Apocalipsis 21:8 - Bible in Tzeltal Bachajón

⁸ Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Nuevo Testamento Tzeltal de Amatenango

⁸ Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.

Bible in Tzeltal de Oxchuc y Tenejapa

⁸ Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Apocalipsis 21:8 ပူးပေါင်းရင်းမြစ်များ

Proverbios 19:5

Ya me yich' castigo te lotil testigo, soc ma ba libre ya xc'oht te mach'a ya ya'iy lot.

Proverbios 19:9

Ya me yich' castigo te lotil testigo, soc ya me xlaj te mach'a ya ya'iy lot.

Isaías 51:12

Ho'on, ho'on te ya jmuc'ubtesbat q'uinal yac awa'iyic. ¿Mach'ahat a te yac axi' te ants-winiquetic te ya xchamic, te ants-winiquetic te hich ayic te bin ut'il ac?

Isaías 57:11

¿Mach'a yac axi', mach'a la xiwtesat, te la alo'loyon, te ma ba la ana'on, ni ma ba tal ta awo'tan? ¿Ma bal ha'uc yu'un te ch'abon ta namey tal, te hich ma ba axi'ojon?

Isaías 9:15

Te sjol, ha te mamaletic soc te mach'atic ich'bilic ta cuenta, te sne, ha te jalwanejetic te ya yaq'uic ta nopel lot.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

San Mateo 10:28

Ma xaxi'ic te mach'atic ya smilbeyex abaq'uetalic, te ma xhu' yu'un ya smilbeyex ach'uhlelic; ha me xaxi'ic te Mach'a ya xhu' ya slajin ta infierno te ach'uhlel soc abaq'uetal.

San Mateo 25:25

ha yu'un xiwon, hich baht jmuc ta lum te talento awu'un, li' ay te bin awu'une, xchi.

San Mateo 8:26

Halbotic yu'un: ¿Bin yu'un ya xiwex, winiquetic te mayuc lec sch'uhunel awo'tanic? xchi sc'oblalic. Hich la stehc'an sba te Jesús, tulan la scom te ic' soc te mar, mero lamal hil te q'uinale.

San Marcos 9:44

ta banti ma xcham shahulic soc mayuc bin ora ya xtup' te sc'ahc'ale.

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

Deuteronomio 20:8

Te jcuentahinwanejetic ya me sc'oponic xan te soldadohetic, hich ya yalic: ¿Mach'a a te ya xiw soc te mayuc yip yo'tan? Ac'a suhtuc ta sna scuenta yu'un hich ma sjuc ta xiwel a te yantic yermanotac, xchihic me.

2 Tesalonicenses 2:9

Te mach'a chopol te ya xtale, ya x'a'tej ta scuenta yip te Satanás, ya me xtal spas muc'ul a'tel te ay yip, soc señahiletic soc jchahp a'teliletic scuenta lo'loyel,

1 Timoteo 4:2

Te bintic ya yaq'uic ta nopel ini ha ya xtal ta scuenta chebalc'optayel yu'un jlotetic, te tsajuben ta c'ahc' c'ohem te bin ya yal te yo'tanique.

Tito 1:16

Ya sna'beyic sba Dios ta sc'opic, pero chican ta ya'telic te ma hichuc, te bin ut'il ihlaybilic, jc'axun-c'opetic, soc ma sna'ic spasel lequil a'telil.

Hebreos 12:24

ta stojol Jesús, te Jc'asesej-c'op yu'un te yach'il chapbil-c'op, soc ta stojol te ch'ich' te tsihtsimbil, te c'ax lec xan bin ya yal a te bin ut'il bin ya yal te sch'ich'el Abel.

Hebreos 13:4

Apisilic ich'biluc me ta muc' awu'unic te nuhpunel, ma socuc mulil te yac awic' abahique. Ya me x'ich'otic ta c'op yu'un Dios te mach'atic ya ya'iyic chijil-o'tanil soc te ya ya'iyic antsiwej soc antsinel.

1 Juan 2:22

¿Mach'a a te ya ya'iy lot? Ha te mach'a ya yal te ma ha'uc Cristo te Jesús. Ha te anticristo abi, ha te mach'a ya smuc ta yo'tan te Tatil soc te Nich'anile.

1 Juan 3:15

Spisil mach'a ya yil-o'tantay te yermano, jmilaw me c'ohem. Ana'ojic te mayuc jtuhluc jmilaw te ay scuxlejal scuenta sbahtel q'uinal.

1 Juan 5:10

Te mach'a ya sch'uhun te Snich'an Diose ay ta yo'tan te testigo-c'op ini; yan te mach'a ma ba ya sch'uhun Dios, ha yac ta lot te Dios ta sc'op, como ma ba sch'uhunej te testigo-c'op yu'un Dios te yalbeyej sc'oblal te Snich'ane.

Apocalipsis 14:10

ha nix hich ya me yuch' te vino scuenta yilimba Dios te mayuc scahp a ya xcohcombot ta stasahil te yilimba Dios. Ya x'a'bot swocolic ta c'ahc' soc azufre ta stojol te ch'ul a'batetic soc ta stojol te Jcolel Tuminchij.

Apocalipsis 19:20

La yich' tsaquel te chambahlam te xiweltic sba soc te lotil jalwanej te la yac'ticlan ta ilel señahiletic ta stojol, te ha la slo'loylan a te mach'atic la yich'beyic te marca yu'un te chambahlam te xiweltic sba soc te la sch'uhuntayic te sloc'ombahil. Schebalic cuxul a la yich'ic ch'ojel ochel ta pamal c'ahc' te yac ta tihlel soc azufre.

Apocalipsis 2:11

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ma ba ya ya'iybe sc'uxul te schebal buelta lajel, xchi.

Apocalipsis 2:2

Ya jna' bin yilel awa'tel, te tulan ayat ta a'tel soc te ya xcuhch awu'un; soc ya jna' te ma xcuhch awu'un te mach'atic chopolic, te atsajoj te mach'atic ya scuy sbahic ta jpuc-c'opetic pero ma ha'uc, soc la atsaquix ta slotic.

Apocalipsis 21:27

Ma x'och tey a te bin bohloben sc'oblal o te mach'a ya spas bin ilobtic sba o te mach'a ya ya'iy lot; ha nax te mach'atic ts'ihbabil sbihilic ta libro scuenta cuxlejal yu'un te Jcolel Tuminchij.

Apocalipsis 22:15

Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.

Apocalipsis 9:17

La jquil ta jnahalsit cawuhetic soc te mach'atic cajajtic tey a, ay smahquil stahnic te tsaj hich te bin ut'il c'ahc', te yax-el'el soc c'an hich te bin ut'il azufre. Te sjol te cawuhetic sjel ta sjol choj, soc yac ta loq'uel c'ahc' ta yehic soc ch'ahil soc azufre.

Apocalipsis 9:21

Ma ba la suhtes yo'tanic yu'un smilawic, yilojelic, schijil-o'tanic soc yeleq'uic.

Jueces 7:3

Ha yu'un halbeya te pueblo: Te mach'a ya xiw soc ya xnihc yo'tan ac'a yihquitay hilel te wits Galaad, ac'a suhtuc bahel ta sna, xchi. Hich suhtic bahel cha'pic soc ho'lajunbahc' (22,000) winiquetic, pero hil xan jpic soc ho'bahc' (10,000) ta tuhl.