Apocalipsis 3:10 - Bible in Tzeltal Bachajón

¹⁰ Te bin ut'il acanantayej te jmandar te ya xcuhch awu'un te awocol, ha nix hichon ya jcanantayat ta yorahil tsajel te ya xtal ta stojol swohlol bahlumilal scuenta stsajelic te mach'atic nahinemic ta bahlumilal.

Nuevo Testamento Tzeltal de Amatenango

¹⁰ “Apasoj kumplir te mantaliletik kuꞌune te jun awoꞌtan ya atsꞌik awokole, y jaꞌ yuꞌun joꞌon ya jkꞌejat a te tut ora ya xtal te prewa ta stojol ta spisil te balmilale, yuꞌun te ya spasot ta prewa a ta spisil te machꞌatik kuxajtik ta balmilale.

Bible in Tzeltal de Oxchuc y Tenejapa

¹⁰ Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.

Apocalipsis 3:10 ပူးပေါင်းရင်းမြစ်များ

Isaías 24:17

¡Xiwel, hotbil ch'en soc yaquil ya xc'ohtic ta atojol, ha'at te nahinemat ta q'uinal!

Daniel 12:10

Ay tsobolic te lecubtesbil soc pocbil ya xc'ohtic; yan te mach'atic chopolic stalel schopol ya xhilic, soc mayuc ni jtuhluc te mach'a chopol yo'tan te ya sna'be scuentahil, pero te mach'atic p'ij yo'tanic ya me sna'beyic scuentahil.

Zacarías 13:9

Te jtsal xan ini ya cotses ta c'ahc', ya jlecubtes hich te bin ut'il ya yich' lecubtesel te plata, ya jtsaj hich te bin ut'il ya yich' tsajel te oro. Ya sc'oponon ta jbihil, soc ho'on ya ca'iybe sc'opic. Hich ya cal: Ha pueblo cu'un, xchihon; hich me ya yal: Ha Dios cu'un te Jehová, xchi.

San Mateo 24:14

Ya me xpuhc ta halel ta swohlol bahlumilal sc'oblal te lec yach'il c'op yu'un te cuentahinel yu'un Dios, scuenta testigo-c'op ta stojol spisil nacionetic, ha to me ya xtal a te slajibal c'ahc'ale.

San Mateo 26:41

Cuxuluc me awo'tanic soc c'oponahic Dios, scuenta yu'un ma ba yac atahic sujel ta mulil a; melel te espíritu ya sc'an stuquel, pero te baq'uet jteb nax stahel, la yut.

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

San Marcos 14:9

Jamal ya calbeyex, ta bayuc ya yich' halel te lec yach'il c'op ini, ta swohlol bahlumilal, tey nix ya yich' halel a te bin la spasbon ha'i ants ini scuenta sna'ojibal te antse, xchi.

San Lucas 2:1

Ta hich ora la yal mandar te ajwalil Augusto César te ya me x'och ta ahtayel spisil ants-winiquetic.

San Juan 17:6

La jca'be sna'bat aba te mach'atic li' ayic ta bahlumilal te la awa'bon ta jcuenta; ha'ic awu'un ta nahil, ha'at la awa'bon ta jcuenta, soc scanantayejic te ac'ope.

Romanos 1:8

Ha nahil, ta scuenta te Jesucristo, ya calbe wocol te Dios cu'un ta acuentahic apisilic, yu'un puhquemix ta halel ta swohlol bahlumilal te ay sch'uhunel awo'tanique.

1 Corintios 10:13

Mayuc c'ohem ta acuentahic sujel ta mulil te ma hichuc ya xc'oht ta scuenta spisil ants-winiquetic; pero stalel jun yo'tan ta jtojoltic te Diose, ma ba ya yac' te yac awich'ic tsajel te ma xcuhch awu'unic, ha pajal ya yac' soc te tsajel te bin ut'il ya xhu' ya xloq'uex ta stojol te tsajel, scuenta yu'un ya xcuhch awu'unic a.

Efesios 6:13

Ha yu'un ich'ahic spisil te a'tejibaletic yu'un Dios, scuenta yu'un hich ya xcuhch awu'unic ta yorahil a te bin chopol, soc teme hu' awu'unic spisil, hich jun awo'tanic c'alal slajibal.

2 Timoteo 2:12

teme ya xc'ax jwocoltic, ha nix hich pajal ya x'ochotic ta cuentahinwanej soc. Teme ya jmuc ta co'tantic, ha nix hich ya smucotic ta yo'tan;

Santiago 3:12

Quermanotac, ¿ya bal xhu' ya yac' aceituna te higuera-te', o ya bal xhu' ya yac' higo ta ts'usubiltic? Ha nix hich te sloq'uib ha' ma xhu' ya yac' chi'il ha' soc ha' ay yats'amul.

1 Pedro 4:12

Ha'ex te c'uxex ta co'tan, ma me jchahpuc xawa'iyic yu'un te tsajel talem ta atojolic te hich sc'uxul te bin ut'il c'ahc', ma me xacuyic te jchahp a te bin yac ta c'ohel ta atojolique.

