Apocalipsis 3:9 - Bible in Tzeltal Bachajón

⁹ Te mach'atic ta sinagoga yu'un Satanás, te ha judío ta sc'opic, pero ma ha'uc, ya me cac' taluc squejan sbahic ta ye'tal awoc soc ya me sna'ic te c'ux la jca'iyat ta co'tane.

Nuevo Testamento Tzeltal de Amatenango

⁹ Joꞌon me ya kakꞌ te ya xtal skejan sbaik ta atojol te machꞌatik jtsobaw yuꞌun te pukuje, jaꞌik te jloꞌlawanejetike te ya yalik te juriyoetiklane y ma jaꞌikuk. Yuꞌun jich me ya snaꞌik a te kꞌuxat ta koꞌtane.

Bible in Tzeltal de Oxchuc y Tenejapa

⁹ Jich me ya cac' te ya xtal squejan sbaic ta atojol te mach'atic nainem ta yo'tanic te Satanase soc te mach'atic scuyoj sbaic ta judioe, ja'uc me to, ma ja'uquic, ja' nax jpas-lotetic. Jo'on me ya cac' taluc te ya squejan sbaic ta atojol, jich me ya sna'ic te bit'il c'uxat ta co'tane.

Apocalipsis 3:9 ပူးပေါင်းရင်းမြစ်များ

Ester 8:17

Ta jujusehp q'uinal soc ta jujun pueblo te banti c'oht te smandar ajwalil, te judiohetic bayel yutsil q'uinal soc tse'el yo'tanic yu'un, ay q'uin soc ha yorahil spasel te bin mulantic sba yu'unic. Bayelic ta yantic pueblohetic ta q'uinal la scuy sbahic ta judiohil, como la xi'ic te judiohetique.

Éxodo 11:8

Spisil te a'batetic awu'un ya me xtal squejan sbahic ta jtojol, hich me ya yalbonic: Bahan me, ha'at soc spisil te pueblo te ay ta acuenta, ya me yutonic. Patil ya xloc'on bahel, xchi. Hich bayel ilinem a loc' bahel ta stojol faraón te Moisés.

Isaías 43:4

Como bayel ac'oblal ya ca'iy ta jtojol, ich'bilat ta cuenta cu'un soc c'uxat ta co'tan; ha yu'un ya cac' winiquetic ta acuenta, soc nacionetic ta scuenta acuxlejal.

Isaías 45:14

Hich ya yal te Jehová: Te stojol ya'tel te Egipto, te jchombajeletic yu'un Etiopía, soc te sabeohetic, ha te nahtil winiquetic, ya xc'axic tal ta atojol, awu'un ya xc'ohtic; ya st'unat bahel, chuculic ta cadena, ya me squejan sbahic ta atojol soc hich me ya yalbat wocol: Melel sjoquinejat te Diose, mayuc yan dios, xchihic.

Isaías 49:23

Te ajwaliletic hich ya xc'ohtic te bin ut'il atatic, soc te ajwalil-antsetic yu'unic ha jcanan-alal ya xc'oht awu'unic. Ya me spahcan sbahic ta lum ta atojolic, soc ya me sleq'uic te stanul awoquic. Hich yac ana'ic a te ho'on Jehovahon; soc ma ba ya xq'uexawic te mach'atic smuc'ulinejon yo'tanic, xchi te Jehová.

Isaías 60:14

Te snich'nab te mach'atic la yuts'inex ya me xtal snijan sbahic ta atojol, spisil mach'atic la sp'ajex ya me xtal squejan sbahic ta ye'tal awoc; soc hich me ya ya'beyex abihilic: Pueblo yu'un Jehová, xchihic, soc: Sión yu'un te Ch'ul Dios yu'un Israel, xchihic ta atojol.

San Juan 17:23

Jun ayon soc, soc jun ayotic te ho'otic, scuenta yu'un jc'axel jun yo'tan sbahic, scuenta yu'un ya me sna'ic te mach'atic ayic ta bahlumilal te ha'at la aticonon tal, soc te c'uxic ta awo'tan hich te bin ut'il c'uxon ta awo'tan.

Apocalipsis 2:9

Ya jna' bin yilel awa'tel, ya jna' te awocol, soc te pobre ayat (aunque c'uhlejat); ya jna' bin ut'il ayat ta labanel yu'un te mach'atic judíohetic ta sc'opic pero ma ha'uquic, ha sinagoga yu'un Satanás.

1 Samuel 2:36

Te mach'atic hilemic awu'un ya me xtal bic'tajuc ta stojol ta sc'anel jsehpuc plata o jxehtuc pan, soc ya me yalbe: Awocoluc a'bon biluc a'telil ta sacerdotehil scuenta yu'un hich ya xhu' ya jwe' jxeht'uc pan a, xchi te winic yu'un Dios.