Apocalipsis 7:10 - Bible in Tzeltal Bachajón

¹⁰ Tulan hich yacalic ta c'op: Ay colel ta scuenta te Dios cu'untic te hucul ta muc'ul-huctajibal, soc ta scuenta te Jcolel Tuminchij, xchihic.

Nuevo Testamento Tzeltal de Amatenango

¹⁰ Spisilik xꞌawlajan ta tulan kꞌop. Jich la yalik: “¡Ay jkoleltik ta skuenta te Dios kuꞌuntike te nakal ta smukꞌul naktajibe y sok ta skuenta te Chꞌin Karnerae!” xchiik.

Bible in Tzeltal de Oxchuc y Tenejapa

¹⁰ Spisilic tulan yacalic ta aw. Jich yacalic ta yalel: “Te colele ay ta swenta te Dios cu'untic te nacal ta smuc'ul nactijibe soc ta swenta te Alalchije”, xiic.

Apocalipsis 7:10 ပူးပေါင်းရင်းမြစ်များ

Salmos 115:1

Ma ha'uc ta jtojolcotic, Jehová, ma ha'uc ta jtojolcotic, pero ta atojol ac'a yich' halbeyel yutsil sc'oblal te abihil, ta scaj te sc'uxul awo'tan soc te stalel jun awo'tan ta jtojolcotic.

Salmos 3:8

Yu'un Jehová te colole. ¡A'beya bendición te pueblo awu'une! Selah

Salmos 37:39

Te coltayel yu'un te mach'atic toj yo'tanic, ha ya xtal ta stojol Jehová, ha ahnibal yu'unic ta yorahil wocol.

Isaías 43:11

Ho'on, ho'on nax jtuquel te Jehová, mayuc yan mach'a ya xcoltaywan.

Isaías 45:15

Melel ha'at Diosat te yac anac' aba, Diosat yu'un Israel, te ya xcoltaywanat.

Isaías 45:21

C'opojanic, ac'a ta ilel pruebahetic, ac'a snopic ta comon. ¿Mach'a la yal ini c'alal ta shahchibal? ¿Mach'a la yalbe sc'oblal ta namey? ¿Ma bal ho'ucon, Jehovahon? Mayuc yan Dios ta jtojol, ha Dios te toj soc te ya xcoltaywan, mayuc yan ta jtojol.

Jeremías 3:23

Melel jlo'loywanejetic te tsehletic soc bayel c'opetic ta sba witsiltic; melel ta scuenta Jehová te Dios cu'untic ay te colel yu'un Israel.

Oseas 13:4

Pero Ho'on Jehovahon te Dios awu'un c'alal ayat to ta sq'uinal Egipto; mayuc yan dios te yac ana'be sba, mayuc yan jcoltaywanej, ho'on nax jtuquel.

Jonás 2:9

Pero te ho'one, ta scuenta yalel wocol, ya ca'bat milbil mahtanil; ya jpas te bin caloj ta jamal ta atojol. ¡Yu'un Jehová te colele! xchi ta sc'oponel Dios.

Zacarías 4:7

Ha'at muc'ul witsat, ¿mach'ayat a? Ya xc'atp'ujat ta spamlej ta stojol Zorobabel. Ha ya sloq'ues te ton te bayel sc'oblal te c'alal hich yacalic ta aw: ¡Mero t'ujbil! ¡Mero t'ujbil! te xchihique.

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

San Lucas 3:6

Spisil ants-winiquetic ya me yilic te colel yu'un Dios, te xchihe.

San Juan 1:29

Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

San Juan 1:36

C'alal la yil te Juan te tey yac ta behel a te Jesús, hich la yal: ¡Ilawil te Jcolel Tuminchij yu'un Dios! xchi.

San Juan 4:22

Te ha'ex ma xana'beyic sba; yan te ho'otcotic ha ya quich'cotic ta muc' te mach'a ya jna'becotic sba, como tey ya xtal ta stojol te judíohetic te colele.

Efesios 2:8

Como ta scuenta yutsil yo'tan te colemex ta scuenta sch'uhunel awo'tanic; ma yu'unuc ha'ex la awehtes acolelic, ha mahtanil yu'un Dios;

Apocalipsis 12:10

Patil la jca'iy ay mach'a tulan c'opoj ta ch'ulchan, hich la yal: Yorahilix te colel, te yu'el soc te cuentahinel yu'un te Dios cu'untic, soc te ya yich' ya'tel te Cristo yu'une. Como ch'ojotix loq'uel te mach'a yac slehbebel smul te quermanotactic, te c'ahc'al ahc'abal yac ta slehbeyel smul ta stojol te Dios cu'untique.

Apocalipsis 19:1

Patil la jca'iybe tulan sc'op tsobol mach'atic ayic ta ch'ulchan te hich yacalic ta yalel ta aw: ¡Aleluya! Te colel, yutsilal soc te yu'el, ha yu'un te Diose,

Apocalipsis 21:5

Hich la yal te mach'a hucul ta muc'ul-huctajibal: Ya jpas ta yach'il spisil, xchi. Soc hich la yalbon: Ts'ihbaya ini, como te c'op ini ay ta ich'el ta cuenta soc smelelil, xchi.

Apocalipsis 22:3

Mayuquix tey a te bin chopol sc'oblale. Tey ay a te smuc'ul-huctajib te Dios soc te Jcolel Tuminchij, soc te a'batetic ayic ta a'batinel yu'un,

Apocalipsis 4:6

Soc ta stojol te muc'ul-huctajibal ay sjel ta muc'ul mar yilel, sacliplip hich te bin ut'il cristal. Soc tec'ajtic ta sjoyobal te muc'ul-huctajibal ay chaneb bintic cuxajtic te scohtol ay sitic ta stahnic soc ta spatic.

Apocalipsis 5:7

Ha tal yich' te balbil hun ay ta swa'el-c'ab te Mach'a hucul ta muc'ul-huctajibal.