2 Pedro 2:9

Te Cajwaltic ya sna' scoltayel loq'uel ta sujel te mach'atic jun yo'tanic ta stojol Dios, soc ya sna' sq'uejel te mach'atic ma tojuc bin ya spasic yu'un ya yich'ic castigo c'alal ya sta yorahil ich'el ta c'op;

Apocalipsis 1:9

Ho'on te Juan, awermanohon soc jmohlol jbahtic ta wocol, ta cuentahinel yu'un Dios soc te jun co'tantic yacotic ta smahliyel ta scuenta Jesús; ayon ta Patmos sbihil te tut q'uinal ay ta yohlil mar, ta scaj te sc'op Dios soc te testigo-c'op yu'un te Jesucristo.

Apocalipsis 11:10

Te mach'atic nahinemic ta bahlumilal tse'el yo'tanic yu'un, ya spasic q'uin soc ya smahtantes sbahic yu'un, como te cheb jalwanejetic bayel la yuts'inic te mach'atic nahinemic ta bahlumilale.

Apocalipsis 13:10

Te mach'a ya x'ic'awan bahel ta chuquel, ya me x'ic'ot bahel ta chuquel. Te mach'a ya yich' milel ta espada, ya me yich' milel ta espada. Ha ini ya sc'an te ay yip yo'tanic soc te ay sch'uhunel yo'tanic te mach'atic ch'ultesbilique.

Apocalipsis 13:14

Ya slo'loylan mach'atic nahinemic ta bahlumilal ta scuenta te señahiletic ya x'a'bot spas ta stojol te chambahlam te xiweltic sba, ya spasticlan ta mandar te ya me spasbeyic sloc'ombahil te chambahlam te xiweltic sba te ehchentesot ta espada pero cuxaj.

Apocalipsis 13:8

Spisil mach'atic nahinemic ta bahlumilal la sch'uhuntayic, spisil te mach'atic ma ba ts'ihbabil sbihilic te ma to ba pasbil a te bahlumilal ta libro scuenta cuxlejal yu'un te Jcolel Tuminchij te yich'oj milel.

Apocalipsis 14:12

Ha ya sc'an te ay yip yo'tanic te mach'atic ch'uhltesbilic, ha te mach'atic ya sch'uhunic spasel te smandar Dios soc te jun yo'tanic ta stojol te Jesús.

Apocalipsis 14:6

La jquil yan ch'ul a'bat yac ta wihlel ta po'tal ch'ulchan, yich'oj te lec yach'il c'op scuenta sbahtel q'uinal yu'un ya yalbe ya'iy mach'atic nahinemic ta bahlumilal, spisil nacionetic, ts'umbaliletic, c'opiletic soc pueblohetic.

Apocalipsis 16:14

Ha'ic espírituhetic yu'un pucujetic te ya spasic señahiletic soc ya xbahtic ta stojol te ajwaliletic te ayic ta swohlol bahlumilal yu'un ya stsobic ta guerra ta yorahil te muc' sc'ahc'alel yu'un Dios te spisil ya xhu' yu'une.

Apocalipsis 17:2

La yantsinic te ajwaliletic ayic ta bahlumilal, soc te mach'atic nahinemic ta bahlumilal yacubenic ta vino yu'un te yajmul, xchi.

Apocalipsis 17:8

Te chambahlam te xiweltic sba la awile, ay ta namey, ma ba ay ta ora ini, ya to xloc' tal ta xahab soc ya xbaht ta ch'ayel. Te mach'atic nahinemic ta bahlumilal te ma ba ts'ihbabil sbihilic ta libro scuenta cuxlejal ta shahchel to tal bahlumilal, xcham yo'tanic yu'un te c'alal ya yilic te chambahlam te xiweltic sba te ay ta namey, ma ba ay ta ora ini, soc te ya to xchicnaje.

Apocalipsis 2:10

Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.

Apocalipsis 3:8

Ya jna' bin yilel awa'tel. La jcac' jamal puerta ta atojol te mayuc mach'a ya xhu' ya smac. Aunque mayuc lec awip, la acanataybon te jc'op soc ma ba la amuc ta awo'tan te jbihile.

Apocalipsis 6:10

Tulan hich yac yalbelic: Cajwal te toj awo'tan soc te smelelil te ac'ope, ¿bin to ora te yac awich' ta c'op soc te yac awa'be stoj te mach'atic ayic ta bahlumilal te la smal jch'ich'elcotic? xchihic.

Apocalipsis 8:13

La jquil ay jxic yac ta wihlel ta po'tal ch'ulchan, tulan yac ta c'op la jca'iy: ¡Ay me swocolic, ay me swocolic, ay me swocolic te mach'atic nahinemic ta bahlumilal, ta scaj te yan oq'uesinel corneta yu'un te oxeb xan ch'ul a'batetique! xchi.