Apocalipsis 7:12 - Bible in Tzeltal Bachajón

¹² hich yacalic ta yalel: ¡Hichuc! Ac'a yich' halbeyel yutsil sc'oblal, ac'a yich' yutsilal, p'ijil-o'tanil, halbeyel wocol, yich'el ta muc', yu'el soc yip te Dios cu'untic ta scuenta sbahtel q'uinal. ¡Hichuc! xchihic.

Nuevo Testamento Tzeltal de Amatenango

¹² La yalik: “Jichuk. A me yichꞌ alel te slekilale. Ay te stsaꞌamule, sok ay te spꞌijile. Ya me yichꞌ alel kola yal ta stojol. Ay ta akꞌel ta jkuentae, ay spoder, sok ay spuersa te Dios kuꞌuntike skuenta sbajtel kꞌinal. Jichuk”, xchiik.

Bible in Tzeltal de Oxchuc y Tenejapa

¹² Jich la yalic: “¡Jichuc! Te bendicione, te ich'el ta muq'ue, te p'ijilile, te yalel wocole, te yutsilale, te yu'ele, soc te yipe, ja' ay ta swenta te Dios cu'untic sbajt'el q'uinale”, xiic.

Apocalipsis 7:12 ပူးပေါင်းရင်းမြစ်များ

Nehemías 12:46

Como ta namey, ta yorahil David soc Asaf, ay hach-c'ayoj yu'un te jc'ayojetic te ya xc'ayojinic ta yalbeyel yutsilal soc ta yalbeyel wocol te Diose.

Nehemías 12:8

Te levitahetic: ha te Jesúa, Binuy, Cadmiel, Serebías, Judá soc Matanías, te scuentahinejic soc yermanotac te c'ayojetic scuenta sc'ayojtaybeyel yutsilal te Diose.

Salmos 100:4

Ochanic bahel ta ochibaletic yu'un soc halbeyahic wocol, ochanic ta amaq'uetic yu'un soc halbeyahic yutsil sc'oblal. ¡Halbeyahic wocol, halbeyahic yutsil sc'oblal te sbihile!

Salmos 106:48

Bayel me yutsil te Jehová, te Dios yu'un Israel, ta spisil ora ta sbahtel q'uinal. Hich ac'a yal spisil te pueblo: ¡Hichuc! ¡Aleluya!

Salmos 107:22

Ac'a ya'beyic milbil mahtaniletic scuenta yalel wocol, soc bayeluc me yutsil yo'tanic ac'a yalbeyic yutsil ya'tel.

Salmos 116:17

Ya me ca'bat milbil mahtanil scuenta yalel wocol soc ya jc'opon te Jehová ta scuenta sbihil.

Salmos 147:7

Halbeya wocol ta c'ayoj te Jehová; c'ayojtayahic soc arpa te Dios cu'untique.

Salmos 41:13

¡Bayel yutsil te Jehová, te Dios yu'un Israel, ta spisil ora soc ta sbahtel q'uinal! Hichuc, hichuc.

Salmos 50:14

Ha'uc me smahtan awu'un ta stojol Dios te yalbeyel wocol, soc pasa te bin awalbeyej ta jamal te Dios te mero toyol ay.

Salmos 72:19

¡Bayel me yutsil te sbihil sbahtel q'uinal! ¡Spisil te q'uinal ac'a nojuc ta yutsilal! ¡Hichuc, hichuc!

Salmos 89:52

¡Bayeluc me yutsil sc'oblal sbahtel q'uinal te Jehová! ¡Hichuc!

Salmos 95:2

¡Ochucotic bahel ta stojol ta yalel wocol! ¡Ac'a calbetic yutsil sc'oblal ta scuenta c'ayojetic!

Isaías 51:3

Te Jehová ya me smuc'ubtesbe q'uinal ya'iy te Sión, ya smuc'ubtesbe q'uinal ya'iy spisil te bintic jihnem yu'un. Ya me yac' te hich ya xc'oht te bin ut'il Edén te jochol taquin q'uinal yu'un, te hich ya xc'oht te bin ut'il t'ujbil ts'umbil q'uinal yu'un Jehová te jochol q'uinal yu'un. Tey ay yutsil q'uinal a soc tse'el-o'tanil, yalel wocol soc c'ayoj.

Jeremías 33:11

ya me xchicnaj sc'op yutsil-o'tanil soc tse'el-o'tanil, te sc'op mach'atic slecolinej sbahic, soc sc'op te mach'atic ya yich'ic tal ta sna Jehová mahtaniletic yu'un yalel wocol, te hich ya yalic: ¡Halbeyahic wocol te Jehová te scuentahinej spisil, como lec yo'tan te Jehová, te sc'uxul yo'tan stalel ay sbahtel q'uinal! xchihic. Yu'un ya ca'be xan yutsil slequil te lumq'uinal hich te bin ut'il ay ta nahil to, xchi te Jehová.

Jeremías 33:9

Te muc'ul pueblo ini ya me yac' chicnajuc ta stojol spisil nacionetic ta bahlumilal te ay yutsil co'tan, stse'elil co'tan soc cutsilal, c'alal ya ya'iybeyic sc'oblal spisil te bintic lec ya jpasbe te muc'ul pueblohe. Ya me xiwic soc ya me xnihquic yu'un spisil bintic lec soc spisil te lamal q'uinal te ya ca'be, xchi.

Jonás 2:9

Pero te ho'one, ta scuenta yalel wocol, ya ca'bat milbil mahtanil; ya jpas te bin caloj ta jamal ta atojol. ¡Yu'un Jehová te colele! xchi ta sc'oponel Dios.

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

Romanos 11:36

como spisil talem ta stojol, soc ha cuxul ta scuenta, soc ha nix yu'un Dios spisil bintic ay. Ay ta halbeyel yutsil sc'oblal sbahtel q'uinal stuquel. Hichuc.

1 Corintios 14:16

como teme ha nax ta ach'uhlel yac awalbe lec sc'oblal Dios, te mach'a tey ay a te yac nax ta ya'iyel, ¿bin ut'il c'an yal, ‘Hichuc’ yu'un te bin yac awal wocol yu'une?

2 Corintios 4:15

Ta spisil ini scuenta awutsil alequilic, scuenta yu'un te yutsil yo'tan Dios, te yac ta p'ohlel ta stojol tsobolic, ya me yac' te bayel ya yich' halbeyel wocol yu'un, ta scuenta yich'el ta muc' te Diose.

Colosenses 2:7

c'uhbenuc ochel alohp'ic, soc ts'ahcubiluquex hahchel ta stojol soc yich'ojuc yip te sch'uhunel awo'tanic, hich te bin ut'il a'bilex anopic, soc bayeluc xawalbeyic wocol.

Colosenses 3:17

Spisil te bintic yac apasic, teme ta ac'opic o te bin yac apasic, pasahic spisil ta scuenta sbihil te Cajwaltic Jesús, soc halbeyahic wocol te Jtatic Dios ta scuenta.

Judas 1:25

te hip jtuhl Dios, te Jcoltaywanej cu'untic, ayuc me yutsilal, muc' yutsil ya'tel, cuentahinwanej soc yu'el, yo'tic soc ta sbahtel q'uinal. Hichuc.

Apocalipsis 1:18

te mach'a cuxul. Lajon, pero cuxulonix sbahtel q'uinal. Quich'oj te llave yu'un lajel soc yu'un te yawil mach'atic chamenic.

Apocalipsis 19:4

Te chaneb scha'winic (24) ta tuhl mamaletic soc te chaneb bintic cuxajtic la spahcan sbahic ta lum, la sch'uhuntayic te Dios te hucul ta smuc'ul-huctajib, hich la yalic: ¡Hichuc! ¡Aleluya! xchihic.