Apocalipsis 7:16 - Bible in Tzeltal Bachajón

¹⁶ Ma ba ya xwi'najiquix soc ma ba ya ya'iyiquix taquinti'il, ma ba ya ya'iyiquix sc'uxul c'ahc'al, o yan sq'uixnal,

Nuevo Testamento Tzeltal de Amatenango

¹⁶ Makꞌ xkꞌaxix swokolik ta wiꞌnal ni ta takin-tiꞌil. Ni makꞌ ya yaꞌiyikix xkꞌuxul kꞌajkꞌal, ni makꞌ ya xwokolajik yuꞌun te xkꞌixnale.

Bible in Tzeltal de Oxchuc y Tenejapa

¹⁶ Ma ba ya xc'axix swocolic ta wi'nal soc ta taquinti'il. Soc ma ba ya yaiybeyiquix xc'uxul te c'aale, soc ma ba ya xwoclajiquix yu'un te xq'uixnale.

Apocalipsis 7:16 ပူးပေါင်းရင်းမြစ်များ

Salmos 121:5

Te Jehová ha jcanantaywanej awu'un; te Jehová ha axinal awu'un ta swa'el ac'ab.

Salmos 121:6

Te c'ahc'al ma ba ya yuts'inat ta c'ahc'alel, soc ma ba ya yuts'inat ta ahc'abal te uhe.

Salmos 143:6

Ya jach jc'ab ta atojol, ay taquin ti'il ya ya'iy te jch'uhlel ta sc'anelat hich te bin ut'il taquin lumq'uinal. Selah

Salmos 42:2

Ay taquinti'il ya ya'iy te jch'uhlel ta stojol Dios, ha te cuxul Diose. ¿Bin ora ya xtal jtehc'an jba ta stojol te Diose?

Salmos 63:1

¡Dios cu'un, ha'at Diosat cu'un, soc spisil co'tan ya jlehat! Mero taquin co'tan ta atojol, hich ya sc'anat te jbaq'uetal te bin ut'il taquin q'uinal te banti mayuc ya'lel.

Cantares 1:6

Ma me ha'uc xawilon yu'un te ihc'one, como ha la schic'on te c'ahc'ale. Te yalatac te jnan ilinic ta jtojol, la yac'onic ta scanantayel te ts'usubiletic, pero te ts'usubil cu'un ma ba la jcanantay.

Isaías 25:4

Como ha'at ahnibalat yu'un te pobre, ahnibalat ta yorahil swocol te mach'a mayuc bin ay yu'un, ahnibalat yu'un te tulan ic'al ha'al soc axinalat yu'un te sq'uixinal c'ahc'al. Como te sahb ye te j'uts'inwanej hich c'ohem te bin ut'il tulan ic'al ha'al ta yorahil sic,

Isaías 32:2

Ta jujutuhl hich ya xc'oht te bin ut'il ahnibal yu'un te tulan ic' te ya smac te tulan yic'al ha'al; hich te bin ut'il be-ha'etic ta taquin q'uinal, hich te bin ut'il yaxinal muc'ul ton ta q'uixin q'uinal.

Isaías 41:17

Te pobrehetic soc te mach'atic mayuc bin ay yu'unic ya slehic ha', pero ma ba ya stahic; c'ax taquij yehic yu'un. Pero ho'on te Jehovahon ya jac'be sc'opic; ho'on te Dioson yu'un Israel ma ba ya jpihtes.

Isaías 49:10

Ma ba ya ya'iyic wi'nal o taquinti'il, soc ma x'uts'inotic yu'un te c'ahc'al o q'uixin q'uinale, como te mach'a c'uxultayotic yu'un ya me stojobteslan bahel, soc ya me stojobteslan bahel ta sloq'uib-ha'etic.

Isaías 65:13

Ha yu'un hich ya yal te Cajwaltic Jehová: Te a'batetic cu'un ya me xwe'ic, yan te ha'exe ay awocolic ta wi'nal; te a'batetic cu'un ya me x'uch'ic, yan te ha'exe ayex ta taquinti'il; te a'batetic cu'un tse'el yo'tanic, yan te ha'exe ya xhilex ta q'uexlal;

Jonás 4:8

C'alal loc' tal te c'ahc'ale, Dios la yac' taluc q'uixin ic' ta stojol banti ya xloc' tal c'ahc'al. Chic'bot sjol te Jonás yu'un te c'ahc'ale, laj yip yu'un. Ya sc'an ya xcham, hich la yal: Ha lec te yacuc xchamon te bin ut'il cuxulon, xchi.

San Mateo 13:21

pero bahal nax ay slohp', ma ba ya xhalaj; c'alal ya xtal wocol o uts'inel ta scuenta te c'op, ora ya xyahl.

San Mateo 13:6

pero te c'alal loc' tal c'ahc'al, ora chic'ot yu'un soc taquij, yu'un ma ba c'uhben te slohp'e.

San Mateo 5:6

Bayel me yutsilic te mach'atic ya xwi'najic soc ya xtaquij yo'tanic yu'un te bin stojil ta pasele, como ts'acal ya x'a'botic.

San Marcos 4:17

pero bahal nax ay slohp', ma ba ya xhalajic; c'alal ya xtal wocol o uts'inel yu'un te c'ope, ora ya xyahlic.

San Marcos 4:6

pero te c'alal loc' tal te c'ahc'al, ora chic'ot yu'un ta scaj te ma ba c'uhben slohp', hich taquij.

San Lucas 1:53

Te mach'atic ayic ta wi'nal la yac'ticlambe te bintic lec, pero jochol sc'abic la sticonlan bahel te jc'uhlejetique.

San Lucas 6:21

Bayel me awutsilic ha'ex te ayex ta wi'nal ta ora ini, como ya me xnoj ach'uhtic. Bayel me awutsilic ha'ex te yacalex ta oq'uel ta ora ini, como ya me stse'ejinex.

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

Santiago 1:11

Como te c'alal ya xloc' tal c'ahc'al, ya xtaquij yu'un sq'uixinal, ya xluhbaj snich, ya xlaj yutsil. Hich nix ya xtaquij te mach'a jc'uhlej ta banti spisil te ya'tele.

Apocalipsis 21:4

Ya me xcusticlambot ya'lel sitic yu'un te Diose; mayuquix lajel, mel-o'tan, oq'uel o te bin c'ux, como c'axix spisil te bintic ay ta nahil to, xchi.