Apocalipsis 3:5 - Bible in Tzeltal Bachajón

⁵ Te mach'a ya ya'iy tsalaw, sac sc'u' spac' ya x'a'bot slap, soc ma ba ya jtup'be sbihil ta libro scuenta cuxlejal, soc jamal ya calbe sbihil ta stojol te Jtat soc te ch'ul a'batetic yu'une.

Nuevo Testamento Tzeltal de Amatenango

⁵ Te machꞌaik ya xjuꞌ yuꞌunik tsalawe jich me sak te skꞌuꞌ spakꞌ te ya xꞌaꞌbote. Y makꞌ me ya jtupꞌbey te sbiilik te ba ay ta jun yuꞌun te kuxlejale. Sino ke ya kaltalan ta jamal ta stojol te Jtate y ta stojol te angeletik yuꞌune.

Bible in Tzeltal de Oxchuc y Tenejapa

⁵ Te mach'atic ya xju' yu'unic tsalawe, ya me x'ac'bot slapic saquil sc'u'-spaq'uic, soc ma ba ya jtup'bey sbiilic ta bay te libro swenta cuxinele. Soc ya me calbey ta jamal sbiilic ta stojol te Jtate soc ta stojol uuc te ch'ul abatetic yu'une.

Apocalipsis 3:5 ပူးပေါင်းရင်းမြစ်များ

Salmos 109:13

Ac'a lajuc spisil te sts'umbale, ac'a yich' tup'beyel sbihil ta scha'cajal ts'umbalil.

Salmos 69:28

¡Ac'a yich'ic tup'beyel sbihilic ta libro yu'un mach'atic cuxajtic, ma me x'ochic ta lista yu'un te mach'atic toj yo'tanique!

Malaquías 3:17

Te bin ora ay bin ya xhahchon ta pasel ha c'ulejalil cu'un ya xc'ohtic te bayel sc'oblal ta co'tan, xchi te Jehová te scuentahinej spisil. Hich ya jc'uxultay te bin ut'il te tatil ya sc'uxultay te snich'an te ya yac' sba ta a'batinel yu'une.

San Mateo 10:32

Mach'ayuc a te ya yal ta stojol ants-winiquetic te ya sna'bon jba, ha nix hichon ya cal ta stojol te Jtat ay ta ch'ulchan te ya jna'be sbahe.

San Lucas 10:20

Pero ma me ha'uc tse'el awo'tanic yu'un te ac'ot ta acuentahic espírituhetic, ha'uc me tse'el awo'tanic yu'un te ts'ihbabil ta ch'ulchan te abihilique, xchi sc'oblalic.

San Lucas 12:8

Ya calbeyex te spisil mach'a jamal ya yal ta stojol ants-winiquetic te ya sna'bon jba, ha nix hich te Nich'anil ay ta scuenta winic jamal me ya yal ta stojol te ch'ul a'batetic yu'un Dios te ya sna'be sba ec.

Deuteronomio 9:14

Ma me xacomon te ya jlajinlan soc te ya jtup'be sbihilic ta ye'tal ch'ulchan. Yan te ha'ate ya cac' te muc'ul nación ya xc'ohat te c'ax hich yip soc te c'ax hich yipalic a te bin ut'il te pueblo ini, xchi.

Filipenses 4:3

Ha nix hich ya calbat wocol, ha'at te jmohlol jbahtic te jun awo'tan, te yacuc acoltaybon te cheb antsetic ini, ha'ic te la sjoquinlanonic ta a'tel ta scuenta te lec yach'il c'op, soc nix te Clemente soc te yantic jmohloltac ta a'tel te ay sbihilic ta libro yu'un cuxlejal.

Judas 1:24

Te Dios te ya xhu' ya scanantayex yu'un ma ba xyahlex soc te ya xhu' yu'un te mayuc awabaquil a ya stehc'anex ta stojol te yutsilal soc bayel yutsil-o'tanil,

Apocalipsis 13:8

Spisil mach'atic nahinemic ta bahlumilal la sch'uhuntayic, spisil te mach'atic ma ba ts'ihbabil sbihilic te ma to ba pasbil a te bahlumilal ta libro scuenta cuxlejal yu'un te Jcolel Tuminchij te yich'oj milel.

