Apocalipsis 3:3 - Bible in Tzeltal Bachajón

³ Na'a me hiche te bin awich'oj soc awa'iyej; pasa soc suhtesa awo'tan. Teme ma ba yac acux awo'tan, ya xtalon ta atojol hich te bin ut'il j'elec', ma na'biluc awu'un bin ora ya xtalon.

Nuevo Testamento Tzeltal de Amatenango

³ Naꞌa me te pꞌijutesel la awichꞌe y te la awaꞌiye. Jaꞌ me xꞌapas, y sujtesa awoꞌtan ta stojol Dios. Teme ma la akux awoꞌtane, ya xtalon ta atojol jachik tutꞌil jꞌelekꞌ te kꞌalal ma yipalukat ta smaliyele.

Bible in Tzeltal de Oxchuc y Tenejapa

³ Na'a me xan te bila la awaiy stojol te la ach'uune. Canantaya me, soc sujt'esa me awo'tan. Teme ma x'awic' asite, ya me xtalon ta atojol jich te bit'il ya xtal te j'eleq'ue, yu'un ma na'biluc awu'un te bi ora ya xtalone.

Apocalipsis 3:3 ပူးပေါင်းရင်းမြစ်များ

Ezequiel 20:43

Tey yac ana'ic a te behetic awu'unic soc spisil bintic la apasic te la abohlobtes abahic a; ya me ap'aj abahic ta scaj spisil amulic te la apasique.

Ezequiel 36:31

Hich yac ana'ic a te achopol talelic soc te awa'telic te ma lecuc, soc ha'ex nix ya xq'uexawex yu'un te amulic soc te bintic ilobtic sba awu'unique.

San Mateo 25:13

Ha yu'un cuxuluc me awo'tanic, como ma na'biluc awu'unic bin orahil soc bin c'ahc'alil ya xtal te Nich'anil ay ta scuenta winic.

San Marcos 13:33

Ila me abahic, wic'sitaya me abahic soc c'oponahic Dios, como ma na'biluc awu'unic bin ora hich ya xc'oht ta pasel.

San Marcos 13:36

scuenta yu'un teme repente nax ya xtal, ma ba wayalex a ya xhul stahex.

1 Tesalonicenses 5:2

como ana'ojic ta lec te sc'ahc'alel te Cajwaltic hich ya xtal te bin ut'il j'elec' ta ahc'abal.

1 Timoteo 6:20

Timoteo, canantaya te bin a'bilat acuentahin; ma xawac' aba a te banti yac ta halel howilc'opetic te mayuc scuentahil soc te banti yac ta halel c'opetic cuybil ta p'ijil-c'op.

2 Timoteo 1:13

Canantaya te lequil c'op awa'iyej ta jtojol, soc ayuc me sch'uhunel awo'tan soc sc'uxul awo'tan ta scuenta te Cristo Jesús.

Hebreos 2:1

Ha yu'un ya me sc'an te spisil co'tantic ya quich'tic ta cuenta te bintic ca'iyejtic, te manchuc ya xhowiyotic bahel.

2 Pedro 1:13

Stojil ya ca'iy te ya hultesbeyex awo'tanic te jayeb xan c'ahc'al cuxulon soc jbaq'uetal,

2 Pedro 3:1

Quermanotac te c'uxex ta co'tan, schebalix carta a te ya jts'ihbabeyex. Ta schebal te carta ya jtijbeyex awo'tanic te ayuc lec snopojibal awu'unic,

2 Pedro 3:10

Pero te c'alal ya xtal te Cajwaltic hich ya xtal te bin ut'il j'elec' ta ahc'abal. Ta hich ora ya xch'ay bahel te ch'ulchan soc tulan c'op, spisil bintic pasbil ya xlaj ta c'ahc', soc te bahlumilal soc spisil te bintic pasticlambil tey a ya me xlajic ta chiq'uel.

Apocalipsis 16:15

Ya xtalon hich te bin ut'il j'elec'. Bayel me yutsil te mach'a wiq'uil sit soc te ya scanantay sc'u' spac', scuenta yu'un ma ba watal ya xbehen, te q'uexlaltic sba ya x'ilot, xchi te Cajwaltique.

Apocalipsis 2:25

pero te bin ay awu'unic ich'ahic ha to c'alal ya xtalon.

Apocalipsis 2:5

Na'a te banti yahlemat, suhtesa awo'tan soc pasa te bin nahil la apase. Teme ma ba yac asuhtes awo'tan, ya me xtalon ta ban ayat soc ya me jpojbat te yawil c'ahc' awu'un ta yawil.

Apocalipsis 22:7

¡Ilawil, nopol ya xtalon! Bayel me yutsil te mach'a ya scanantay te sc'op-jalwanej te ay ta libro ini, xchi te Jesús.

Apocalipsis 3:11

Nopol ya xtalon. Ma me xch'ay awu'un te bin ay awu'un, scuenta yu'un mayuc yan mach'a ya yich'bat te acorona.

Apocalipsis 3:19

Ya jtsits soc ya ca'be castigo scuenta tojobtesel spisil mach'atic c'ux ta co'tan; ha yu'un pasa tulan, suhtesa awo'tan.

Apocalipsis 3:2

Cuxa awo'tan, a'beya yich' yip te bintic hilemic to, te lajelix, como la jta te ma ba ts'acal awa'tel ta stojol Dios.