Apocalipsis 7:1 - Bible in Tzeltal Bachajón

¹ Patil la jquil chaneb ch'ul a'batetic tec'ajtic ta schanxuhcul bahlumilal, scomojic te chaneb ic' te ya xbehenic ta bahlumilal scuenta yu'un ma ba ya xbehen ic' ta q'uinal, ta mar o ta te'etic.

Nuevo Testamento Tzeltal de Amatenango

¹ Ta patil la kil chantul angeletik te tekꞌajtik te ba ay xchanmejchelul te balmilale. Skomojik te xchanmejchel ikꞌ yuꞌun makꞌ ya yikꞌay te sba te balmilale, ni ta sba te mare, ni ta sba jwoluk teꞌ.

Bible in Tzeltal de Oxchuc y Tenejapa

¹ Ta patil la quil chantul ch'ul abatetic. Tey tec'ajtic juju-jtul ta bay xchanjejch'elul te balumilale. Scomojic te chanchajp ic' te ya xbeenic ta balumilale, swenta yu'un xujt' ma xbeen ic' ta sba te lum q'uinale soc ta sba te mare, te jich ma stij sba pejt'uc a te te'etique.

Apocalipsis 7:1 ပူးပေါင်းရင်းမြစ်များ

Isaías 11:12

Ya me stehc'an hahchel bandera ta stojol te nacionetic, yu'un ya stsob talel mach'atic loq'uesbilic yu'un Israel; ya stsob tal ta schanxuhcul te q'uinal te mach'atic yu'un Judá te puhquemique.

Isaías 27:3

Ho'on, Jehovahon, ya jcanantay; spisil ora ya ca'be ya'lel. C'ahc'al ahc'abal ya jcanantay scuenta yu'un mayuc mach'a ya yuts'in.

Isaías 27:8

La awa'be castigo te Israel ta scuenta sloq'uesel bahel ta yan q'uinal. La shu'xiy loq'uel ta yic'al ye, te bin ora tal ic' ta banti ya xloc' tal c'ahc'al.

Jeremías 49:36

Ya cac' tal ta stojol Elam te schanxuhcul iq'uetic te ya xtal ta schanxuhcul te ch'ulchane; ya pucticlan bahel ta schanxuhcul te iq'uetique. Mayuc nación te banti ma ba ya xbaht ta ahnel te mach'atic yu'un Elam.

Ezequiel 37:9

Hich la yalbon te Jehová: Snich'anat winic, hala sc'op-jalwanej ta stojol te ic', hala sc'op-jalwanej, hich me xawalbe te ic': Hich yaloj te Jehová, te Ajwalil: ¡Ic', la' ta schanxuhcul q'uinal soc hu'xiya te baq'uetetic ini te lajemic, scuenta yu'un ya xcha'cuxajic! xchi.

Ezequiel 7:2

Ha'at, snich'anat winic, puca ta halel ta stojol te sq'uinal Israel te hich yaloj te Jehová, te Ajwalil: ¡Ha slajibal! ¡Talix te slajibal ta stojol te schanxuhcul te q'uinale!

Daniel 11:4

Pero te c'alal hahchemix a, ya me yich' jimbeyel te ban c'alal scuentahinej soc ya yich' puhquel ta schanchahpal te ic' yu'un te ch'ulchan; ma ba ya x'a'bot te sts'umbal soc ma ba ya stahbe c'ohel yip te bin ut'il te yu'une, como ya me yich' bulel loq'uel, ha ya x'a'bot ta scuenta yantic.

Daniel 7:2

Hich la yal te Daniel: La jquil ta jnahalsit ta ahc'abal, te chanchahp ic' la stijbeyic te muc'ul mar.

Daniel 8:8

Te tat tentsun c'ax muc' c'oht; pero c'alal bayelix yip a, wac' te smuc'ul xulube, tey loc' tal chanch'ix muc'ul xulubiletic a, te jujune yiloj bahel ta schanxuhcul te q'uinale.

Jonás 1:4

Pero te Jehová la yac' hahchuc tulan ic' ta mar, c'ax tulan te yic'al ha'al ta mar, c'an jatuc te barco yu'un.

Zacarías 6:1

Yan buelta la jquil mohel, la jquil chicnaj chaneb carretahetic te yacalic ta loq'uel tal ta yohlil cheb witsetic te pasbilic ta bronce.

Zacarías 6:5

Hich la sjac'bon te ch'ul a'bat: Ha te chaneb iq'uetic yu'un te ch'ulchan, te yaquic ta loq'uel tal ta stojol te Ajwalil yu'un swohlol bahlumilal.

San Mateo 24:31

Soc ya me sticonlan bahel te ch'ul a'batetic yu'un soc tulan yoq'uel corneta, ya stsobic tal ta schanebal ic' te mach'atic tsahticlambil yu'un, c'alal ta jehch ta jehch sti'il te ch'ulchane.

San Marcos 13:27

Ya me sticon bahel te ch'ul a'batetic yu'un ta stsobel tal te mach'atic tsahbilic yu'un ta schanebal ic', c'alal ta sjehchelul bahlumilal c'alal ta sjehchelul ch'ulchan.

Apocalipsis 20:8

ya xloc' slo'loylan te nacionetic ayic ta schanxuhcul bahlumilal, ha te Gog soc Magog, yu'un ya stsob tal ta guerra. Hich yipalic te bin ut'il shi'al mar.

Apocalipsis 6:6

La jca'iy ay mach'a c'opoj ta yohlil te chaneb bintic cuxajtic, te hich la yal: Jun denario stojol te jun litro trigo, soc jun denario stojol te oxeb litro cebada, pero ma me xawixtalan te aceite soc te vino, xchi.

Apocalipsis 7:3

hich la yal: Ma to me xajinic te q'uinal, te mar o te te'etic ha to teme la jcac'ticlambecotic sello ta sti'bahic te a'batetic yu'un te Dios cu'untique, xchi.

Apocalipsis 8:7

Te sbabayal ch'ul a'bat la yoq'uesin te scorneta; xbuquet cohel ta lum q'uinal bat soc c'ahc' capal soc ch'ich'. Laj ta c'ahq'uel jun ta yoxeht'el te q'uinal, te'etic soc laj spisil te yaxal ha'maletic.

Apocalipsis 9:14

Hich la yalbe te swaquebal ch'ul a'bat te yich'oj te corneta: Tila te chaneb ch'ul a'batetic chuculic ta sti'il te muc'ul-ha' Éufrates, xchi sc'oblal.

Apocalipsis 9:4

Pasotic ta mandar te ma me xyuts'inic te aquiltic, te yaxal ha'maletic soc te'etic ta q'uinal, ha nax te mach'atic ma ba yich'ojic te sello yu'un Dios ta sti'bahic.