Apocalipsis 5:6 - Bible in Tzeltal Bachajón

⁶ La jquil ta yohlil te muc'ul-huctajibal te joytaybil yu'un te chaneb bintic cuxajtic soc te mamaletic, tey teq'uel a te Jcolel Tuminchij te yich'oj milel yilel; ay huqueb xulub soc huqueb sit, ha te huqueb espírituhetic yu'un Dios ticombilic bahel ta swohlol bahlumilal.

Nuevo Testamento Tzeltal de Amatenango

⁶ Y la kil jkojt Chꞌin Karnera teꞌ ta yolil te mukꞌul naktajibale, y te chaneb te tutik kuxajtike, y ta yolil te machꞌatik lom mamalikixe. Teꞌ kotol a, aunke milbil yilel. Ay jukeb xulbal y jukeb sit. Jaꞌ te jukeb Espirituetik yuꞌun Dios te tikonlanbil ta spisil balmilale.

Bible in Tzeltal de Oxchuc y Tenejapa

⁶ Jich la quil ta bay te muc'ul nactijibale soc ta banti ay te chancojt' bitic cuxajtic te ay ta yolilal te mamaletique. Tey cotol a te jcojt' Alalchij. Yich'oj milel yilel, te ay juqueb xulub soc juqueb sit, ja'ic te juqueb Espirituetic yu'un Dios te la yich'iquix ticunel bael ta spamal te balumilale.

Apocalipsis 5:6 ပူးပေါင်းရင်းမြစ်များ

2 Crónicas 16:9

Como te sit Jehová ya yil spisil te q'uinal, yu'un ya ya'be yip te mach'atic jun yo'tanic ta stojol. Sjel ta shoquem ajol te bin la apasix; ha yu'un yo'tic soc li' bahel ay me guerra ta atojol, xchi.

Daniel 7:14

A'bot ya'tel ta cuentahinwanej, a'bot yutsilal soc te banti ya xcuentahinwan, scuenta yu'un spisil pueblohetic, nacionetic soc c'opiletic ya yac' sbahic ta a'batinel yu'un; sbahtel q'uinal te ya'tel ta cuentahinwanej, mayuc bin ora ya xc'ax bahel; soc te banti ya xcuentahinwan mayuc bin ora ya yich' jinel.

Daniel 8:3

La jquil mohel, ay jcoht tat tuminchij ta sti'il muc'ul-ha', soc ay cheb xulub; aunque naht schebalic, te june ha naht xan yu'un te yane, pero patil muc'ub bahel.

Miqueas 4:13

¡Hahchan, wuya, yantsil-nich'anat Sión! yu'un ya cac' te ha taq'uin ya xc'oht axulub, soc te bronce ya xc'oht te awech'ac: yac asesen bayel pueblohetic, soc yac awac' ta stojol Jehová te sbiluquic te yelc'anejic, soc yac awa'be sc'ulejalic te Ajwalil yu'un swohlol bahlumilal.

Habacuc 3:4

Te sts'anabul hich ay te bin ut'il sacal q'uinal; ya xloc' tal sjahts' sc'ahc'al ta sc'ab, tey snac'oj sba a te yu'ele.

Zacarías 3:9

Ilawil te ton te la jcac' ta stojol Josué, junax ay soc ay huqueb sit. Ho'on nix ay bin ya jts'ihbay ochel tey a, xchi te Jehová te scuentahinej spisil, soc ta junax c'ahc'al ya jloq'uesbe smul te q'uinal ini.

Zacarías 4:10

Te mach'atic la sp'ajic te sc'ahc'alel te tut shahchibal te ya'tele, tse'el me yo'tanic yu'un c'alal ya yilic te plomo ta sc'ab te Zorobabel. (Te huqueb sit ini, ha sit te Jehová te ya yil spisil te q'uinale.)

Números 7:39

jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil;

Números 7:57

jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil;

San Lucas 1:69

Ta sts'umbal David te a'bat yu'un la schicnajtesbotic jtuhl Jcoltaywanej te bayel yu'el,

San Juan 1:29

Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

San Juan 1:36

C'alal la yil te Juan te tey yac ta behel a te Jesús, hich la yal: ¡Ilawil te Jcolel Tuminchij yu'un Dios! xchi.

Hechos 8:32

Te bin yac ta yilel ta Shun Dios hich ay: Hich ic'ot bahel te bin ut'il tuminchij ya x'ic'ot bahel ta milel; soc hich bin ut'il jcolel tuminchij te ya x'uma'ub ta stojol te mach'a ya sloq'uesbe stsotsel, ha nix hich ma ba la sjam ye.

