Apocalipsis 22:10 - Bible in Tzeltal Bachajón

¹⁰ Soc la yalbon xan: Ma me xamac te sc'op-jalwanej te ay ta libro ini, como nopolix yorahil.

Nuevo Testamento Tzeltal de Amatenango

¹⁰ Sok la yalbon xan: —Ma me amuk ta awoꞌtan te skꞌoplal te tutiꞌ yalbelat te tsꞌibabil liꞌ ba libro to. Porke ya xtijilajix tal te tiempoe te ya xkꞌot ta pasele.

Bible in Tzeltal de Oxchuc y Tenejapa

¹⁰ Soc la yalbon: —Ma me xanac' te bila ts'ibubil jilel li' ta jun to. Melel nopol ya xc'otix ta pasel.

Apocalipsis 22:10 ပူးပေါင်းရင်းမြစ်များ

Isaías 13:6

¡Ahcanajanic, yu'un nopol ya xc'ohtix te sc'ahc'alel yu'un Jehová! ¡Ya xtal hich te bin ut'il te lajinel ya xtal ta stojol te Mach'a spisil ya xhu' yu'un!

Isaías 8:16

Chuca te testigo-c'op, a'beya sellohil te ley ta yohlil te jnopojeletic cu'une.

Ezequiel 12:23

Ha yu'un halbeya: Hich yaloj te Jehová, te Ajwalil: Ya ca'be slajibal te tsahbil c'op ini, ma ba ya yich'ix xan halel ta Israel, xchihat. Halbeya: Nopolix te sc'ahc'alel soc nopolix te ya xc'oht ta pasel spisil te nahalsitiletique.

Daniel 12:4

Pero ha'at, Daniel, maca te c'opetic, a'beya sello te libro ha to c'alal yorahil slajibal. Ay tsobolic te ya xtal xbahtic ta bayuc, soc ya xp'ohl te bintic ay ta na'el, xchi te Gabriel.

Daniel 12:9

Hich la sjac': Bahan, Daniel, como spisil te c'opetic ini macalix soc yich'ojic sello ha to c'alal yorahil slajibal.

Daniel 8:26

Te nahalsitil yu'un te tibiltic soc te sahb te ac'ot ta ilel, mero smelelil. Pero macal me ya xhil awu'un te nahalsit, como ha sc'oblal bayel c'ahc'al ta patil, xchi.

San Mateo 10:27

Te bin ya calbeyex ta yihc'al q'uinal, jamal xawalic ta sacal q'uinal; soc te bin yac awa'iy ta muquen ta achiquinic, halahic ta ba nahetic.

Romanos 13:11

Ya sc'an te hich ya jpastic, te bin ut'il jna'ojtic bin c'ahc'alil ayotic ini, ha te bin ut'il yorahilix te ya jwic' jsitic te wayalotic, como nopol xan ay te jcoleltic te bin ut'il c'alal hahch jch'uhuntique.

Romanos 13:12

C'uhbenix ahc'abal, nopol ya sacub te q'uinale. Ha yu'un ac'a jch'aytic hilel te bin scuenta te yihc'al q'uinal, ha ac'a jchahpan jbahtic soc te a'tejibaletic yu'un te sacal q'uinale.

2 Tesalonicenses 2:3

Ma me ayuc mach'a ya slo'loyex ta biluc nax ut'il, como ma ba ya xtal ha to teme c'ohtix ta pasel te tsobol ya yihquitayic sch'uhunel Dios soc te ya xchicnaj te winic yu'un mulil, ha te mach'a ch'ayel ya xbaht,

1 Pedro 4:7

Nopol ya sta yorahil te ya xlaj spisil bintic ay; ha yu'un na'ahic me q'uinal soc wic'sitaya me abahic scuenta yu'un ya xhu' yac ac'oponic Dios.

Apocalipsis 1:11

te hich la yal: Ho'on te Alfa soc te Omega, te shahchibalon soc te slajibalon. Ts'ihbaya ta hun te bin yac awil soc ticona bahel ta stojol te huqueb iglesiahetic: ha te Éfeso, Esmirna, Pérgamo, Tiatira, Sardis, Filadelfia, soc te Laodicea, xchi la jca'iy.

Apocalipsis 1:3

Bayel me yutsil te mach'a ya yil soc te ya ya'iy ha'i sc'op-jalwanej ini, soc te ya yac' ta yo'tanic te bintic ts'ihbalambil tey a, como nopol ya xc'ohtix ta pasel.

Apocalipsis 10:4

C'alal t'ohm te huqueb chahwuc, c'an jts'ihbay; pero la jca'iy te ay mach'a c'opoj ta ch'ulchan te hich la yalbon: Maca te bin la yalic te huqueb chahwuquetic, ma me xats'ihbay, xchi.

Apocalipsis 22:16

Ho'on Jesuson, jticonej tal te ch'ul a'bat cu'un scuenta yu'un ya yalbe te iglesiahetic ha'i testigo-c'op ini. Ho'on slohp'on soc sts'umbalon David, ho'on te jsacubel ec', xchi.

Apocalipsis 22:18

Spisil mach'atic ya ya'iybeyic te sc'op-jalwanej ta libro ini, ya ca'be sna' ini: Teme ay mach'a ya ya'be sobra, Dios me ya x'a'bot yu'un te jaychahp wocol te ts'ihbabil ta libro ini.

Apocalipsis 22:20

Te mach'a ya yal ha'i testigo-c'op ini, hich ya yal: Melel, nopol ya xtalon, xchi. ¡Hichuc, la', Cajwal Jesús!

Apocalipsis 22:7

¡Ilawil, nopol ya xtalon! Bayel me yutsil te mach'a ya scanantay te sc'op-jalwanej te ay ta libro ini, xchi te Jesús.

Apocalipsis 22:9

Pero la yalbon: ¡Ma hichuc xapas! Pajal ayotic ta a'batinel soc te awermanotac te jalwanejetic soc te mach'atic ya scanantayic te c'op te ay ta libro ini. ¡Ha me xach'uhuntay te Diose! xchi.

Apocalipsis 5:1

La jquil ay balbil hun ta swa'el-c'ab te Mach'a hucul ta muc'ul-huctajibal, ts'ihbabil ta yutil soc ta spat soc macbil ta huqueb sello.