Apocalipsis 4:7 - Bible in Tzeltal Bachajón

⁷ Te jun hich yilel te bin ut'il choj; te schebal hich yilel te bin ut'il jcolel-wacax; te yoxebal hich yilel sit yelaw te bin ut'il winic; te schanebal hich yilel te bin ut'il muc'ul jxic yac ta wihlel.

Nuevo Testamento Tzeltal de Amatenango

⁷ Te primero te tut kuxule pajal sok jkojt choj, te xchebale pajal sok jtojt toro, te yoxebale pajal sok yelaw gente, y te xchanebale pajal sok jkojt xik te yipal ta wilele.

Bible in Tzeltal de Oxchuc y Tenejapa

⁷ Te sbabial te bila cuxule jich yilel te bit'il león-choje. Te xcha'cojt'ole jich yilel te bit'il alal toro wacax. Te yoxebal jich sit yelaw te bit'il winique. Te xchancojt'ole jich yilel te bit'il águila te yac ta wilele.

Apocalipsis 4:7 ပူးပေါင်းရင်းမြစ်များ

Génesis 49:9

Alal chojat, Judá; hahchat loq'uel ta stojol te bin atsacoj, jnich'an. La swuhts'an sba, la spahcan sba hich te bin ut'il choj, hich te bin ut'il yantsilel choj: ¿mach'a ya sc'an ya stij hahchel?

2 Samuel 1:23

Saúl soc Jonatán, c'uxic ta o'tanil soc mulambil, ma ba la spit sbahic c'alal cuxulic, soc ma ba la spit sbahic te c'alal lajic. C'ax hich ahnimajic a te bin ut'il ya xwihl jxiquetic, c'ax hich yipic a te bin ut'il chojetic.

Proverbios 28:2

C'alal ay toybahil ta jun nación, ay bayel jcuentahinwanejetic yu'un, yan te winic te ay scuentahil ta yo'tan soc te ay sp'ijil yo'tan ya yac' te ma xhahch c'op.

Isaías 40:31

pero te mach'atic ya smuc'ulin yo'tanic te Jehová ya me sta xan yipic, ya xwihlic mohel ta xiq'uic hich te bin ut'il muc'ul jxiquetic; ya x'ahnimajic, ma ba ya xluhbic, ya xbehenic, ma ba ya xlaj yipic.

Ezequiel 1:10

Te jun yelawic pajal soc yelaw winic, ta swa'el pajal soc choj, ta sq'uexam pajal soc toro, soc ta spat pajal soc jxic;

Ezequiel 1:8

Ta ye'tal te xiq'uic, ta schanjehchel, ay pajal soc sc'ab winic. Ta schanjehchel ay sit yelawic soc xiq'uic.

Ezequiel 10:14

Jujutuhl te querubinetic ay chaneb sit yelawic: te june ha sit yelaw querubín, te schebale ha sit yelaw winic, te yoxebale ha sit yelaw choj, te schanebale ha sit yelaw jxic.

Ezequiel 10:21

Jujutuhl ay chaneb sit yelawic, jujutuhl ay chaneb xiq'uic, soc ta ye'tal te xiq'uic pajal soc sc'ab winic yilel.

Daniel 7:4

Te jcohte pajal soc choj, soc ay xic' yu'un jxic. C'alal yacon ta yilel a la yich' bulbeyel te xiq'ue, la yich' hahchel ta lum, la yich' tehc'anel ta yoc hich te bin ut'il winic, soc la yich' a'beyel yo'tan winic.

Abdías 1:4

Aunque ya xwihlat mohel hich te bin ut'il jxic soc yac apas apechech ta yohlil te eq'uetic, tey ya jinat cohel tal a, xchi te Jehová.

Números 23:24

Te pueblo ini, hich ya xhahch te bin ut'il choj, hich ya stehc'an sba te bin ut'il choj. Ma ba ya spahcan sba ha to teme hu' yu'un sti'el te bin stsacoj soc te ya yuch'be sch'ich'el te bin smilticlanej, xchi.

Números 24:9

Ya swuhts'an sba, ya spahcan sba hich te bin ut'il choj, hich te bin ut'il yantsilel choj, ¿mach'a ya stij hahchel? ¡Ayuc bayel bendición yu'un te mach'atic ya sc'ambat bendición, soc bohlobuc me sc'oblal te mach'a ya sbohlobtesbat ac'oblal! xchi.

1 Corintios 14:20

Quermanotac, ma me hichuc apensaric te bin ut'il alaletic; ha lec hichuquex te bin ut'il alaletic ta stojol te bin chopol, pero muc'ul ants-winicuquex ta scuenta apensaric.

Deuteronomio 28:49

Te Jehová ya me yic' tal scontrahinat jun nación te namal ay, te ay ta sti'il te q'uinal, te ya xwihl tal hich te bin ut'il jxic, jun nación te ma xana'be sc'op;

Apocalipsis 4:6

Soc ta stojol te muc'ul-huctajibal ay sjel ta muc'ul mar yilel, sacliplip hich te bin ut'il cristal. Soc tec'ajtic ta sjoyobal te muc'ul-huctajibal ay chaneb bintic cuxajtic te scohtol ay sitic ta stahnic soc ta spatic.

Apocalipsis 6:3

C'alal la sjam te schebal sello, la jca'iy te hich la yal te schebal bintic cuxajtic: La', xchi.

Apocalipsis 6:5

C'alal la sjam te yoxebal sello, la jca'iy te hich la yal te yoxebal bintic cuxajtic: La', xchi. La jquil ay jcoht ihc'al cawu. Te mach'a cajal tey a ay ta sc'ab sp'isojbil yalal.

Apocalipsis 6:7

C'alal la sjam te schanebal sello, la jca'iy te hich la yal te schanebal bintic cuxajtic: La', xchi.