Apocalipsis 20:8 - Bible in Tzeltal Bachajón

⁸ ya xloc' slo'loylan te nacionetic ayic ta schanxuhcul bahlumilal, ha te Gog soc Magog, yu'un ya stsob tal ta guerra. Hich yipalic te bin ut'il shi'al mar.

Nuevo Testamento Tzeltal de Amatenango

⁸ Y ya xlijk sloꞌlay te nasionetik ta spisil te balmilale, jaꞌ te Gog y Magog sbiilike. Sok ya me stsob tal ta guerra te soltaroetik yuꞌune, te lom bayal te jachik tutꞌil sjiꞌal te mare.

Bible in Tzeltal de Oxchuc y Tenejapa

⁸ Jich ya xjajch' slo'lay spisil ta chajbalchajp te nacionetic ta xchanjejch'eluc balumilal te ja' Gog soc Magog sbiilic te ants-winiquetique. Ya me stsob sbaic ta guerra te jich yajtalulic te bit'il sji'al te mare.

Apocalipsis 20:8 ပူးပေါင်းရင်းမြစ်များ

1 Reyes 4:20

Te Judá soc Israel mero bayelic, hich te bin ut'il hi' ta ti'mar. Yacalic ta we'el uch'el, soc mero tse'el yo'tanic.

2 Crónicas 18:21

La yal te espíritu: Ya xloc'on bahel, ho'on espíritu yu'un lot ya xc'ohon ta yehic te jalwanejetique, xchi. La yal te Jehová: Ha'at ya xhu' awu'un yac alo'loy. Bahan, hich me xapas, xchi.

Isaías 10:22

Te pueblo awu'un, Israel, aunque hich yipal te bin ut'il shi'al mar, ha nax ya suhtic tal te mach'atic hilemique. Halbilix te ay jinel, mero stojil bin ya yich' pasel.

Jeremías 33:22

Hich te bin ut'il ma xhu' ta ahtayel te eq'uetic ta ch'ulchan o te shi'al mar, hich ya cac' te ya xp'ohl te sts'umbal te ca'bat David soc te levitahetic te ya x'a'tejic ta jtojol, xchi.

Ezequiel 38:1

Tal ta jtojol te sc'op Jehová, hich la yal:

Ezequiel 38:2

Snich'anat winic, ac'a asit awelaw ta stojol Gog ta sq'uinal Magog, te toyol príncipal yu'un Mesec soc Tubal, hala sc'op-jalwanej ta scontrahinel,

Ezequiel 39:1

Ha'at, snich'anat winic, hala sc'op-jalwanej ta scontrahinel te Gog, hich xawalbe: Hich yaloj te Jehová, te Ajwalil: Ya jcontrahinat, Gog, toyol príncipalat yu'un Mesec soc Tubal.

Ezequiel 39:6

Ya jticon bahel c'ahc' ta stojol Magog soc ta stojol te mach'atic jun yo'tanic nahinemic ta ti'ti'mar. Hich me ya sna'ic a te ho'on Jehovahon.

Ezequiel 7:2

Ha'at, snich'anat winic, puca ta halel ta stojol te sq'uinal Israel te hich yaloj te Jehová, te Ajwalil: ¡Ha slajibal! ¡Talix te slajibal ta stojol te schanxuhcul te q'uinale!

Hebreos 11:12

Ha yu'un ta scuenta jtuhl winic te c'ax mamalix, tsobol loq'uic a hich te bin ut'il eq'uetic ta ch'ulchan soc hich te bin ut'il shi'al mar te ma xhu' ta ahtayel.

Apocalipsis 12:9

La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.

Apocalipsis 16:14

Ha'ic espírituhetic yu'un pucujetic te ya spasic señahiletic soc ya xbahtic ta stojol te ajwaliletic te ayic ta swohlol bahlumilal yu'un ya stsobic ta guerra ta yorahil te muc' sc'ahc'alel yu'un Dios te spisil ya xhu' yu'une.

Apocalipsis 20:10

Soc te pucuj, te lo'loyotic yu'un, ch'ojot ochel ta banti yac ta tihlel pamal c'ahc' soc azufre, te banti ay te chambahlam te xiweltic sba soc te lotil jalwanej; c'ahc'al ahc'abal ya xc'ax swocolic sbahtel q'uinal tey a.

Apocalipsis 20:3

La sch'oj cohel ta xahab, la smac hilel ta llave soc la ya'be sello, scuenta yu'un ma ba ya slo'loylanix a te nacionetic, ha to c'alal ya sts'acay te lajunwinic yoxbahc' (1,000) ha'bile. Patil ya me yich' coltayel loq'uel jts'ihnuc.

Apocalipsis 7:1

Patil la jquil chaneb ch'ul a'batetic tec'ajtic ta schanxuhcul bahlumilal, scomojic te chaneb ic' te ya xbehenic ta bahlumilal scuenta yu'un ma ba ya xbehen ic' ta q'uinal, ta mar o ta te'etic.

Jueces 7:12

Te madianetic, amalequetic soc te mach'atic talemic ta stojol banti ya xloc' tal c'ahc'al spucoj sbahic ta spamlej hich te bin ut'il ipal c'ulubetic, soc te camellohetic yu'unic ma hu' ta ahtayel hich te bin ut'il shi'al sti'il mar.

1 Samuel 13:5

Hich te filisteohetic la stsob sbahic ta ya'beyel guerra te Israel: oxpic soc ho'lajunbahc' (30,000) carretahetic yu'un guerra, ho'lajunbahc' (6,000) ta tuhl winiquetic cajajtic ta caballo, soc hich yipal soldadohetic te bin ut'il shi'al sti'il mar. Mohic talel soc la spasic scampamentohic ta Micmas, ta stojol banti ya xloc' tal c'ahc'al yu'un Bet-avén.