Apocalipsis 21:1 - Bible in Tzeltal Bachajón

¹ La jquil yach'il ch'ulchan soc yach'il bahlumilal, como c'axix te ch'ulchan soc te bahlumilal te ay ta nahil to, soc mayuquix mar.

Nuevo Testamento Tzeltal de Amatenango

¹ Ta patil la kil jun achꞌ chꞌulchan y jun achꞌ balmilal. Porke te primero chꞌulchan y te primero balmilale chꞌayikix bael, y jich ekꞌa te mare.

Bible in Tzeltal de Oxchuc y Tenejapa

¹ Soc la quil yach'il ch'ulchan soc yach'il balumilal. Yu'un te sbabial ch'ulchane soc te sbabial balumilale ch'ayiquix bael soc ma'yuquix te mare.

Apocalipsis 21:1 ပူးပေါင်းရင်းမြစ်များ

Isaías 27:1

Ta hich ora te Jehová ya me ya'be castigo ta espada yu'un te ha muc' soc te ay yip, ya me ya'be castigo te Leviatán, te chan te ya x'ahn bahel, te Leviatán, te chan te xotoj sba, ya me smil te dragón te ay ta mar.

Isaías 51:11

Ya me suhtic tal te mach'atic ac'bilic ta libre yu'un Jehová; ya me x'ochic bahel ta Sión soc c'ayoj, soc ha corona ya xc'oht yu'unic te tse'el-o'tanil te stalel ay. Ya me stahic yutsil yo'tanic soc tse'elil yo'tanic, ya x'ahn loq'uel te bin c'ux soc te ahcane.

Isaías 57:20

Pero te mach'atic chopolic hich ayic te bin ut'il mar te xyuq'uinaj yu'un ic', te ma xhu' ya xlahmaj, te ya sch'oj loq'uel ahch'al soc c'a'pal te yip te ha'e.

Isaías 66:22

Hich te bin ut'il stalel ya xhil ta jtojol te yach'il ch'ulchan soc bahlumilal te ya jpas, hich stalel ya xhil te ats'umbalic soc te abihilique, xchi te Jehová.

Daniel 7:3

Loc' tal ta mar chaneb muc'ul chambahlametic, yantic yilel jujucoht.

Romanos 8:21

Como ha nix hich te bin pasbile ya x'ac'ot ta libre yu'un te mosohil yu'un te ya xc'a', yu'un pajal ya yich' yutsilal soc te al-nich'anetic yu'un Dios.

2 Pedro 3:10

Pero te c'alal ya xtal te Cajwaltic hich ya xtal te bin ut'il j'elec' ta ahc'abal. Ta hich ora ya xch'ay bahel te ch'ulchan soc tulan c'op, spisil bintic pasbil ya xlaj ta c'ahc', soc te bahlumilal soc spisil te bintic pasticlambil tey a ya me xlajic ta chiq'uel.

2 Pedro 3:13

Pero te ho'otic yacotic ta smahliyel te bin yaloj te Diose, ha te yach'il ch'ulchan soc yach'il bahlumilal, te banti ya xnahin te bin toj ta pasele.

Apocalipsis 13:1

La jtehc'an jba ta shi'al ti'mar, la jquil loc' tal ta mar jcoht chambahlam te xiweltic sba te ay huqueb sjol soc lajunch'ix xulub. Yahtalal scorona te jujuch'ix xulub, soc ta jujun sjol ay sbihil te ya xbohlc'optaywan.

Apocalipsis 20:11

La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.

Apocalipsis 21:5

Hich la yal te mach'a hucul ta muc'ul-huctajibal: Ya jpas ta yach'il spisil, xchi. Soc hich la yalbon: Ts'ihbaya ini, como te c'op ini ay ta ich'el ta cuenta soc smelelil, xchi.

Apocalipsis 6:14

Te ch'ulchan ch'ay bahel hich te bin ut'il ya yich' balel hun, soc jeltaybot yawilic spisil witsiltic soc te q'uinaletic joytaybilic ta ha'.