Apocalipsis 4:11 - Bible in Tzeltal Bachajón

¹¹ Cajwaltic Dios, hich ya sc'an te yac awich' awutsilal, ich'el ta muc', soc awu'el, como ha'at la apas spisil bintic ay, soc ta scuenta sc'anojel awo'tan cuxajtic soc la yich'ticlan pasel, xchihic.

Nuevo Testamento Tzeltal de Amatenango

¹¹ “Te jaꞌate Kajwaltikat, sok Diosat kuꞌuntik te ya skꞌan alel te alekilale, y te ya yakꞌelat ta jkuenta, y te ay apodere. Porke jaꞌat la apas spisil te tutik aye, yuꞌun jich a skꞌan awoꞌtan te aylan y te yichꞌoj pasele”, xchiik.

Bible in Tzeltal de Oxchuc y Tenejapa

¹¹ “Cajwal, ja' awu'un te ich'el ta muq'ue, ya sc'an alel awutsilal soc awu'el. Yu'un ja'at la achicnantes spisil te bitic aye, soc ja' sc'anjel awo'tan te bitic ayic ta q'uinale soc te bitic la yich' chicnantesel awu'une”, xiic.

Apocalipsis 4:11 ပူးပေါင်းရင်းမြစ်များ

Génesis 1:1

Ta shahchibal Dios la spas te ch'ulchan soc bahlumilal.

2 Samuel 22:4

Ya jc'opon te Jehová te ay ta halbeyel yutsil, ya me xcolon yu'un te jcontratac.

Nehemías 9:5

Te levitahetic Jesúa, Cadmiel, Binuy, Hasabnías, Serebías, Hodías, Sebanías soc Petaías, hich la yalic: Hahchanic, halbeyahic yutsil sc'oblal te Jehová te Dios awu'unic: Sbahtel q'uinal ac'a yich' halbeyel yutsil sc'oblal te at'ujbil bihil, te ha toyol yu'un spisil bendición soc utsilal.

Job 36:3

Namal ya quich' talel te jp'ijil yu'un ya cal te toj bin ya spas te Jpaswanej cu'une.

Salmos 18:3

Ya jc'opon te Jehová, te ha ya sc'an halbeyel yutsil sc'oblal, hich ya xcolon ta sc'ab te jcontratac.

Salmos 68:34

Halbeyahic sc'oblal te yu'el Dios; ay ta stojol Israel te smuc'ul yutsilal soc ay ta ch'ulchan te yu'ele.

Éxodo 20:11

Como ta waqueb c'ahc'al te Jehová la spas te ch'ulchan soc bahlumilal, te mar soc spisil te bintic ay tey a, soc la scux yo'tan ta shuquebal c'ahc'al; ha yu'un te Jehová la ya'be bendición te sc'ahc'alel cux-o'tan soc la sch'ultes.

Proverbios 16:4

Ay scuentahil yu'un Jehová spisil bintic spasoj, ha nix hich la yich' pasel te mach'a chopol yo'tan yu'un ya xlaj ta yorahil jinel.

Isaías 40:26

Toyahic mohel asitic, ilawilic: ¿mach'a la schicnajteslan spisil ini? ha te mach'a scholet ya sloq'ues te eq'uetic yu'un, ya yic'ticlan tal ta sbihil te jujune. Te bin ut'il c'ax muc' te yu'el soc te c'ax bayel yip, hich mayuc junuc ya xch'ay.

Isaías 40:28

¿Ma bal ana'ojicuc, ma bal ayuc awa'iyejic te Jehová, ha Dios te sbahtel q'uinal ay, te la schicnajtes swohlol te bahlumilal? Ma xluhb soc ma xpehc'aj yip, mayuc mach'a ya xhu' sna'bel te bin ya sna'e.

Jeremías 10:11

Hich me xawalbeyic: Te diosetic te ma ba la spasic te ch'ulchan soc te bahlumilal, ya me xch'ayic ta jc'axel ta bahlumilal soc ta ye'tal ch'ulchan, xchihat.

Jeremías 32:17

Cajwal Jehová, ta scuenta ahachoj ac'ab soc smuc'ul awu'el la apas te ch'ulchan soc te bahlumilal. Mayuc bin wocol yac awa'iy.

Hechos 14:15

Winiquetic, ¿bin yu'un hich yac apasic? Pajal winicotic. Ha yac calbelex awa'iyic te yacuc xhil awu'unic te bin mayuc scuentahil ini, te yacuc asuhtes awo'tanic ta stojol te cuxul Dios te la spas ch'ulchan, bahlumilal, mar soc spisil bintic ay tey a.

Hechos 17:24

Te Dios te la spas te bahlumilal soc spisil bintic ay tey a, te ha Yajwal te ch'ulchan soc bahlumilal, ma ba ya xnahin ta templohetic pasbilic ta sc'ab winiquetic,

Romanos 11:36

como spisil talem ta stojol, soc ha cuxul ta scuenta, soc ha nix yu'un Dios spisil bintic ay. Ay ta halbeyel yutsil sc'oblal sbahtel q'uinal stuquel. Hichuc.

Efesios 3:9

soc te jamal ya calbe spisilic bin ut'il ya xc'oht ta pasel te bin nameyix mucul ta yo'tan Dios, te la spas spisil bintic ay,

Deuteronomio 32:4

Ha Muc'ul Ton stuquel, c'ax lec te ya'tel, como toj spisil te behetic yu'une. Ha Dios te stalel jun yo'tan soc mayuc schopolil; ha toj soc lec stuquel.

Hebreos 1:10

Soc la yal xan: Ha'at, Cajwal, ta shahchibal la awa'be yich'o-ip te bahlumilal, soc ha ya'tel ac'ab te ch'ulchane.

Hebreos 1:2

pero ta ora yo'tic te slajibal c'ahc'al ayotic, ha la sc'oponotiquix ta scuenta te Snich'an, ha te la ya'be yu'untay spisil bintic ay, soc ha nix ta scuenta te la spas spisil bintic ay.

Apocalipsis 1:6

soc te la yac'otic ta ajwalil soc ta sacerdotehil ta stojol Dios te State. Hichuc.

Apocalipsis 10:6

jc'axel la yal ta jamal ta scuenta te mach'a stalel cuxul sbahtel q'uinal, te la spas te ch'ulchan soc spisil bintic ay tey a, te bahlumilal soc spisil bintic ay tey a, soc te mar soc spisil bintic ay tey a, la yal te mayuquix yorahil,

Apocalipsis 14:7

Hich tulan yac ta yalel: Xi'ahic me te Diose soc halbeyahic yutsil sc'oblal, como la stahix yorahil te ya x'ich'awan ta c'op. Ch'uhuntayahic te mach'a la spas te ch'ulchan soc bahlumilal, te mar soc te sloq'uib ha'etic, xchi.

Apocalipsis 19:1

Patil la jca'iybe tulan sc'op tsobol mach'atic ayic ta ch'ulchan te hich yacalic ta yalel ta aw: ¡Aleluya! Te colel, yutsilal soc te yu'el, ha yu'un te Diose,

Apocalipsis 5:12

tulan yacalic ta yalel: Te Jcolel Tuminchij te la yich' milel, ha mero yu'un te ya yich' yu'el, sc'uhlejal, p'ijil-o'tanil, yip, yich'el ta muc', yutsilal, soc halbeyel yutsil sc'oblal, xchihic.

Apocalipsis 5:2

Soc la jquil ch'ul a'bat te ay bayel yip, tulan yac ta sjoc'oyel: ¿Mach'a a te ya xhu' ya sjam te balbil hun soc te sellohetic yu'une? xchi.

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.