Apocalipsis 22:12 - Bible in Tzeltal Bachajón

¹² Hich la yal te Jesús: ¡Nopol ya xtalon! Soc quich'oj ya xtal te stojol sc'abic, ya ca'be stojol ta jtuhlutuhl ha chican bin spasoj.

Nuevo Testamento Tzeltal de Amatenango

¹² Te Jesus la yal: —Jich. Ya me xtalon ta ora. Y ya kichꞌ tal te majtanil te ya kaꞌbe ta juju-tul chikan te tut spasoje.

Bible in Tzeltal de Oxchuc y Tenejapa

¹² “Melel nopol ya xtalon. Ya me quich'bey tel smajt'an juju-jtul chican bi yilel te bila spasoje.

Apocalipsis 22:12 ပူးပေါင်းရင်းမြစ်များ

Job 34:11

Ha ya ya'be stoj te winic ha chican te ya'tele, ya ya'be ta scuenta ha chican te bin spasoje.

Salmos 28:4

A'beya stojic hich te bin ut'il te ya'telic, hich te bin ut'il bintic chopol spasojique; a'beya stojic hich te bin ut'il te ya'tel te sc'abique.

Isaías 40:10

Ilawil, tal soc yu'el te Jehová, ya xcuentahinwan ta scuenta yip sc'ab. Ilawil, ya xtal soc smahtan, joquimbil tal soc te stojole.

Isaías 62:11

Ilawil, te Jehová hich la spuc ta halel c'alal ta sti'il te bahlumilal: Halbeyahic te yantsil-nich'an Sión: Talix te Jcoltaywanej awu'un; ilawil, yich'oj tal mahtanil, ay ta stojol te mahtanile, xchi.

Jeremías 17:10

Ho'on Jehovahon ya jtsahtay te o'tanil, soc ya jtsahtay te bin snopoj, yu'un ya ca'be stoj ta tuhlutuhl ha chican bin ya spasic, ha chican bin yilel sit te ya'tele, xchi te Jehová.

Sofonías 1:14

¡Nopolix te smuc'ul c'ahc'alel yu'un Jehová! ¡Nopolix yorahil! Ch'a ya xc'oht te aw ta sc'ahc'alel te Jehová, asta ya x'awon tey a te mach'a ay yip.

San Mateo 16:27

como te Nich'anil ay ta scuenta winic ya xtal soc yutsilal te Stat, sjoquinej te ch'ul a'batetic yu'un, hich ya yac'ticlambe stojol sc'ab jujutuhl, ha chican bin yilel ya'telic.

Romanos 14:12

Ha yu'un jujutuhlotic ya xc'oht cac'tic cuenta ta stojol Dios.

1 Corintios 3:14

Teme stalel ya xhil te ya'tel te mach'a la sts'ahcuy mohel, ya me x'a'bot smahtan.

1 Corintios 3:8

Pajal ayic te mach'a ya ya'iy ts'umbajel soc te mach'a ya ya'be ya'lel, soc jujutuhl ya x'a'bot yich' stojol, ha chican bin yilel ya'telic.

Apocalipsis 11:18

Ilin yo'tanic te nacionetic, pero hulemix te awilimba; ha yorahilix te ya x'ochic ta ich'el ta c'op te mach'atic chamenic, yorahilix te ya x'a'bot stojol sc'abic te a'batetic awu'un, ha te jalwanejetic, te mach'atic ch'uhltesbilic, te ya yich'ic ta muc' te abihile, muc' biq'uit, soc yorahilix te yac ajinticlan te mach'atic ya sjinic te bahlumilale, xchihic.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

Apocalipsis 20:12

Soc la jquil te mach'atic chamenic, muc' biq'uitetic, tec'ajtic ta stojol te muc'ul-huctajibal. La yich' jamel te librohetic, soc ay yan libro la yich' jamel, ha te libro scuenta cuxlejal. La yich'ic ich'el ta c'op te mach'atic chamenic, ha chican te bintic ts'ihbalambil ta hunetic, ha chican bin la spasic.

Apocalipsis 22:20

Te mach'a ya yal ha'i testigo-c'op ini, hich ya yal: Melel, nopol ya xtalon, xchi. ¡Hichuc, la', Cajwal Jesús!

Apocalipsis 22:7

¡Ilawil, nopol ya xtalon! Bayel me yutsil te mach'a ya scanantay te sc'op-jalwanej te ay ta libro ini, xchi te Jesús.

Apocalipsis 3:11

Nopol ya xtalon. Ma me xch'ay awu'un te bin ay awu'un, scuenta yu'un mayuc yan mach'a ya yich'bat te acorona.