Apocalipsis 21:2 - Bible in Tzeltal Bachajón

² La jquil te ch'ul pueblo, te yach'il Jerusalén, yac ta cohel tal ta ch'ulchan ta stojol Dios, chahpambil hich te bin ut'il ya sch'ahl sba jtuhl ach'ix ta stojol te mach'a ya xnuhpun soque.

Nuevo Testamento Tzeltal de Amatenango

² La kil chꞌul mukꞌul jtejklum, jaꞌ te achꞌ Jerusalene, te yipal tal ta koel ta chꞌulchan ta stojol te Diose. Lek chapal jachik tutꞌil achꞌix te ya xnujpune.

Bible in Tzeltal de Oxchuc y Tenejapa

² Jo'on Juanon la quil te ch'ul muc'ul lum te ja' te yach'il Jerusalén. La quil yac ta coel tel ta ch'ulchan te loc' tel ta stojol te Diose. Buen chapal jich te bit'il ya xch'al sba soc sc'u'-spac' te ach'ix ya xnujbine.

Apocalipsis 21:2 ပူးပေါင်းရင်းမြစ်များ

Salmos 87:3

¡Buen t'ujbil yutsil te bintic halbil ac'oblal, ha'at pueblohat yu'un Dios! Selah

Isaías 1:21

¡Ilawil bin ut'il sutp'ij ta j'antsinel-ants te pueblo te jun yo'tan! Ta nahil nojel ta bin stojil ta pasel, nahinem tey a te bin toj ay, ¡pero ta ora ini nahinemic tey a te jmilawetique!

Isaías 52:1

¡Wic'a asit, wic'a asit, ich'a awip, Sión! Lapa at'ujbil c'u', ha'at Jerusalén, te ch'ul pueblo; como mayuc bin ora ya xtal xan ta atojol te mach'a ma ba yich'oj circuncisión o te bohloben sc'oblal.

Isaías 54:5

Como ha amamalal te Jpaswanej awu'un, ha Jehová te scuentahinej spisil te sbihile; te J'ac'aw ta libre awu'un, ha te Ch'ul Dios yu'un Israel, te Dios yu'un spisil te q'uinal, xchi te sbihile.

Isaías 61:10

Bayel yutsil co'tan ta stojol Jehová, ay yutsil yo'tan jch'uhlel ta stojol te Dios cu'une; como la ya'bon jlap sc'u'ulel colel soc la sjoytayon yu'un pac' scuenta bin stojil ta pasel, hich te bin ut'il lecolil te ya xnuhpun te ya sch'ahl sjol ta corona, hich te bin ut'il ach'ix te ya xnuhpun te ya sch'ahl sba ta sch'ahlelaletique.

Isaías 62:4

Ma ba hich ya yalbatix xan abihil: Ihquitaybil, te xchihe, soc ma ba hich ya yalbeyiquix xan sc'oblal aq'uinal: Jihnem, ma xchihuquic; ha ya x'a'botat abihil: Hefzi-bá, xchi, soc: Beula, xchi sbihil te aq'uinale; como mulambilat yu'un te Jehová, soc ha smamalal te aq'uinal ya xc'oht.

Jeremías 31:23

Hich yaloj te Jehová te scuentahinej spisil, te Dios yu'un Israel: C'alal ya cac' te ya suhtic tal te jchuqueletic, hich me ya yalic yan buelta ta sq'uinal Judá soc ta pueblohetic yu'un: Te Jehová ac'a ya'bat bendición, ha'at yawilat te bin stojil ta pasel, ha'at ch'ul witsat, xchihic.

San Juan 3:29

Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un.

2 Corintios 11:2

como xut'et co'tan ya ca'iy ta atojolic ta scuenta Dios. Jtuhl nax mach'a la jcac' yiq'uex, ha te Cristo, scuenta yu'un ya caq'uex ta stojol hich te bin ut'il ach'ix te mayuc mulil ta scuenta.

