Apocalipsis 22:2 - Bible in Tzeltal Bachajón

² yac ta behel ta yohlil te calle ta muc'ul pueblo. Ta jujujehch sti'il te muc'ul-ha' ay te te' scuenta cuxlejal, te lahchayeb buelta ya sitin ta jun ha'bil, jujun buelta ta jujun u. Te ya'binal te te' ya xtuhun yu'un slecubtesel te nacionetique.

Nuevo Testamento Tzeltal de Amatenango

² sok ya xbeen bael ta yolil te smukꞌul kayaul yuꞌun te mukꞌul jtejklume. Y ta juju-jejch te ukꞌume yipal ta chꞌiel te teꞌ yuꞌun kuxlejale, te ya yakꞌ sit ta jujun ue, jaꞌ xyal, te lajchaymel ya yakꞌ ta jaꞌbile. Y te yaꞌnimal teꞌe ya xtuun yuꞌun ya slekutes a te nasionetike.

Bible in Tzeltal de Oxchuc y Tenejapa

² soc oquin bael ta yolilal te smuc'ul calleil te lume. Ta juju-jejch' sti'il te ja'e tey ay a te te' te ya yac' cuxinele te lajchayeb buelta ya yac' sit ta sjunal ja'wil. Jujun u ya yac' sit. Te yabenal te te'e, ja' xpoxil spisil ta jchajp nacionetic ta swenta scolelic.

Apocalipsis 22:2 ပူးပေါင်းရင်းမြစ်များ

Génesis 2:9

Te Jehová Dios la yac' coluc ta lumq'uinal spisil ta chahp te'etic te t'ujbil ta ilel soc te lec ta lo'beyel sit. Soc ta yohlil te ts'umbil q'uinal ay te te' scuenta cuxlejal soc te te' scuenta sna'el te bintic lec soc te bintic ma lecuque.

Salmos 147:3

Ha ya slecubtes te mach'a pich'il yo'tan, soc ya spotsbe yehchen.

Proverbios 3:18

Ha te' yu'un cuxlejal ya xc'oht yu'un te mach'a ya yich'; bayel yutsil te mach'atic ya sq'uejic.

Isaías 6:10

Tulantesbeya yo'tan te pueblo ini; macbeya schiquinic soc macbeya sitic, scuenta yu'un ma ba ya yil ta sitic, ma ba ya ya'iy ta schiquinic, ma ba ya xc'oht ta yo'tanic, ni ha'uc hich ya suhtes yo'tanic soc ya xlecubic yu'un, xchi.

Jeremías 17:14

Lecubtesawon, Jehová, hich ya xlecubon; coltayawon, hich ya xcolon, como ha'at te ya calbat yutsil ac'oblal.

Ezequiel 47:1

Patil te winic la yic'on suhtel ta yochibal te templo. La jquil yac ta loq'uel ha' ta ye'tal te smarcohil te templo, yac ta oc bahel ta stojol banti ya xloc' tal c'ahc'al, como te yochibal te templo ay ta stojol banti ya xloc' tal c'ahc'al; te ha' yac ta oc bahel ta ye'tal te swa'el te templo, ta stojol sur yu'un te scajtajib ta chiq'uel mahtanil.

Oseas 14:4

Ya jlecubtesbe te stoybahil, ta scuenta yutsil co'tan c'ux ya ca'iy ta co'tan, como te quilimba loc' bahel ta stojolic.

Zacarías 14:8

Ta hich ora ya xloc' cuxul-ha' ta Jerusalén, j'ohlil ya x'oquin bahel ta mar ta stojol sloq'uib c'ahc'al, j'ohlil ya x'oquin bahel ta mar ta stojol smahlib c'ahc'al, hich ya spas ta yorahil snahtil c'ahc'al soc ta yorahil scomil c'ahc'al.

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

San Lucas 4:18

Ha scuentahinejon te Espíritu yu'un te Cajwaltic, como tsahbilon yu'un yalel te lec yach'il c'op ta stojol te pobrehetique. Sticonejon tal ta scoltayel te mach'atic pich'il yo'tanic, ta yalel te libre ayic te mach'atic chuculic, soc ta sjambeyel sit ts'o'sitetic, sticonejon ta yaq'uel ta libre te mach'atic tembilic ta mosohinel,

1 Pedro 2:24

Ha nix la scuchbotic jmultic ta sbaq'uetal ta te', scuenta yu'un ya xchamotic ta stojol te mulil soc ya xcuxajotic ta spasel te bin stojil ta pasele. ¡Ha ta scuenta te yehchen te lecubex!

Apocalipsis 2:7

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be slo'be sit te te' scuenta cuxlejal te ay ta yutsil ts'unubil q'uinal yu'un Dios, xchi.

Apocalipsis 21:21

Te lahchayeb yochibal te ts'ahc, ha lahchayeb perlahetic, jujun perla te jujun yochibale. Te calle yu'un ta muc'ul pueblo pasbil ta lequil oro, xlipet hich te bin ut'il cristal.

Apocalipsis 21:24

Te nacionetic ya xbehenic ta scuenta te sacal q'uinal yu'un, soc te ajwaliletic ayic ta bahlumilal ya me yich'ic tal yutsilalic tey a.

Apocalipsis 22:1

Patil te ch'ul a'bat la ya'bon quil te muc'ul-ha' scuenta cuxlejal, xleblon sjahts' hich te bin ut'il cristal, te yac ta loq'uel tal ta stojol te smuc'ul-huctajib Dios soc ta stojol te Jcolel Tuminchij,

Apocalipsis 22:14

Bayel me yutsilic te mach'atic ya sac' sc'u' spaq'uic, scuenta yu'un hich ya xhu' ya slo'beyic sit a te te' scuenta cuxlejal soc hich ya xhu' ya x'och bahel ta ti'ts'ahc yu'un te muc'ul pueblo.

Apocalipsis 22:19

Soc teme ay mach'a ay bin ya sloq'ues ta bin ts'ihbabil ta libro yu'un te sc'op-jalwanej ini, ha nix hich ya xloq'uesot yu'un Dios, ma ba ya x'a'bot slo'be sit te te' scuenta cuxlejal soc ma ba ya x'och ta muc'ul ch'ul pueblo, te ts'ihbabil sc'oblalic ta libro ini.