Apocalipsis 22:11 - Bible in Tzeltal Bachajón

¹¹ Te mach'a ma tojuc, ac'a spas xan te bin ma tojuque; te mach'a bohloben, bohloben ac'a hiluc; te mach'a toj yo'tan, ac'a spas xan te bin toj ta pasel; soc te mach'a ch'ultesbil, ch'ultesbil ac'a hiluc.

Nuevo Testamento Tzeltal de Amatenango

¹¹ Te machꞌa maꞌ tsaꞌamuk tut ya spase, a me spas bael; y te machꞌa ma lekuk yoꞌtane, sigueuk sok te ma lekuk yoꞌtane. Pero te machꞌa lek yoꞌtane, a me spas bael te tut leke; y te winik te tojutesbilix yuꞌun te Diose, sigueuk me jun yoꞌtan —xchi.

Bible in Tzeltal de Oxchuc y Tenejapa

¹¹ Te mach'a amen yo'tane, jichuc ac'a spas xan bael te bila amene. Te mach'a bol yo'tane, jichuc ayuc bael te yo'tane. Yan te mach'a lec yo'tane, ac'a spas xan bael te bila lec ta pasele; soc te mach'a ch'ultesbil yu'un te Diose, ch'ultesbiluc me bael te yo'tane” —la yuton.

Apocalipsis 22:11 ပူးပေါင်းရင်းမြစ်များ

Job 17:9

Pero te mach'a toj yo'tan ya to st'un te be yu'un, soc te mach'a mayuc smul te sc'ab ya me sta xan yip.

Salmos 81:12

Ha yu'un la jquihquitay yu'un ya spasic te bin la sc'an yo'tanic, yu'un ya st'unic te snopojibal yu'unique.

Proverbios 14:32

Te mach'a chopol yo'tan, ha nix ya xjihnot yu'un te schopolile, yan te mach'a toj yo'tan ha ahnibal yu'un te bin ut'il jun nax te yo'tane.

Proverbios 4:18

Te be yu'un te mach'atic toj yo'tanic hich ay te bin ut'il ya xhahch ta sacubel te q'uinal, te behbe ya sacub ha to c'alal ts'acal sacubix te q'uinale.

Eclesiastés 11:3

Teme ay bayel ya'lel te tocale, ya smal cohel ya'lel ta lumq'uinal. Teme ya xbuch bahel ta sur o ta norte te te'e, ta banti ya xbuch bahel tey ya xhil a.

Ezequiel 3:27

Pero teme ay bin ya calbat, ya jambat awe soc hich me xawalbe: Hich yaloj te Jehová, te Ajwalile. Te mach'a ya sc'an ya ya'iy, ac'a ya'iy; te mach'a ma sc'an ya ya'iy, manchuc, como ha jun pueblo te stoyoj sba, xchi te Jehová.

Daniel 12:10

Ay tsobolic te lecubtesbil soc pocbil ya xc'ohtic; yan te mach'atic chopolic stalel schopol ya xhilic, soc mayuc ni jtuhluc te mach'a chopol yo'tan te ya sna'be scuentahil, pero te mach'atic p'ij yo'tanic ya me sna'beyic scuentahil.

San Mateo 15:14

Ac'a yil sbahic; ha'ic ts'o'sitetic te yac stojobtesbelic ts'o'sitetic; teme ts'o'sit nix te ya stojobtes ts'o'sit, pajal me ya xch'ayic cohel ta ch'en soc, xchi.

San Mateo 21:19

C'alal la yil jtehc' higuera ta ti'be, baht yil, pero mayuc sit la stahbe, ha nax ya'binal; hich la yalbe te te'e: Ma me jaymehl ya sitinat, la yut. Ora taquij te higuera.

San Mateo 25:10

Pero c'alal bahemic ta smanel tal a, tal te mach'a ya xnuhpun. Te ach'ixetic te chapajtic la sjoquinic ochel te banti ya xc'oht te nuhpunel, soc la yich' maquel te ti'nahile.

San Mateo 5:45

scuenta yu'un yal-snich'an ya xc'ohex a te Atatic ay ta ch'ulchan, te pajal ya yac' loc'uc tal c'ahc'al ta stojol mach'atic chopol yo'tanic soc ta stojol mach'atic lec yo'tanic, soc pajal ya yac' taluc ha'al ta stojol mach'atic toj yo'tanic soc ta stojol mach'atic ma tojuc yo'tanic.

San Mateo 5:6

Bayel me yutsilic te mach'atic ya xwi'najic soc ya xtaquij yo'tanic yu'un te bin stojil ta pasele, como ts'acal ya x'a'botic.

San Juan 8:21

Halbotic xan yu'un te Jesús: Ya xbohonix, yac alehonic, pero ay amulic a ya xchamex. Te banti ya xbohon ma xhu' ya xbahex tey a, xchi sc'oblalic.

Efesios 5:27

scuenta yu'un ya stehc'an te iglesia ta stojol, ha jun iglesia te ay yutsilal, te mayuc yabaquil, mayuc bin jihnem o yan bin ma lecuc, ha ch'ultesbil soc mayuc bin chopol ay ta stojol.

Colosenses 1:22

pero ta ora ini, la scha'lecubtesbeyex awo'tanic soc ta scuenta te sbaq'uetal Cristo te laje, scuenta yu'un ch'ultesbilex soc mayuc banti jihnem awu'unic soc mayuc bin quechel ta acuentahic a ya stehc'anex ta stojol.

2 Timoteo 3:13

Yan te mach'atic chopolic soc te jlo'loywanejetic behbe bohlobelic stuquel, ya xlo'loywanic soc ha nix lo'loybilic.

Judas 1:24

Te Dios te ya xhu' ya scanantayex yu'un ma ba xyahlex soc te ya xhu' yu'un te mayuc awabaquil a ya stehc'anex ta stojol te yutsilal soc bayel yutsil-o'tanil,

Apocalipsis 16:21

Xtitet cohel tal ta ch'ulchan ta stojol ants-winiquetic niwac bat te jun talento yalal te jujune. Te ants-winiquetic la sbohlc'optayic Dios yu'un te wocol yu'un te bate, como c'ax tulan te wocole.

Apocalipsis 22:3

Mayuquix tey a te bin chopol sc'oblale. Tey ay a te smuc'ul-huctajib te Dios soc te Jcolel Tuminchij, soc te a'batetic ayic ta a'batinel yu'un,