Apocalipsis 4:5 - Bible in Tzeltal Bachajón

⁵ Yac ta loq'uel ta muc'ul-huctajibal tsantsehwal, chahwuc, soc bayel c'op. Ay huqueb c'ahc' yac ta tihlel ta stojol te muc'ul-huctajibal, ha te huqueb espírituhetic yu'un Dios.

Nuevo Testamento Tzeltal de Amatenango

⁵ Te ba mukꞌul naktajibale ya xlokꞌ tal sansewal sok xixixet sok ya xtꞌom. Y ta yelaw te mukꞌul naktajibale yipal ta tilel jukchꞌix kꞌajkꞌ te jaꞌ te jukeb Espirituetik yuꞌun te Diose.

Bible in Tzeltal de Oxchuc y Tenejapa

⁵ Ta bay te muc'ul nactijibale, loc' tel tsantsewal tey a, soc ay bila bayal yac ta bul sc'op tey a, soc ay chawuc. Soc ay juqueb c'ajq'uetic tuchajtic ta tilel ta stojol te muc'ul nactijibale, ja'ic te juqueb Espirituetic yu'un te Diose.

Apocalipsis 4:5 ပူးပေါင်းရင်းမြစ်များ

Génesis 15:7

Hich halbot yu'un te Jehová: Ho'on Jehovahon te la jquic'at loq'uel tal ta Ur yu'un te caldeohetic yu'un ya ca'bat aq'uinalin te q'uinal ini, xchi.

2 Crónicas 4:20

te scajtajib c'ahc' te pasbil ta lequil oro soc te yawil c'ahq'uetic te ya yich' tsunel ta stojol te Mero Ch'ul Awilal, hich te bin ut'il halbil ta mandar;

Salmos 68:35

Jchahp ay awutsilal, Dios cu'un, ta ch'ul awilal awu'un; te Dios yu'un Israel ya ya'be yu'el soc yip te pueblo yu'une. ¡Ac'a yich' halbeyel yutsilal te Diose!

Éxodo 19:16

Ta sacubel q'uinal ta yoxebal c'ahc'al chicnaj tal chahwuc soc tsantsehwal, soc potsot ta pimil tocal te wits soc ay mero tulan yoq'uel xulubil. Nihquic yu'un spisil te mach'atic ayic ta campamento.

Éxodo 20:18

Spisil te pueblo yac ya'iybelic st'ohmel te chahwuc soc te tsantsehwaletic, te yoq'uel te xulubil soc te wits yac ta loq'uel sch'ahilel. C'alal hich la yilic nihquic yu'un soc namal la yac' sbahic.

Éxodo 25:37

Soc pasbeya huqueb yawil c'ahq'uetic te yac atsunticlan yu'un ya sacubtes bahel q'uinal a.

Éxodo 37:23

Soc la spas ta puro oro te huqueb yawil c'ahc', te tenazahetic soc te platohetic yu'une.

Ezequiel 1:13

Te bin yilelic te bintic cuxajtic, hich yilelic te bin ut'il tihlem ac'al, o hich te bin ut'il tsumbil c'ahc' te ya xtal ya xbaht ta yohlilique. Tulan sjahts' te c'ahq'ue, tey yac ta loq'uel tsantsehwaletic a.

Joel 3:16

Ya x'awon te Jehová c'alal Sión, ya yac' ta a'iyel sc'op c'alal Jerusalén, ya xnihc te ch'ulchan soc te lumq'uinale; pero te Jehová ha ahnibal yu'un te pueblo yu'un, ha toyol ts'ahc yu'un ahnibal yu'un te snich'nab Israel.

Zacarías 4:2

La sjoc'obon: ¿Bin yac awil? xchi. La jac'be: Ya quil jun scajtajib c'ahc' pasbil ta oro te ay yawil aceite ta yahc'olal soc huqueb yawil c'ahc', soc huqueb tubohetic yu'un te yawil c'ahc' ayic ta sba.

San Mateo 25:1

Ta hich ora te cuentahinel yu'un te ch'ulchan ha pajal soc lajuntuhl ach'ixetic te la yich'ic bahel yawil sc'ahq'uic, baht stahic tal te mach'a ya xnuhpun.

San Mateo 3:11

Melel te ho'one ha nax ya ca'beyex awich'ic ha' ta scuenta suhtesel-o'tanil, yan te mach'a yac ta talel ta jpat, te ma xtuhunon yu'un yich'beyel bahel step, ha toyol xan ya'tel a te bin ut'il te ho'one. Ha me ya ya'beyex awich'ic te Ch'ul Espíritu soc c'ahc'.

Hechos 2:3

soc la yilic chicnaj hich te bin ut'il yat c'ahc' te la spuc sba ta stojol jujutuhl.

Apocalipsis 1:4

Juan, ta stojol te huqueb iglesiahetic te ayic ta Asia: Ich'ahic te yutsil-o'tanil soc lamal q'uinal yu'un te mach'a ay ta ora ini, te ay ta namey soc te ya xtale, soc te huqueb espírituhetic te ayic ta stojol te smuc'ul-huctajib,

Apocalipsis 10:3

tulan awon hich te bin ut'il choj. C'alal tulan awon, t'ohm talel huqueb chahwuc.

Apocalipsis 11:19

Jahm te templo yu'un Dios te ay ta ch'ulchan, chican ta yutil te templo te scaxahul te chapbil-c'op. Xliplajan tsantsehwaletic, xjuyet hahchel c'opetic, stsanlajan ta t'ohmel chahwuc, xyuq'uinaj nihquel, soc co tal niwac bat.

Apocalipsis 3:1

Ts'ihbabeya te ch'ul a'bat yu'un te iglesia ta Sardis: Hich ya yal te Mach'a yich'oj te huqueb espírituhetic yu'un Dios soc te huqueb eq'uetic: Ya jna' bin yilel awa'tel; cuxul, xchi ac'oblal, pero chamenat.

Apocalipsis 5:6

La jquil ta yohlil te muc'ul-huctajibal te joytaybil yu'un te chaneb bintic cuxajtic soc te mamaletic, tey teq'uel a te Jcolel Tuminchij te yich'oj milel yilel; ay huqueb xulub soc huqueb sit, ha te huqueb espírituhetic yu'un Dios ticombilic bahel ta swohlol bahlumilal.

Apocalipsis 8:5

Te ch'ul a'bat la stsac te schic'ojibal pom, la snojes ta c'ahc' te ay ta scajtajib ta chiq'uel pom soc la sbusq'uin cohel ta bahlumilal. Stsanlajan ta t'ohmel chahwuc, xjuyet hahchel c'op, xliplajan tsantsehwal soc nihquel.