Hebreos 11:10

como te Abraham yac smahliybel te pueblo te ay tulan yich'o-ip, te la yich' nopel yu'un Dios bin yilel ya xc'oht soc te pasbil yu'une.

Hebreos 11:16

Pero la yahnuytayic te bin lec xan, ha te ch'ulchane. Ha yu'un te Dios ma ba q'uexaw te ya xhalot te ha Dios yu'unic, como ha la schahpambe jun muc'ul pueblo yu'unic.

Hebreos 12:22

Pero te ha'exe nohpojemex bahel ta wits Sión, ta muc'ul pueblo yu'un te cuxul Dios, ha te Jerusalén scuenta ch'ulchan, ta stojol tsobol ta mil ch'ul a'batetic,

Hebreos 13:14

como mayuc pueblo cu'untic li'i te stalel ay, ha yac jlehbeltic te pueblo te talel yaque.

Apocalipsis 1:1

Ha te bin la yac' ta na'el te Jesucristo, te a'bot sna' yu'un Dios scuenta yu'un ya ya'be sna' te a'batetic yu'un te bintic c'ohel yac ta pasele. Ha la yac' ta na'el ta scuenta te ch'ul a'bat yu'un te la sticon tal ta stojol Juan, te ya'bat,

Apocalipsis 1:4

Juan, ta stojol te huqueb iglesiahetic te ayic ta Asia: Ich'ahic te yutsil-o'tanil soc lamal q'uinal yu'un te mach'a ay ta ora ini, te ay ta namey soc te ya xtale, soc te huqueb espírituhetic te ayic ta stojol te smuc'ul-huctajib,

Apocalipsis 1:9

Ho'on te Juan, awermanohon soc jmohlol jbahtic ta wocol, ta cuentahinel yu'un Dios soc te jun co'tantic yacotic ta smahliyel ta scuenta Jesús; ayon ta Patmos sbihil te tut q'uinal ay ta yohlil mar, ta scaj te sc'op Dios soc te testigo-c'op yu'un te Jesucristo.

Apocalipsis 11:2

Yan te yamaq'uil te templo ma me xap'is stuquel, como a'bibilix ta sc'ab te jyanlumetique. Cheb yoxwinic (42) u ya me sts'o'ts'o'teq'uic te ch'ul pueblo.

Apocalipsis 21:10

Hich ta scuenta te Espíritu la yic'on bahel ta muc'ul toyol wits, la ya'bon quil te muc'ul ch'ul pueblo Jerusalén te yac ta cohel tal ta ch'ulchan ta stojol Dios.

Apocalipsis 21:9

Tal jtuhl te huqueb ch'ul a'batetic te yich'ojic te huqueb copahetic te nojel ta slajibal wocoletic, hich la yalbon: La', ya ca'bat awil te ach'ix te ya xnuhpun soc te Jcolel Tuminchij, xchi.

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

Apocalipsis 22:19

Soc teme ay mach'a ay bin ya sloq'ues ta bin ts'ihbabil ta libro yu'un te sc'op-jalwanej ini, ha nix hich ya xloq'uesot yu'un Dios, ma ba ya x'a'bot slo'be sit te te' scuenta cuxlejal soc ma ba ya x'och ta muc'ul ch'ul pueblo, te ts'ihbabil sc'oblalic ta libro ini.

Apocalipsis 3:12

Te mach'a ya ya'iy tsalaw, ya cac' te ha yoyal ya xc'oht ta templo yu'un te Dios cu'un, soc mayuc bin ora ya xloc' tey a. Tey nix ta stojol ya me jts'ihbabe te sbihil te Dios cu'un soc te sbihil te muc'ul pueblo yu'un te Dios cu'un, ha te yach'il Jerusalén te ya xco tal ta ch'ulchan ta stojol te Dios cu'un; soc ya jts'ihbay te yach'il jbihile.