Apocalipsis 6:5 - Bible in Tzeltal Bachajón

⁵ C'alal la sjam te yoxebal sello, la jca'iy te hich la yal te yoxebal bintic cuxajtic: La', xchi. La jquil ay jcoht ihc'al cawu. Te mach'a cajal tey a ay ta sc'ab sp'isojbil yalal.

Nuevo Testamento Tzeltal de Amatenango

⁵ Te kꞌalal la xchꞌiꞌ te yoxebal sello te Chꞌin Carnerae, la kaꞌiybe skꞌop te yoxebal te tut kuxajtike: —Laꞌ —xchi. La kil, y la jta ta ilel jkojt xan ijkꞌal kawu, y te machꞌa moem aye yichꞌoj ta skꞌab jun libra-teꞌ te ay tut ya xlikot aye.

Bible in Tzeltal de Oxchuc y Tenejapa

⁵ Te c'alal la sjam te yoxebal sello te Alalchije, la caiy stojol c'opoj te yoxcojt'ol te bitic cuxajtique, jich la yal: “La' me, ila awil”, xi'. Jich la quil jcojt' ijc'al caballo. Te mach'a cajal ta spate slicoj libra ta sc'ab.

Apocalipsis 6:5 ပူးပေါင်းရင်းမြစ်များ

Lamentaciones 5:10

Ihc'uben te jnuhculelcotic hich te bin ut'il horno, ta scaj sc'ahc'al te wi'nale.

Ezequiel 4:10

Te yalal te we'elil yac awe' jujun c'ahc'al ha jtahb siclo; p'isbil yorahil yac awe'.

Ezequiel 4:16

Patil hich la yalbon: Snich'anat winic, ya cac' te mayuc pan ta Jerusalén; licbil pan ya swe'ic soc swocolic, soc p'isbil ya yuch'ic ha' soc xiwel.

Levítico 26:26

Te c'alal ya jlajimbeyex awe'elic, lajuntuhl antsetic ya spaybeyex spisil awe'elic ta junax horno, p'isbil ya spucbeyex awe'elic, ma ba ya xnoj ach'uhtic yu'un.

Zacarías 6:2

Te shahchibal carreta nitbil ta tsajal cawuhetic, te schebal carreta nitbil ta ihc'al cawuhetic,

Zacarías 6:6

Te carreta nitbil yu'un te ihc'al cawuhetic ya xbaht ta q'uinal ta stojol norte, te saquil cawuhetic ya xbahtic ta q'uinal ta stojol smahlib c'ahc'al, te pinto cawuhetic ya xbahtic ta q'uinal ta stojol sur, xchi.

San Mateo 24:7

Ya xhahch scontrahin sbahic nacionetic, soc ya scontrahin sbahic te jujuchahp banti scuentahinejic; ya xtal wi'nal soc nihquel ta bayuc.

Apocalipsis 5:5

Ay jtuhl te mamaletic la yalbon: Ma x'oc'at, como te Choj yu'un te jchahp yu'un Judá, ha te slohp' David, la ya'iy tsalaw, ya xhu' ya sjam te balbil hun soc te huqueb sellohetic yu'une, xchi.

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.

Apocalipsis 6:1

La jquil te Jcolel Tuminchij la sjam jun sello, soc la jca'iy te jun ta schanebal te bintic cuxajtic te c'opoj hich te bin ut'il chahwuc: La', xchi.