Apocalipsis 5:1 - Bible in Tzeltal Bachajón

¹ La jquil ay balbil hun ta swa'el-c'ab te Mach'a hucul ta muc'ul-huctajibal, ts'ihbabil ta yutil soc ta spat soc macbil ta huqueb sello.

Nuevo Testamento Tzeltal de Amatenango

¹ La kil yichꞌoj balbil jun ta sbatsꞌil kꞌab te Machꞌa nakal ta mukul naktajibale. Tsꞌibabil ta yutil y ta spat y tsꞌusbil ta jukeb seyoetik.

Bible in Tzeltal de Oxchuc y Tenejapa

¹ Soc la quil te ay balbil jun te stsacoj ta swa'el sc'ab te mach'a nacal ta muc'ul nactijibale. Ay bila ts'ibubil ta yutil soc ta spat te balbil june, soc yich'oj juqueb sello.

Apocalipsis 5:1 ပူးပေါင်းရင်းမြစ်များ

Isaías 29:11

Spisil te nahalsitil ini hich ya xc'oht awu'unic te bin ut'il c'opetic ta balbil hun te yich'oj sello. Teme ay yac awa'be yil te mach'a ya sna' yilel hun, te hich yac awalbe: Ilawil ini, teme xchihate, hich ya sjac': Ma xhu' cu'un, como yich'oj sello, xchi.

Isaías 34:16

Ilawil ta libro yu'un Jehová, mayuc jcohtuc te ya spas falta, mayuc ya spas falta jcohtuc soc yantsilel. Como ha nix te Jehová te la yal mandar, soc ha nix te espíritu yu'un te la stsobticlan.

Isaías 8:16

Chuca te testigo-c'op, a'beya sellohil te ley ta yohlil te jnopojeletic cu'une.

Daniel 8:26

Te nahalsitil yu'un te tibiltic soc te sahb te ac'ot ta ilel, mero smelelil. Pero macal me ya xhil awu'un te nahalsit, como ha sc'oblal bayel c'ahc'al ta patil, xchi.

Zacarías 5:1

Yan buelta la jquil mohel, la jquil balbil hun te yac ta wihlele.

Apocalipsis 10:2

Ay tut libro jamal slechoj ta sc'ab; la stec' te mar ta swa'el-oc soc la stec' te q'uinal ta sq'uexam-oc,

Apocalipsis 4:3

Te Mach'a hucul tey a hich yilel te bin ut'il jaspe soc cornalina, soc ta sjoyobal te muc'ul-huctajibal ay xojob te hich yilel te bin ut'il esmeralda.

Apocalipsis 4:9

Te jujun buelta te ya yalbeyic yutsil sc'oblal, te ya yich'ic ta muc' soc te ya yalbeyic wocol te Mach'a hucul ta smuc'ul-huctajib soc te stalel cuxul sbahtel q'uinal,

Apocalipsis 5:13

Soc spisil bintic ay ta ch'ulchan, ta bahlumilal, ta ye'tal bahlumilal soc ta mar la jca'iy hich yacalic ta yalel: Te mach'a hucul ta smuc'ul-huctajib, soc te Jcolel Tuminchij, ac'a yich' halbeyel yutsil sc'oblalic, ac'a ich'ec ta muc', ayuc me yutsilalic soc yu'elic ta sbahtel q'uinal, xchihic.

Apocalipsis 5:7

Ha tal yich' te balbil hun ay ta swa'el-c'ab te Mach'a hucul ta muc'ul-huctajibal.

Apocalipsis 6:1

La jquil te Jcolel Tuminchij la sjam jun sello, soc la jca'iy te jun ta schanebal te bintic cuxajtic te c'opoj hich te bin ut'il chahwuc: La', xchi.

Apocalipsis 6:16

hich la yawtayic te witsiltic soc te ch'entiquil: La', mucawotcotic, nac'awotcotic ta sit te mach'a hucul ta muc'ul-huctajibal, soc ta stojol te yilimba te Jcolel Tuminchij,

Apocalipsis 8:1

C'alal la sjam te shuquebal sello, lahmaj q'uinal ohlil wan ora ta ch'ulchan.