Apocalipsis 5:8 - Bible in Tzeltal Bachajón

⁸ C'alal la yich' te hun, te chaneb bintic cuxajtic soc te chaneb scha'winic (24) ta tuhl mamaletic la spahcan sbahic ta stojol te Jcolel Tuminchij. Spisilic ay arpa yu'unic soc yich'ojic taza pasbil ta oro nojelic ta pom, ha te bin ya yalic ta sc'oponel Dios te mach'atic ch'ultesbilique.

Nuevo Testamento Tzeltal de Amatenango

⁸ Te kꞌalal la yichꞌ te balbil june, te chaneb te tutik kuxajtike y sok te beintikuatro ta jtul te lom mamalikixe la skejan sbaik ta sit te Chꞌin Karnerae. Te spisilik ay yarpaik, y yichꞌojik sbasoik pasbil ta oro nojel ta pom, te jaꞌ skꞌopik ta skꞌoponel Dios te machꞌatik yuꞌunik te Diose.

Bible in Tzeltal de Oxchuc y Tenejapa

⁸ Te c'alal la stsac te balbil june, te chancojt' bitic cuxajtique soc uuc te chaneb xcha'winic (24) ta jtul mamaletique la squejan sbaic ta stojol te Alalchije. Spisilic yich'oj yarpaic soc copaetic te pasbilic ta oro te nojel ta pom, te ja' sc'opic ta sc'oponel Dios te mach'atic ch'ul lum yu'un te Diose.

Apocalipsis 5:8 ပူးပေါင်းရင်းမြစ်များ

Salmos 141:2

Ac'a mohuc bahel ta atojol hich te bin ut'il pom te bin ya calbat; te jc'ab te jachoj mohel ta atojol hich ac'a c'ohtuc te bin ut'il milbil mahtanil ta tibiltic.

Salmos 150:3

Halbeyahic yutsil sc'oblal ta scuenta sc'op corneta, halbeyahic yutsil sc'oblal soc arpa soc lira.

Salmos 33:2

Halbeyahic yutsil Jehová ta arpa, c'ayojtaybeyahic c'ayojetic soc lira te ay lajuneb sc'ab.

Salmos 43:4

Ya xnohpojon bahel ta stojol te scajtajib ta chiq'uel mahtanil yu'un Dios, ta stojol te Dios te ha tse'el co'tan soc te ha yutsil q'uinal ya ca'iy yu'un. Ya jc'ayojtayat soc arpa, Dios, Diosat cu'un.

Salmos 81:2

Hahchanic ta c'ayoj, tijahic te pandero, te yutsil sc'op te arpa soc te lira.

Números 7:62

jun muc'ul cuchara pasbil ta oro te lajuneb (10) siclo yalal nojel ta pom;

San Juan 1:29

Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

San Juan 5:23

scuenta yu'un spisil ya me yich'ic ta muc' te Nich'anil, hich te bin ut'il ya yich'ic ta muc' te Tatile. Te mach'a ma ba ya yich' ta muc' te Nich'anil, ma ba yich'oj ta muc' te Tatil te ticonot tal yu'une.

Hebreos 1:6

Soc te c'alal Dios la sticon tal ta bahlumilal te Ba-nich'anil, hich la yal: Spisil te ch'ul a'batetic yu'un Dios ac'a sch'uhuntayic, xchi.

Apocalipsis 13:8

Spisil mach'atic nahinemic ta bahlumilal la sch'uhuntayic, spisil te mach'atic ma ba ts'ihbabil sbihilic te ma to ba pasbil a te bahlumilal ta libro scuenta cuxlejal yu'un te Jcolel Tuminchij te yich'oj milel.

Apocalipsis 15:2

Soc la jquil jun mar sjel ta cristal capal soc c'ahc', soc tec'ajtic ta ti'mar te sjel ta cristal te mach'atic hu'em yu'unic stsalel te chambahlam te xiweltic sba soc te sloc'ombahil soc te snumerohil te sbihile. Yich'ojic arpahetic te a'botic yu'un Dios

Apocalipsis 15:7

Jun ta schanebal bintic cuxajtic la yac'ticlambe te huqueb ch'ul a'batetic huqueb copahetic pasticlambil ta oro nojelic ta yilimba Dios te stalel cuxul sbahtel q'uinal.

Apocalipsis 19:4

Te chaneb scha'winic (24) ta tuhl mamaletic soc te chaneb bintic cuxajtic la spahcan sbahic ta lum, la sch'uhuntayic te Dios te hucul ta smuc'ul-huctajib, hich la yalic: ¡Hichuc! ¡Aleluya! xchihic.

Apocalipsis 4:10

te chaneb scha'winic (24) ta tuhl mamaletic ya spahcan sbahic ta stojol te Mach'a hucul ta smuc'ul-huctajib, ya sch'uhuntayic te Mach'a stalel cuxul sbahtel q'uinal, ya xohtan scoronahic ta stojol te muc'ul-huctajibal soc hich ya yalic:

Apocalipsis 4:4

Ta sjoyobal te muc'ul-huctajibal ay chaneb scha'winic (24) muc'ul huctajibaletic soc ay chaneb scha'winic (24) ta tuhl mamaletic huhcajtic tey a, slapojic sac sc'u' spaq'uic soc ay ta sjolic coronahetic pasbilic ta oro.

Apocalipsis 4:6

Soc ta stojol te muc'ul-huctajibal ay sjel ta muc'ul mar yilel, sacliplip hich te bin ut'il cristal. Soc tec'ajtic ta sjoyobal te muc'ul-huctajibal ay chaneb bintic cuxajtic te scohtol ay sitic ta stahnic soc ta spatic.

Apocalipsis 4:8

Ta schanebal te bintic cuxajtic ay wacwaqueb xic' ta jujun, soc ay sitic ta scohtol soc ta yutil. C'ahc'al ahc'abal ma xquehchajic ta yalel: Ch'ul Dios, Ch'ul Dios, Ch'ul Dios te Cajwaltic Dios te spisil ya xhu' yu'un, te ay ta namey, ta ora ini, soc te ya xtale, xchihic.

Apocalipsis 5:11

Patil la jquil, soc la jca'iybe sc'op bayel ta mil millón ch'ul a'batetic ta sjoyobal te muc'ul-huctajibal, soc te bintic cuxajtic soc te mamaletic,

Apocalipsis 5:12

tulan yacalic ta yalel: Te Jcolel Tuminchij te la yich' milel, ha mero yu'un te ya yich' yu'el, sc'uhlejal, p'ijil-o'tanil, yip, yich'el ta muc', yutsilal, soc halbeyel yutsil sc'oblal, xchihic.

Apocalipsis 5:14

Te chaneb bintic cuxajtic hich la yalic: ¡Hichuc! xchihic. Te chaneb scha'winic (24) ta tuhl mamaletic la spahcan sbahic soc la sch'uhuntayic.

Apocalipsis 5:6

La jquil ta yohlil te muc'ul-huctajibal te joytaybil yu'un te chaneb bintic cuxajtic soc te mamaletic, tey teq'uel a te Jcolel Tuminchij te yich'oj milel yilel; ay huqueb xulub soc huqueb sit, ha te huqueb espírituhetic yu'un Dios ticombilic bahel ta swohlol bahlumilal.

Apocalipsis 6:1

La jquil te Jcolel Tuminchij la sjam jun sello, soc la jca'iy te jun ta schanebal te bintic cuxajtic te c'opoj hich te bin ut'il chahwuc: La', xchi.