Apocalipsis 3:4 - Bible in Tzeltal Bachajón

⁴ Pero ay cha'oxtuhlic ta Sardis te ma ba ya'beyej yatin abac sc'u' spaq'uic, slapojic sac sc'u' spaq'uic a ya me sjoquinonic ta behel, como hich ya sc'an ta stojolic.

Nuevo Testamento Tzeltal de Amatenango

⁴ “Pero te ba Sardise ay to awuꞌun jtul chebuk te maꞌyuk yijkꞌutesej te skꞌuꞌ-spakꞌe. Te stukelike ya me sjoinikon ta beel sok sak te skꞌuꞌ-spakꞌike. Porke aꞌbil ta jkuenta stukelik.

Bible in Tzeltal de Oxchuc y Tenejapa

⁴ Ja'uc me to, ay nax cha'oxtuluc te ay ta bay Sardis te ma ba ts'ilajem te sc'u'-spaq'uique. Ja'ic me te ya sjoinonic ta beel te slapoj saquil sc'u'-spaq'uique, yu'un jich me ya sc'an te bit'il ayique.

Apocalipsis 3:4 ပူးပေါင်းရင်းမြစ်များ

1 Reyes 19:18

Hilem cu'un j'ohlil swaxac lajunbahc' (7,000) ta tuhl ta Israel te ma ba la squejan sbahic ta stojol Baal soc te ma ba la yuhts'uyic, xchi.

Ester 8:15

Te Mardoqueo loc' bahel ta stojol te ajwalil, slapoj yax soc sac sc'u' scuenta ajwalil, soc muc'ul corona pasbil ta oro soc chi'in-yaxal smehyil-pac' pasbil ta lino fino. Te pueblo Susa awonic yu'un yutsil q'uinal;

Salmos 68:14

Te c'alal la spucticlan bahel te ajwaliletic te Mach'a spisil ya xhu' yu'une, hich c'ohem te bin ut'il yahl me'sic ta wits Salmón.

Eclesiastés 9:8

Spisiluc me ora sac ac'u' apac' yac alap, soc spisiluc me ora ayuc perfume ta ajol.

Isaías 1:9

Te manchuc la yihquitaybotic jtut chahp te Jehová te scuentahinej spisil, hich c'ohotic te bin ut'il Sodoma, hich te bin ut'il Gomorra, te hichuque.

Isaías 52:1

¡Wic'a asit, wic'a asit, ich'a awip, Sión! Lapa at'ujbil c'u', ha'at Jerusalén, te ch'ul pueblo; como mayuc bin ora ya xtal xan ta atojol te mach'a ma ba yich'oj circuncisión o te bohloben sc'oblal.

Isaías 59:6

Te sna ametic yu'unic ma xhu' ta c'u'inel; ma xhu' ya smuc sbahic a te bin ya sjalique. Te ya'telic ha ya'telic te bin chopol, soc ay uts'inel ta sc'abic.

Isaías 61:10

Bayel yutsil co'tan ta stojol Jehová, ay yutsil yo'tan jch'uhlel ta stojol te Dios cu'une; como la ya'bon jlap sc'u'ulel colel soc la sjoytayon yu'un pac' scuenta bin stojil ta pasel, hich te bin ut'il lecolil te ya xnuhpun te ya sch'ahl sjol ta corona, hich te bin ut'il ach'ix te ya xnuhpun te ya sch'ahl sba ta sch'ahlelaletique.

Isaías 61:3

ta yalel mandar ta stojol mach'atic ay swocolic ta Sión, te ya x'a'botic t'ujbil corona scuenta sjelol stanul c'ahc', te ya x'a'botic aceite yu'un tse'el-o'tanil scuenta sjelol mel-o'tan, soc te ya x'a'botic nahtil-c'u'ul yu'un yutsil q'uinal ya ya'iyic scuenta sjelol pich'il-o'tanil. Hich ya x'a'bot sbihilinic: Jihte'etic yu'un bin stojil ta pasel, Te bin ts'umbil yu'un Jehová, xchi, scuenta yu'un ya yac' ta ilel yutsilal a.

Isaías 64:6

Jpisilcotic hich ayotcotic te bin ut'il bin bohloben sc'oblal, spisil te bintic stojil jpasojcotic hich c'ohemic te bin ut'il bohloben pac'; jpisilcotic luhbajemotcotic cohel hich te bin ut'il ya'binal te', soc te bintic chopol jpasojcotic hich la stasotcotic bahel te bin ut'il ic'.

Levítico 13:48

o jalbil pac' pasbil ta lino o lana, te nuhcul, o biluc a te pasbil ta nuhcul,

San Mateo 10:11

Ta bayuc muc'ul pueblo o tut pueblo banti ya x'ochex, joc'oya awa'iyic mach'a lec yo'tan tey a, tey ya xwayex a ha to c'alal ya xloq'uex bahel.

San Marcos 16:5

C'alal ochic bahel ta yutil te muquenal, la yilic jtuhl jcolel winic hucul ta wa'el, slapoj saquil snahtil-c'u'; tojic xiwel yu'un.