Apocalipsis 17:8

Te chambahlam te xiweltic sba la awile, ay ta namey, ma ba ay ta ora ini, ya to xloc' tal ta xahab soc ya xbaht ta ch'ayel. Te mach'atic nahinemic ta bahlumilal te ma ba ts'ihbabil sbihilic ta libro scuenta cuxlejal ta shahchel to tal bahlumilal, xcham yo'tanic yu'un te c'alal ya yilic te chambahlam te xiweltic sba te ay ta namey, ma ba ay ta ora ini, soc te ya to xchicnaje.

Apocalipsis 19:8

A'botix slap lequil lino-pac' te buen xlipet sacal soc mayuc yabaquil, xchihic. (Te lino-pac', ha seña te stojil ya'telic te mach'atic ch'ultesbilique.)

Apocalipsis 2:11

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ma ba ya ya'iybe sc'uxul te schebal buelta lajel, xchi.

Apocalipsis 2:7

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be slo'be sit te te' scuenta cuxlejal te ay ta yutsil ts'unubil q'uinal yu'un Dios, xchi.

Apocalipsis 20:12

Soc la jquil te mach'atic chamenic, muc' biq'uitetic, tec'ajtic ta stojol te muc'ul-huctajibal. La yich' jamel te librohetic, soc ay yan libro la yich' jamel, ha te libro scuenta cuxlejal. La yich'ic ich'el ta c'op te mach'atic chamenic, ha chican te bintic ts'ihbalambil ta hunetic, ha chican bin la spasic.

Apocalipsis 20:15

Te mach'a ma ba ts'ihbabil sbihil ta libro scuenta cuxlejal, ch'ojotic ochel ta banti yac ta tihlel pamal c'ahc'.

Apocalipsis 21:27

Ma x'och tey a te bin bohloben sc'oblal o te mach'a ya spas bin ilobtic sba o te mach'a ya ya'iy lot; ha nax te mach'atic ts'ihbabil sbihilic ta libro scuenta cuxlejal yu'un te Jcolel Tuminchij.

Apocalipsis 22:19

Soc teme ay mach'a ay bin ya sloq'ues ta bin ts'ihbabil ta libro yu'un te sc'op-jalwanej ini, ha nix hich ya xloq'uesot yu'un Dios, ma ba ya x'a'bot slo'be sit te te' scuenta cuxlejal soc ma ba ya x'och ta muc'ul ch'ul pueblo, te ts'ihbabil sc'oblalic ta libro ini.

Apocalipsis 3:12

Te mach'a ya ya'iy tsalaw, ya cac' te ha yoyal ya xc'oht ta templo yu'un te Dios cu'un, soc mayuc bin ora ya xloc' tey a. Tey nix ta stojol ya me jts'ihbabe te sbihil te Dios cu'un soc te sbihil te muc'ul pueblo yu'un te Dios cu'un, ha te yach'il Jerusalén te ya xco tal ta ch'ulchan ta stojol te Dios cu'un; soc ya jts'ihbay te yach'il jbihile.

Apocalipsis 3:4

Pero ay cha'oxtuhlic ta Sardis te ma ba ya'beyej yatin abac sc'u' spaq'uic, slapojic sac sc'u' spaq'uic a ya me sjoquinonic ta behel, como hich ya sc'an ta stojolic.

Apocalipsis 6:11

Hich ac'ticlambot slapic saquil pac' soc halbotic te ya me smahliyic jtebuc xan, ha to teme ts'acay spisil te smohloltac soc te yermanotac te ya to xlajic ta milel hich te bin ut'il lajic ta milele.

1 Samuel 17:25

Hich ya yalic ta jujutuhl te mach'atic yu'un Israel: ¿La bal awilic te winic te loc' talel? Ya xloc' tal stijbe hahchel yo'tan te Israel. Te mach'a ya xhu' yu'un stsalele, ya x'a'bot bayel sc'ulejal yu'un te ajwalil soc ya x'a'bot te yantsil-nich'an, soc ma ba ya yac' spatan te mach'atic ay yu'un te stat ta Israel, xchihic.