 7:62

jun muc'ul cuchara pasbil ta oro te lajuneb (10) siclo yalal nojel ta pom;

San Lucas 1:10

Spisil te ipal ants-winiquetic yu'un te pueblo tec'ajtic ta yamaq'uil Templo ta sc'oponel Dios ta yorahil ta chiq'uel pom.

Hechos 10:4

Te Cornelio, la st'ojan sit yilbel, soc xiwel hich la yal: ¿Binti a, Cajwal? xchi. Halbot yu'un: Te sc'oponel Dios awu'un soc te mahtanil taq'uin yac awac', c'ohemix ta stojol Dios scuenta ana'ojibal.

Apocalipsis 15:8

Te templo noj ta ch'ahil yu'un te yutsilal Dios soc te yu'ele. Mayuc mach'a ya xhu' ya x'och ta templo ha to c'alal ts'acay te huqueb wocol te yich'ojic te huqueb ch'ul a'batetique.

Apocalipsis 8:3

Soc ay yan ch'ul a'bat tal stehc'an sba ta sts'ehl te scajtajib ta chiq'uel pom, yich'oj schic'ojibal pom pasbil ta oro. A'bot bayel pom yu'un ya scap soc te bintic ya yalic ta sc'oponel Dios spisil te mach'atic ch'uhltesbilic, yu'un ya yac' ta scajtajib ta chiq'uel pom pasbil ta oro te snuhp'usitayej sba soc te muc'ul-huctajibale.