Apocalipsis 6:11 - Bible in Tzeltal Bachajón

¹¹ Hich ac'ticlambot slapic saquil pac' soc halbotic te ya me smahliyic jtebuc xan, ha to teme ts'acay spisil te smohloltac soc te yermanotac te ya to xlajic ta milel hich te bin ut'il lajic ta milele.

Nuevo Testamento Tzeltal de Amatenango

¹¹ Jicha akꞌtalanbot sakil skꞌuꞌ-spakꞌik, y altalanbot te ya to xkux yoꞌtanik jun chebuk xanix kꞌaal, jaꞌ to teme tsꞌakay te jaytul xan yermanotak te ayik ta abatinel yuꞌun te Cristoe te puersa jich ya xlajik jachik tutꞌil lajik stukelike.

Bible in Tzeltal de Oxchuc y Tenejapa

¹¹ Jich ac'bot slapic saquil c'u'il juju-jtul, soc albotic te junuc yo'tan ac'a smaliyic xan jtebuc, ja' to teme ts'acaj yajtalul te yermanotac te ayic ta abatinel yu'un te Cristoe, puersa ya yich'ic milel uuc, jich te bit'il la yich'ic milel stuquelique.

Apocalipsis 6:11 ပူးပေါင်းရင်းမြစ်များ

Daniel 12:13

Pero te ha'ate, ya xbahat c'alal ta slajibal acuxlejal, yac acux awo'tan, soc ta slajibal c'ahc'al ya xhahchat yu'un yac awich' te bin ya xc'oht ta acuenta, xchi.

San Mateo 10:21

Te jtuhle ya yac' ta milel te yermano, te tatil ya yac' ta milel te snich'ane. Te al-nich'anetic ya scontrahinic te sme'static soc ya me yaq'uic ta milel.

San Lucas 15:22

Pero te stat hich la yalbe te a'batetic yu'une: Ich'ahic tal buen lequil c'u'ul, a'beyahic slap; soc a'beyahic ch'ocowil ta yal sc'ab soc a'beyahic slap step.

San Juan 16:2

Ya me stenex loq'uel ta sinagogahetic; soc ya me sta yorahil te ya scuyic te yac spasbelic ya'tel Dios te mach'atic ya smilex.

Hechos 20:24

Pero mayuc sc'oblal ta co'tan te jcuxlejal, ha nax ay sc'oblal te yacuc xhu' cu'un slajinel soc yutsil co'tan te ahnimal soc te ca'tel quich'oj yu'un te Cajwaltic Jesús, ha te yalbeyel sc'oblal te lec yach'il c'op yu'un te yutsil yo'tan te Diose.

2 Tesalonicenses 1:7

soc te ha'ex te ay awocolic ya ya'beyex acux awo'tanic soc ho'otcotic te c'alal ya xchicnaj cohel tal ta ch'ulchan ta yohlil yat c'ahc' te Cajwaltic Jesús soc te ch'ul a'batetic yu'un te ay yipic,

2 Timoteo 4:7

La jca'beyix te lequil tsaltamba, hu'ix cu'un te ahnimal, jcanantayej te bin ay ta ch'uhunel.

Hebreos 11:40

como ay bin c'ax hich lec a te schapoj Dios te ya ya'botic, ha te pajal ya yich'ic lecubtesel soc te ho'otique.

Hebreos 12:23

ta banti stsoboj sbahic te ba-nich'aniletic te ts'ihbabil sbihilic ta ch'ulchan. Nohpojemex ta stojol Dios, te Jchahpanwanej yu'un spisilic, ta stojol te espírituhetic yu'un te mach'atic toj bin la spasic te ts'acal pasotic ta toj,

Hebreos 4:10

como te mach'a ochemix ta cux-o'tanil ya scuxix yo'tan yu'un te ya'tel, hich te bin ut'il la scux yo'tan Dios yu'un te ya'tele.

Apocalipsis 10:6

jc'axel la yal ta jamal ta scuenta te mach'a stalel cuxul sbahtel q'uinal, te la spas te ch'ulchan soc spisil bintic ay tey a, te bahlumilal soc spisil bintic ay tey a, soc te mar soc spisil bintic ay tey a, la yal te mayuquix yorahil,

Apocalipsis 13:15

A'bot te ya ya'be yich' ic' te sloc'ombahil te chambahlam te xiweltic sba, scuenta yu'un ya xhu' ya xc'opoj te loc'omba soc ya yac'ticlan ta milel spisil te mach'atic ma ba ya xch'uhuntayot yu'une.

Apocalipsis 14:13

La jca'iy ay mach'a c'opoj tal ta ch'ulchan te hich la yalbon: Ts'ihbaya: Bayel me yutsilic te mach'atic ayic ta stojol Cajwaltic a te ya xway sbaq'uetalic li' bahele, xchi. Melel, xchi te Espíritu, ya me scux yo'tanic yu'un te ya'telic, como ya xt'unotic yu'un te ya'telique, xchi.

Apocalipsis 17:6

La jquil te ants yacuben yu'un te sch'ich'el te mach'atic ch'uhltesbilic soc te sch'ich'el te mach'atic lajemic ta milel ta scuenta Jesús. Mero xcham co'tan yu'un te c'alal la jquil te antse.

Apocalipsis 7:14

La jcalbe: Tatil, ha'at yac ana', la jcut. Hich la yalbon: Ha'ic ini te c'axem yu'unic te tulan uts'inel; sac'ojiquix sc'u' spaq'uic, ha la sacubtesic te ta sch'ich'el te Jcolel Tuminchij.

Apocalipsis 7:9

Patil la jquil c'ax tsobolic, mayuc mach'a ya xhu' ya yahtay, talemic ta spisil ta chahp nacionetic, ts'umbaliletic, pueblohetic soc c'opiletic; tec'ajtic ta stojol te muc'ul-huctajibal soc ta stojol te Jcolel Tuminchij, slapojic sac sc'u' spaq'uic soc stuchticlanejic xahn ta sc'abic.