Apocalipsis 1:4

Juan, ta stojol te huqueb iglesiahetic te ayic ta Asia: Ich'ahic te yutsil-o'tanil soc lamal q'uinal yu'un te mach'a ay ta ora ini, te ay ta namey soc te ya xtale, soc te huqueb espírituhetic te ayic ta stojol te smuc'ul-huctajib,

Apocalipsis 12:11

Ha'ic la stsalic ta scuenta sch'ich'el te Jcolel Tuminchij soc ta scuenta te testigo-c'op la yalique. La sloq'ues sbahic ta yo'tanic, ma ba la xi'ic lajel.

Apocalipsis 13:8

Spisil mach'atic nahinemic ta bahlumilal la sch'uhuntayic, spisil te mach'atic ma ba ts'ihbabil sbihilic te ma to ba pasbil a te bahlumilal ta libro scuenta cuxlejal yu'un te Jcolel Tuminchij te yich'oj milel.

Apocalipsis 14:1

Patil la jquil teq'uel ta wits Sión te Jcolel Tuminchij, joquimbil yu'un waxaclajunpic (144,000) ta tuhl te ts'ihbalambil ta sti'bahic te sbihil soc te sbihil te State.

Apocalipsis 17:14

Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.

Apocalipsis 21:22

Mayuc templo la jquil tey a, como ha templo yu'un te Cajwaltic Dios te spisil ya xhu' yu'un, soc te Jcolel Tuminchij.

Apocalipsis 21:23

Te muc'ul pueblo ma xtuhun yu'un te sts'anabul te c'ahc'al o te u, como ha sacuben q'uinal yu'un te yutsilal te Diose, soc ha jsacubtesej q'uinal te Jcolel Tuminchij.

Apocalipsis 22:1

Patil te ch'ul a'bat la ya'bon quil te muc'ul-ha' scuenta cuxlejal, xleblon sjahts' hich te bin ut'il cristal, te yac ta loq'uel tal ta stojol te smuc'ul-huctajib Dios soc ta stojol te Jcolel Tuminchij,

Apocalipsis 22:3

Mayuquix tey a te bin chopol sc'oblale. Tey ay a te smuc'ul-huctajib te Dios soc te Jcolel Tuminchij, soc te a'batetic ayic ta a'batinel yu'un,

Apocalipsis 4:8

Ta schanebal te bintic cuxajtic ay wacwaqueb xic' ta jujun, soc ay sitic ta scohtol soc ta yutil. C'ahc'al ahc'abal ma xquehchajic ta yalel: Ch'ul Dios, Ch'ul Dios, Ch'ul Dios te Cajwaltic Dios te spisil ya xhu' yu'un, te ay ta namey, ta ora ini, soc te ya xtale, xchihic.

Apocalipsis 5:11

Patil la jquil, soc la jca'iybe sc'op bayel ta mil millón ch'ul a'batetic ta sjoyobal te muc'ul-huctajibal, soc te bintic cuxajtic soc te mamaletic,

Apocalipsis 5:12

tulan yacalic ta yalel: Te Jcolel Tuminchij te la yich' milel, ha mero yu'un te ya yich' yu'el, sc'uhlejal, p'ijil-o'tanil, yip, yich'el ta muc', yutsilal, soc halbeyel yutsil sc'oblal, xchihic.

Apocalipsis 5:13

Soc spisil bintic ay ta ch'ulchan, ta bahlumilal, ta ye'tal bahlumilal soc ta mar la jca'iy hich yacalic ta yalel: Te mach'a hucul ta smuc'ul-huctajib, soc te Jcolel Tuminchij, ac'a yich' halbeyel yutsil sc'oblalic, ac'a ich'ec ta muc', ayuc me yutsilalic soc yu'elic ta sbahtel q'uinal, xchihic.

Apocalipsis 5:14

Te chaneb bintic cuxajtic hich la yalic: ¡Hichuc! xchihic. Te chaneb scha'winic (24) ta tuhl mamaletic la spahcan sbahic soc la sch'uhuntayic.

Apocalipsis 6:16

hich la yawtayic te witsiltic soc te ch'entiquil: La', mucawotcotic, nac'awotcotic ta sit te mach'a hucul ta muc'ul-huctajibal, soc ta stojol te yilimba te Jcolel Tuminchij,

1 Samuel 2:10

Te mach'atic ya scontrahinic te Jehová ya me xlajinotic, ha ya xt'ohm tal ta stojolic c'alal ta ch'ulchan. Te Jehová ya me yich' ta c'op c'alal ta sti'il bahlumilal; ya me ya'be yip te ajwalil yu'un, soc ya me ya'be xan yip te Mach'a malbil ta aceite yu'une, xchi.