Apocalipsis 8:3 - Bible in Tzeltal Bachajón

³ Soc ay yan ch'ul a'bat tal stehc'an sba ta sts'ehl te scajtajib ta chiq'uel pom, yich'oj schic'ojibal pom pasbil ta oro. A'bot bayel pom yu'un ya scap soc te bintic ya yalic ta sc'oponel Dios spisil te mach'atic ch'uhltesbilic, yu'un ya yac' ta scajtajib ta chiq'uel pom pasbil ta oro te snuhp'usitayej sba soc te muc'ul-huctajibale.

Nuevo Testamento Tzeltal de Amatenango

³ Patil tal jtul xan ángel, yichꞌoj tal xchijkꞌil pom pasbil ta oro, y la stejkꞌan sba ta stsꞌeel te altare. Aꞌbot bayal pom, yuꞌun ya xchikꞌ te ba ay te altar te pasbil ta oroe, te ay ta sit te mukꞌul naktajibale. Jun nax smajtan Dios a kꞌot sok skꞌopik ta spisil te machꞌatik yuꞌunik te Diose.

Bible in Tzeltal de Oxchuc y Tenejapa

³ Tal yan ch'ul abat. C'o stejc'an sba ta bay sts'eel scajtijib majt'anil. Yich'oj ta sc'ab te yawil xchic'jibal pom te pasbil ta oroe. Ac'bot ta sc'ab bayal pom swenta stsac'tesjibal sc'oponel Dios yu'un te mach'atic ch'ul lum yu'un te Diose. La yac' ta sba te scajtijib majt'anil te pasbil ta oro te ay ta stojol te muc'ul nactijibale.

Apocalipsis 8:3 ပူးပေါင်းရင်းမြစ်များ

1 Reyes 7:50

copahetic, set'ojbil yac'alel mecha, muc'ul tazahetic, muc'ul cucharahetic soc schic'ojibal pom te spisil pasticlambil ta puro oro. Soc ha nix oro te hotbil banti ya sut sba te puertahetic yu'un te yutil na, ta Mero Ch'ul Awilal, soc nix te puertahetic yu'un te templo.

Salmos 141:2

Ac'a mohuc bahel ta atojol hich te bin ut'il pom te bin ya calbat; te jc'ab te jachoj mohel ta atojol hich ac'a c'ohtuc te bin ut'il milbil mahtanil ta tibiltic.

Éxodo 40:26

Soc la yotses te scajtajib ta chiq'uel pom pasbil ta oro ta yutil te Nahilpac' Templo yu'un tahojibal ta stojol te tsalul pac',

Isaías 6:6

Hich wihl tal ta jtojol jtuhl serafín, yich'oj ta sc'ab tsumbil ac'al te la yich' tal soc tenaza ta scajtajib ta chiq'uel mahtanil.

Ezequiel 41:22

Te stoyolil scajtajib ta chiq'uel mahtanil pasbil ta te', oxeb xuhc'ubil, soc cheb xuhc'ubil snahtil; te jujun xuhc, te yoc soc te jujujehch, pasbilic ta te'. Hich la yalbon te winique: Ha te mesa te ay ta stojol Jehová, xchi.

Amós 9:1

La jquil te Cajwaltic teq'uel ta sts'ehl te scajtajib ta chiq'uel mahtanil, hich la yal: Maja te sni'il te bahlal oy, ac'a syuq'uilan te puertahetic, wuyticlana cohel ta sjol spisilic. Te mach'atic cuxul ya xhilic ya jmilticlan ta espada; mayuc mach'a ya x'ahnic bahel, mayuc mach'a ya xcol.

Malaquías 1:11

Como c'alal banti ya xloc' tal c'ahc'al c'alal banti ya xmahl c'ahc'al muc' te jbihil ta yohlil te nacionetique, ta bayuc ya yich' chiq'uel pom ta scuenta jbihil soc ya yich' aq'uel mahtaniletic te mayuc yabacul. Muc' te jbihil ta yohlil te nacionetic, xchi te Jehová te scuentahinej spisil.