San Lucas 20:35

yan te mach'atic te lec ya x'ilotic yu'un Dios te ya xhu' ya stahic c'ohel te utsilal te ya xchicnaj ta patil soc te cha'cuxajel ta yohlil te mach'atic chamenic, ma xnuhpunic soc ma x'ac'otic ta nuhpunel,

San Lucas 21:36

Ha yu'un wihc'a me asitic, c'oponahic Dios spisil ora scuenta yu'un ma ba ya xc'oht ta acuentahic spisil te bintic ya xc'oht ta pasel, soc yu'un hich ya xhu' yac atehc'an abahic ta stojol te Nich'anil ay ta scuenta winic, xchi te Jesús.

Hechos 1:15

Ha yorahil a te Pedro la stehc'an sba ta yohlil te yermanotac (ay wan wacwinic (120) ta tuhl te stsoboj sbahic), hich la yal:

2 Tesalonicenses 1:5

Ha ini ya yac' ta ilel te stojil chahpanel yu'un te Dios, te ha stojil te ya x'ochex ta cuentahinel yu'un Dios, te ha nix yac ta c'axel awocolic yu'une.

Judas 1:23

Coltayahic yantic, tsacahic loq'uel ta c'ahc'; soc c'uxultayahic yantic soc xiwel, pero ihlaybeyahic te sc'u' spaq'uic te bohloben sc'oblalic ta scuenta slehel smulic soc sbaq'uetalic.

Apocalipsis 1:11

te hich la yal: Ho'on te Alfa soc te Omega, te shahchibalon soc te slajibalon. Ts'ihbaya ta hun te bin yac awil soc ticona bahel ta stojol te huqueb iglesiahetic: ha te Éfeso, Esmirna, Pérgamo, Tiatira, Sardis, Filadelfia, soc te Laodicea, xchi la jca'iy.

Apocalipsis 11:13

Ta hich ora tal tulan nihquel, hemts'uj cohel jun ta slajunxeht'el te muc'ul pueblo. Lajic j'ohlil swaxaclajunbahc' (7,000) ta tuhl yu'un te nihquele. Te jayeb xan hilic bayel xiw yo'tanic yu'un soc la yalbeyic yutsil sc'oblal te Dios yu'un te ch'ulchane.

Apocalipsis 14:4

Ha'ic te ma ba la sbohlobtes sc'oblalic ta scuenta antsetic, yu'un la stsahtay sbahic. Ha'ic te ya st'unic ta bayuc ya xbaht te Jcolel Tuminchij. Mambil scolelic ta yohlil ants-winiquetic scuenta sba sit ya xc'oht ta stojol Dios soc ta stojol te Jcolel Tuminchij.

Apocalipsis 19:14

T'umbil yu'un te soldadohetic ta ch'ulchan, cajajtic ta saquil cawuhetic soc slapojic lequil lino-pac' te buen sac soc mayuc yabaquil.

Apocalipsis 19:8

A'botix slap lequil lino-pac' te buen xlipet sacal soc mayuc yabaquil, xchihic. (Te lino-pac', ha seña te stojil ya'telic te mach'atic ch'ultesbilique.)

Apocalipsis 3:18

Ha yu'un ya calbat te yacuc amambon oro te lecubtesbil ta c'ahc', scuenta yu'un jc'uhlej ya xc'ohat a; soc yacuc amambon sac ac'u' apac' te yac alap, scuenta yu'un ma ba ya xchicnaj te aq'uexlal te bin ut'il watalat; soc yacuc amambon spoxil asit scuenta yu'un yac awil q'uinal a.

Apocalipsis 3:5

Te mach'a ya ya'iy tsalaw, sac sc'u' spac' ya x'a'bot slap, soc ma ba ya jtup'be sbihil ta libro scuenta cuxlejal, soc jamal ya calbe sbihil ta stojol te Jtat soc te ch'ul a'batetic yu'une.

Apocalipsis 4:4

Ta sjoyobal te muc'ul-huctajibal ay chaneb scha'winic (24) muc'ul huctajibaletic soc ay chaneb scha'winic (24) ta tuhl mamaletic huhcajtic tey a, slapojic sac sc'u' spaq'uic soc ay ta sjolic coronahetic pasbilic ta oro.

Apocalipsis 6:11

Hich ac'ticlambot slapic saquil pac' soc halbotic te ya me smahliyic jtebuc xan, ha to teme ts'acay spisil te smohloltac soc te yermanotac te ya to xlajic ta milel hich te bin ut'il lajic ta milele.

Apocalipsis 7:9

Patil la jquil c'ax tsobolic, mayuc mach'a ya xhu' ya yahtay, talemic ta spisil ta chahp nacionetic, ts'umbaliletic, pueblohetic soc c'opiletic; tec'ajtic ta stojol te muc'ul-huctajibal soc ta stojol te Jcolel Tuminchij, slapojic sac sc'u' spaq'uic soc stuchticlanejic xahn ta sc'abic.