Apocalipsis 20:6 - Bible in Tzeltal Bachajón

⁶ Bayel yutsilic soc ch'uhltesbilic te mach'atic ya xcha'cuxajic ta primera buelta cha'cuxajel; ma ba ya xcuentahinotic yu'un te schebal buelta lajel, sacerdotehetic yu'un Dios soc yu'un Cristo ya xc'ohtic soc ya sjoquinic ta cuentahinwanej lajunwinic yoxbahc' (1,000) ha'bil.

Nuevo Testamento Tzeltal de Amatenango

⁶ Ben tsaꞌam slekilik te machꞌatik ay ta skuentaik te primero chaꞌkuxele, yuꞌun jaꞌik te yuꞌunik Dios stukelike. Te xchaꞌmelal lajele ma tut ya xꞌutotikix yuꞌun a. Sino ke jaꞌix saserdoteetik yuꞌun a te Diose y sok te Cristoe, y ya me sjoyinik ta ajwalil jmil jaꞌbil te Cristoe.

Bible in Tzeltal de Oxchuc y Tenejapa

⁶ Bin nax me yutsil te mach'atic cha'cuxic ta sbabial buelta cha'cuxele, soc ja'ic te ch'ul lum yu'un Dios stuquelique. Te xchebal buelta lajele ma'yuquix yip ta stojolic. Sacerdoteetic yu'un Dios soc te Cristoe, soc ya me sjoinic ta ajwalil jmil (1,000) ja'wil te Cristoe.

Apocalipsis 20:6 ပူးပေါင်းရင်းမြစ်များ

Isaías 4:3

Te mach'atic cuxul ya xhilic ta Sión, te mach'atic hilemic ta Jerusalén, ch'uhltesbilic, xchi sbihilic ya xc'oht, spisil te mach'atic ts'ihbabil hilel sbihilic ta yohlil te mach'atic cuxulic ta Jerusalén,

Isaías 61:6

Ha'ex sacerdotehex yu'un Jehová ya xc'oht abihilic, j'a'teletic yu'un te Dios cu'untic ya xc'oht te abihilique. Ya me awe'beyic te sc'ulejal te nacionetic, soc ya me xtohy ac'oblalic yu'un te yutsilalique.

Daniel 12:12

Bayel me yutsil te mach'a ya smahliy soc te ya xc'ax yu'un ho'lajuneb shucwinic schanbahc' (1,335) c'ahc'al.

San Lucas 14:15

C'alal hich la ya'iy te jtuhl mach'a pajal ay ta mesa soc, hich la yal: ¡Bayel me yutsil te mach'a ya swe' pan te banti ay te cuentahinel yu'un Dios! xchi.

Romanos 12:1

Ha yu'un, quermanotac, ya calbeyex wocol ta scuenta te sc'uxul yo'tan Dios te yacuc awac' abaq'uetalic scuenta cuxul chic'bil mahtanil, te ch'ultesbil soc te lec yo'tan Dios yu'un, te hich ya sc'an ch'uhuntayel awu'unic te Diose.

Romanos 8:17

Teme al-nich'anilotic, ya x'ac'ot quich'tic te bin ay yu'un Dios soc pajal ya quich'tic soc Cristo, teme pajal ya xc'ax jwocoltic soc, scuenta yu'un pajal ya quich' cutsilaltic soc.

2 Timoteo 2:12

teme ya xc'ax jwocoltic, ha nix hich pajal ya x'ochotic ta cuentahinwanej soc. Teme ya jmuc ta co'tantic, ha nix hich ya smucotic ta yo'tan;

1 Pedro 2:5

Ha nix hichex, te bin ut'il cuxul tonex, ac'a abahic ta pasel ta na scuenta espíritu soc ta ch'ultesbil sacerdotehil, scuenta yu'un yac awaq'uic mahtaniletic scuenta espíritu te ich'bilic ta cuenta yu'un Dios ta scuenta te Jesucristo.

1 Pedro 2:9

Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.

Apocalipsis 1:6

soc te la yac'otic ta ajwalil soc ta sacerdotehil ta stojol Dios te State. Hichuc.

Apocalipsis 14:13

La jca'iy ay mach'a c'opoj tal ta ch'ulchan te hich la yalbon: Ts'ihbaya: Bayel me yutsilic te mach'atic ayic ta stojol Cajwaltic a te ya xway sbaq'uetalic li' bahele, xchi. Melel, xchi te Espíritu, ya me scux yo'tanic yu'un te ya'telic, como ya xt'unotic yu'un te ya'telique, xchi.

Apocalipsis 2:11

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ma ba ya ya'iybe sc'uxul te schebal buelta lajel, xchi.

Apocalipsis 20:14

Te lajel soc te stsobojibal mach'atic chamenic ch'ojotic ochel ta banti yac ta tihlel pamal c'ahc'. Ha schebal buelta lajel abi.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Apocalipsis 22:5

Mayuquix ahc'abal; ma xtuhun yu'unic tsumbil c'ahc' o te sc'ahc'alel te c'ahc'al, como te Cajwaltic Dios ya me sacubtes q'uinal ta stojolic, soc ya me ya'iyic cuentahinwanej ta sbahtel q'uinal.

Apocalipsis 22:7

¡Ilawil, nopol ya xtalon! Bayel me yutsil te mach'a ya scanantay te sc'op-jalwanej te ay ta libro ini, xchi te Jesús.

Apocalipsis 3:21

Te mach'a ya ya'iy tsalaw, ya cac' sjoquinon ta huclej ta jmuc'ul-huctajib, hich te bin ut'il la jca'iy tsalaw soc la joquin ta huclej ta smuc'ul-huctajib te Jtate.

Apocalipsis 5:10

La awa'beyix ya'telic ta ajwalil soc ta sacerdotehil ta stojol te Dios cu'untic, ya me ya'iyic cuentahinwanej ta bahlumilal, xchihic ta c'ayoj.