Números 4:11

Ya slimbeyic yaxal pac' ta sba te scajtajib pasbil ta oro; ya spotsic bahel ta nuhculetic, soc ya yotseslambeyic te sq'uechojibale.

Números 7:62

jun muc'ul cuchara pasbil ta oro te lajuneb (10) siclo yalal nojel ta pom;

San Lucas 1:10

Spisil te ipal ants-winiquetic yu'un te pueblo tec'ajtic ta yamaq'uil Templo ta sc'oponel Dios ta yorahil ta chiq'uel pom.

Romanos 8:34

¿Mach'a c'an ya'be stoj smul? ha nix te Cristo te laj, soc xan ha cha'cuxaj, soc ayix ta swa'el-c'ab te Dios, te ha nix ya xc'opoj cu'untic.

Hebreos 7:25

Ha scuentahil te ya xhu' ya scoltay sbahtel q'uinal te mach'atic ya xnohpojic ta stojol Dios ta scuenta, como stalel cuxul yu'un ya xc'opoj ta scuentahic.

Hebreos 9:4

te banti ay te schic'ojbil pom pasbil ta oro soc te scaxahul te chapbil-c'op te swohlol potsbil ta oro, ta banti q'uejticlambil jun oxom pasbil ta oro te yich'oj te maná, soc tey ay a te snahbate' Aarón te nichin soc te cha'pehch ton yu'un te chapbil-c'ope.

Apocalipsis 10:1

La jquil co tal ta ch'ulchan yan ch'ul a'bat te bayel yip, potsol ta tocal, soc ay xojob ta yahc'olal te sjole. Hich sit yelaw te bin ut'il c'ahc'al, soc hich yacan te bin ut'il bahlal c'ahc'.

Apocalipsis 14:18

Soc ay yan ch'ul a'bat te scuentahinej te c'ahc' te loc' tal ta stojol te scajtajib ta chiq'uel mahtanil, tulan la yawtay te mach'a yich'oj hoz te ay ye: Ochan ta sbojel soc te hoz awu'un te ay ye, tsoba te ts'usub ta bahlumilal, yu'un syijilix te ts'usube, xchi.

Apocalipsis 5:8

C'alal la yich' te hun, te chaneb bintic cuxajtic soc te chaneb scha'winic (24) ta tuhl mamaletic la spahcan sbahic ta stojol te Jcolel Tuminchij. Spisilic ay arpa yu'unic soc yich'ojic taza pasbil ta oro nojelic ta pom, ha te bin ya yalic ta sc'oponel Dios te mach'atic ch'ultesbilique.

Apocalipsis 6:9

C'alal la sjam te yo'ebal sello, la jquil ayic ta ye'tal te scajtajib ta chiq'uel mahtanil te sch'uhlelic mach'atic la yich'ic milel ta scuenta te sc'op Dios soc te testigo-c'op la yalique.

Apocalipsis 7:2

Soc la jquil yan ch'ul a'bat te mo tal ta banti ya xloc' tal c'ahc'al, yich'oj te sello yu'un te cuxul Dios. Tulan la yawtay te chaneb ch'ul a'batetic te yich'oj ya'telic ta sjinel te q'uinal soc te mar,

Apocalipsis 8:4

Ta sc'ab te ch'ul a'bat xtomet ta mohel sch'ahilel te pom, pajal yac ta mohel ta stojol Dios soc te bintic ya yalic ta sc'oponel Dios te mach'atic ch'ultesbilique.

Apocalipsis 8:5

Te ch'ul a'bat la stsac te schic'ojibal pom, la snojes ta c'ahc' te ay ta scajtajib ta chiq'uel pom soc la sbusq'uin cohel ta bahlumilal. Stsanlajan ta t'ohmel chahwuc, xjuyet hahchel c'op, xliplajan tsantsehwal soc nihquel.

Apocalipsis 9:13

Te swaquebal ch'ul a'bat la yoq'uesin te scorneta; la jca'iy ay loc' c'op ta yohlil te chaneb xulubiletic yu'un te scajtajib ta chiq'uel pom pasbil ta oro te ay ta stojol te Diose.