Apocalipsis 6:14 - Bible in Tzeltal Bachajón

¹⁴ Te ch'ulchan ch'ay bahel hich te bin ut'il ya yich' balel hun, soc jeltaybot yawilic spisil witsiltic soc te q'uinaletic joytaybilic ta ha'.

Nuevo Testamento Tzeltal de Amatenango

¹⁴ Te chꞌulchane chꞌay bael jachik tutꞌil ya xbalot te june. Y spisil te witstikile y sok te chꞌinik luwar te joybil ta jaꞌe, jeltalanbot sluwar.

Bible in Tzeltal de Oxchuc y Tenejapa

¹⁴ Te ch'ulchane ch'ay bael ta jsit jich bit'il ora nax ya yich' balel te june. Jeltaybot yawilic spisil te witstiquile soc te ch'in sejbelsejp q'uinaletic te joytaybilic ta mare.

Apocalipsis 6:14 ပူးပေါင်းရင်းမြစ်များ

Salmos 102:26

Ya xlajic stuquelic, yan te ha'ate atalel ayat; ta spisilic ya xpoco'ub hich te bin ut'il c'u'ul; yac ajeltay hich te bin ut'il c'u'ul, hich ya xhil awu'un.

Isaías 34:4

Spisil te bintic ayic ta ch'ulchan ya xtup' bahel soc hich ya yich' balel te ch'ulchan te bin ut'il balbil hun; spisil te bintic ay tey a ya xluhbaj cohel hich te bin ut'il ya'binal ts'usub, hich te bin ut'il ya'binal higuera.

Isaías 54:10

Aunque ya sjel yawil te witsiltic, soc te ya xnihc te tsehletic, ma ba ya yihquitayat te sc'uxul co'tan, soc ma ba ya xjihn te chapbil c'op cu'un scuenta lamal-o'tanil, xchi te Jehová te ya sna'bat yo'bolil aba.

Jeremías 3:23

Melel jlo'loywanejetic te tsehletic soc bayel c'opetic ta sba witsiltic; melel ta scuenta Jehová te Dios cu'untic ay te colel yu'un Israel.

Jeremías 51:25

Jcontrahinejat, ha'at jinaw witsat, xchi te Jehová, ha'at te la ajin spisil te q'uinale. Ya jach jc'ab ta scontrahinelat, ya jtselat cohel ta tontiquil, soc ya jc'atp'unat ta c'ahq'uem wits.

Ezequiel 38:20

te chayetic ta mar, te mutetic ta toyol, te chambahlametic ta q'uinal, spisil te bintic staslajan ya xbehenic ta lumq'uinal, soc spisil te ants-winiquetic ta bahlumilal, ya me xnihquic ta jtojol. Ya xhemts'ujic cohel te witsiltic, ya xhemts'ujic cohel te tontiquil, soc spisil te ts'ahquetic ya xhemts'ujic cohel ta lum.

Nahúm 1:5

Ya xnihquic te witsiltic ta stojol, soc te tsehletic ya x'uhlic. Te lumq'uinal ya syuc' sba ta stojol, te bahlumilal soc spisil mach'atic nahinemic tey a.

Habacuc 3:10

La yilat te witsetic, nihquic yu'un; c'ax bahel te snojel ha'etic; c'opoj te xahab soc la stoy sc'ab ta toyol.

Habacuc 3:6

Ya stehc'an sba, ya yac' nihcuc te q'uinale; ya yil, nihc te nacionetic yu'un. Te namey witsiltic ya xhemts'uj cohel, te namey tsehletic ya xch'ayic cohel; pero stalel ay te behetic yu'une.

2 Pedro 3:10

Pero te c'alal ya xtal te Cajwaltic hich ya xtal te bin ut'il j'elec' ta ahc'abal. Ta hich ora ya xch'ay bahel te ch'ulchan soc tulan c'op, spisil bintic pasbil ya xlaj ta c'ahc', soc te bahlumilal soc spisil te bintic pasticlambil tey a ya me xlajic ta chiq'uel.

Apocalipsis 16:20

Ahn bahel spisil te q'uinal joytaybilic ta ha', soc ma chicanuc banti baht te witsetique.

Apocalipsis 20:11

La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.

Apocalipsis 21:1

La jquil yach'il ch'ulchan soc yach'il bahlumilal, como c'axix te ch'ulchan soc te bahlumilal te ay ta nahil to, soc mayuquix mar.