Apocalipsis 22:18 - Bible in Tzeltal Bachajón

¹⁸ Spisil mach'atic ya ya'iybeyic te sc'op-jalwanej ta libro ini, ya ca'be sna' ini: Teme ay mach'a ya ya'be sobra, Dios me ya x'a'bot yu'un te jaychahp wocol te ts'ihbabil ta libro ini.

Nuevo Testamento Tzeltal de Amatenango

¹⁸ Ta spisil te machꞌatik ya yaꞌiybeik te skꞌoplal te tutiꞌ tsꞌibabil liꞌ ba libro to, ya me kalbe ta jamal: Teme ay machꞌa ya yaꞌbe chꞌinuk sjoy te tutik jich ay to, Dios me ya xbayaltesbot yuꞌun te wokoletik te liꞌ tsꞌibabil liꞌ ba libro to.

Bible in Tzeltal de Oxchuc y Tenejapa

¹⁸ Tulan sc'oplal ya calbey ta jamal spisil te mach'atic ya yaiyic stojol te sc'op Dios ts'ibubil li' ta bay in jun to: Teme ay mach'a ya yac'bey sjoy in c'op to, ya me x'ac'bot yich' te jaycum castigo yu'un Dios te ts'ibubil sc'oplal ta bay in jun to.

Apocalipsis 22:18 ပူးပေါင်းရင်းမြစ်များ

Proverbios 30:6

Ma me xawa'be sobra te bin ya yal, scuenta yu'un ma ba ya yutat, te ya xchicnaj te la awa'iy lot.

Levítico 26:18

Teme ma ba yac awa'iybonic jc'op aunque hich ya jpasbeyex, ya jtoy huqueb xan buelta te castigo yu'un te amulique.

Levítico 26:28

ha nix hich ya jcontrahinex soc quilimba soc ya jtoybeyex huqueb buelta castigo yu'un te amulique.

Levítico 26:37

Ya syahlteslan sbahic hich te bin ut'il yacalic ta ahnel yu'un espada, aunque mayuc mach'a nutsbilic yu'un. Ma xhu' awu'unic te yac atehc'an abahic ta stojol te acontrahique.

San Mateo 15:13

La sjac' te Jesús: Spisil ts'unubiletic te ma ha'uc sts'unoj te Jtat ay ta ch'ulchan, ya me yich'ticlan bulel.

Efesios 4:17

Hich ya calbeyex soc hich ya jpasex ta mandar ta scuenta te Cajwaltic, te ma me hichuc atalelic te bin ut'il stalel te jyanlumetic, te biluc nax ya slomic ta pasel ta scaj te ma sna'ic q'uinal,

Deuteronomio 12:32

Tsahtaya me ta spasel spisil bintic ya jpasat ta mandar; ma me xawa'be xan smohlol soc ma me ayuc bin yac aloq'uesbe.

Deuteronomio 4:2

Ma me xawa'beyic smohlol te c'op ya calbeyex ta mandar, soc ma me ayuc bin yac atup'ic tey a, scuenta yu'un yac apasic te mandariletic yu'un Jehová te Dios awu'unic te ya ca'beyexe.

1 Tesalonicenses 4:6

soc ma me ayuc mach'a ya spasbe te yermano te bin chopol o te hich ya slo'loy, como te Cajwaltic ha jpac-c'abal yu'un spisil ini, hich te bin ut'il la jcalbeyexcotic soc la jca'beyexcotic ana'ic.

Apocalipsis 1:3

Bayel me yutsil te mach'a ya yil soc te ya ya'iy ha'i sc'op-jalwanej ini, soc te ya yac' ta yo'tanic te bintic ts'ihbalambil tey a, como nopol ya xc'ohtix ta pasel.

Apocalipsis 15:1

La jquil yan seña ta ch'ulchan te muc' soc jchahp ta ilel: ha huqueb ch'ul a'batetic te yich'ojic te huqueb slajibal wocol, yu'un tey ya sts'acay a te yilimba te Diose.

Apocalipsis 15:6

Loq'uic tal ta templo te huqueb ch'ul a'batetic te yich'ojic te huqueb wocol, slapojic lino-pac' xlipet sacal soc ay sbehch'il stahnic pasbilic ta oro.

Apocalipsis 19:20

La yich' tsaquel te chambahlam te xiweltic sba soc te lotil jalwanej te la yac'ticlan ta ilel señahiletic ta stojol, te ha la slo'loylan a te mach'atic la yich'beyic te marca yu'un te chambahlam te xiweltic sba soc te la sch'uhuntayic te sloc'ombahil. Schebalic cuxul a la yich'ic ch'ojel ochel ta pamal c'ahc' te yac ta tihlel soc azufre.

Apocalipsis 20:10

Soc te pucuj, te lo'loyotic yu'un, ch'ojot ochel ta banti yac ta tihlel pamal c'ahc' soc azufre, te banti ay te chambahlam te xiweltic sba soc te lotil jalwanej; c'ahc'al ahc'abal ya xc'ax swocolic sbahtel q'uinal tey a.

Apocalipsis 20:15

Te mach'a ma ba ts'ihbabil sbihil ta libro scuenta cuxlejal, ch'ojotic ochel ta banti yac ta tihlel pamal c'ahc'.

Apocalipsis 22:10

Soc la yalbon xan: Ma me xamac te sc'op-jalwanej te ay ta libro ini, como nopolix yorahil.

Apocalipsis 22:16

Ho'on Jesuson, jticonej tal te ch'ul a'bat cu'un scuenta yu'un ya yalbe te iglesiahetic ha'i testigo-c'op ini. Ho'on slohp'on soc sts'umbalon David, ho'on te jsacubel ec', xchi.

Apocalipsis 22:7

¡Ilawil, nopol ya xtalon! Bayel me yutsil te mach'a ya scanantay te sc'op-jalwanej te ay ta libro ini, xchi te Jesús.

Apocalipsis 22:9

Pero la yalbon: ¡Ma hichuc xapas! Pajal ayotic ta a'batinel soc te awermanotac te jalwanejetic soc te mach'atic ya scanantayic te c'op te ay ta libro ini. ¡Ha me xach'uhuntay te Diose! xchi.

Apocalipsis 3:14

Ts'ihbabeya te ch'ul a'bat yu'un te iglesia ta Laodicea: Hich ya yal te mach'a Hichuc, ha te testigo te stalel jun yo'tan soc te melel, te shahchibal te bintic pasticlambil yu'un Dios: