4 La jquil muc'ul-huctajibaletic, soc huculic tey a te mach'atic a'bot ya'telic ta chahpanwanej. Soc la jquilbe sch'uhlelic te mach'atic xot'bot sjolic ta scaj te testigo-c'op yu'un Jesús soc ta scaj te sc'op Dios, ha te mach'atic ma ba la sch'uhuntayic te chambahlam te xiweltic sba o te sloc'ombahil, soc ma ba la yich'beyic smarca ta sti'bahic o ta sc'abic; la yich'ic scuxlejalic soc la sjoquinic Cristo ta cuentahinwanej lajunwinic yoxbahc' (1,000) ha'bil.
4 La kil mukꞌul naktajibaletik, y te machꞌatik nakajtik teꞌ ae, jaꞌ te machꞌatik yichꞌoj yaꞌtelik ta chapawe. Sok la kil xan te xchꞌulelik te machꞌatik te setꞌalanbot sjol yuꞌun te jun yoꞌtanik a yalik ta jamal te skꞌoplal Jesuse y sok te skꞌop Diose. Te stukelike maꞌyuk a yichꞌik ta mukꞌ te chanbalam te xiꞌbentik sbae ni te slokꞌole. Ni maꞌ skꞌan a yichꞌbeyik te smarka ta stiꞌsbaike o ta skꞌabike. Y la kil te chꞌakuxik xane, y la sjoyinik ta ajwalil jmil jaꞌbil te Cristoe.
4 Soc la quil te ay muc'ul nactijibaletique. Te mach'atic nacalic tey ae, yich'oj yat'elic ta chajbanwanej. Soc la quilbey xch'ulelic te mach'atic la yich'ic coq'uel sjolic ta scaj te la yalic ta jamal ta testigo-c'op te Jesuse, soc ma'yuc banti la slajin sbaic ta stojol te muc'ul chambalam te xi'bantic sbae soc ta stojol te sloc'ombae, soc ma la xch'uunic yich'el smarca ta stibaic o ta sc'abic. La quil cha'cuxic spisilic soc la quil te sjoinejic ta ajwalil jmil (1,000) ja'wil te Cristoe.
Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,
ha to c'alal tal te jtuhl Mamal, la schahpan ta stojil te mach'atic ch'uhltesbilic yu'un te Mach'a mero toyol ay, soc c'oht yorahil te mach'atic ch'uhltesbilic la yu'untayic te ban c'alal ay ta cuentahinel.
Soc te cuentahinel, te yip soc te yutsilal spisil ta chahp ban c'alal ayic ta cuentahinel ta ye'tal ch'ulchan ya x'a'bot te mach'atic ch'uhltesbilic te ha yu'unic te Mach'a mero toyol ay. Sbahtel q'uinal ay te cuentahinel yu'unic, soc spisil te ajwaliletic ya me yac' sbahic ta a'batinel yu'unic soc ya me sch'uhumbeyic smandar.
Yacon ta yilel a, la yich' chahpanel huctajibaletic, la shuhcan sba jtuhl Mamal. Te sc'u' hich sacal te bin ut'il me'sic, te stsotsel sjol sac hich te bin ut'il stsotsel tuminchij. Yat c'ahc' te shuctajib, soc te ruedahetic ha c'ahc' te yac ta tihlel,
Halbotic yu'un te Jesús: Jamal ya calbeyex, te c'alal ya yich' ach'ubtesel spisil, te c'alal ya xhuhcaj te Nich'anil ay ta scuenta winic ta smuc'ul-huctajib yu'un te yutsilal, ha'ex te at'unojonic ya me xhuhcajex ta lahchayeb (12) huctajibaletic yu'un yac achahpanic te lahchaychahp (12) sts'umbal Israel.
Ha ya xnahilij bahel ta stojol Dios ta scuenta te espíritu soc te yip te Elías, yu'un ya yac' suhtuc yo'tanic te me'iltatiletic ta stojol te yal-snich'anic, soc te jc'axun-c'opetic ta stojol te p'ijil-o'tanil yu'un te mach'atic toj yo'tanic, scuenta yu'un ya schahpambe te Cajwaltic jun pueblo te chapale, xchi sc'oblal.
hich me bayel awutsil ya xc'ohat, como ma xhu' yu'unic sjeltayel stuquel; pero ya me x'a'botat sjelol te c'alal ya sta yorahil ya xcha'cuxajic te mach'atic toj yo'tanique, xchi sc'oblal.
scuenta yu'un ya xwe' x'uch'ex ta mesa cu'un ta banti ayon ta cuentahinwanej soc ya xhuhcajex ta muc'ul huctajibaletic ta schahpanel te lahchaychahp yu'un Israel, xchi.
Jts'ihn xanix ya sc'an ya xch'ayon ta sit te mach'atic ayic ta bahlumilal, pero te ha'exe, ya me awilonic. Te bin ut'il cuxulon, ha nix hich ya xcuxajex.
como teme ta scuenta te ihquitaybilic hilel te hich junax yo'tanic soc Dios c'oht te bahlumilal, ¿bin yilel ya xc'oht te c'alal ya xcha'ic'otic xan te Israel? ha me cuxlejal ya xc'oht ta yohlil mach'atic chamenic.
Teme al-nich'anilotic, ya x'ac'ot quich'tic te bin ay yu'un Dios soc pajal ya quich'tic soc Cristo, teme pajal ya xc'ax jwocoltic soc, scuenta yu'un pajal ya quich' cutsilaltic soc.
Ho'on te Juan, awermanohon soc jmohlol jbahtic ta wocol, ta cuentahinel yu'un Dios soc te jun co'tantic yacotic ta smahliyel ta scuenta Jesús; ayon ta Patmos sbihil te tut q'uinal ay ta yohlil mar, ta scaj te sc'op Dios soc te testigo-c'op yu'un te Jesucristo.
Pero ta ohlil schanebal c'ahc'al slajelic a, a'bot xan yich'ic ic' scuenta cuxlejal te talem ta stojol Dios, hich la stehc'an hahchel sbahic, soc tojic xiwel yu'un te mach'atic la yilique.
Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.
Te c'alal ya xlaj yo'tanic ta yalel te testigo-c'op yu'unic, te chambahlam te xiweltic sba te ya xmo tal ta xahab ya me ya'be guerra, ya stsal soc ya smilticlan.
Ha'ic la stsalic ta scuenta sch'ich'el te Jcolel Tuminchij soc ta scuenta te testigo-c'op la yalique. La sloq'ues sbahic ta yo'tanic, ma ba la xi'ic lajel.
Sbahtel q'uinal xtomomet ya xmo sch'ahilel te swocolique. Ma ba ya scux yo'tanic c'ahc'al ahc'abal te mach'atic ya sch'uhuntayic te chambahlam te xiweltic sba soc te sloc'ombahil, soc te ya yich'be te marca yu'un te sbihile, xchi.
Soc la jquil jun mar sjel ta cristal capal soc c'ahc', soc tec'ajtic ta ti'mar te sjel ta cristal te mach'atic hu'em yu'unic stsalel te chambahlam te xiweltic sba soc te sloc'ombahil soc te snumerohil te sbihile. Yich'ojic arpahetic te a'botic yu'un Dios
Te chambahlam te xiweltic sba la awile, ay ta namey, ma ba ay ta ora ini, ya to xloc' tal ta xahab soc ya xbaht ta ch'ayel. Te mach'atic nahinemic ta bahlumilal te ma ba ts'ihbabil sbihilic ta libro scuenta cuxlejal ta shahchel to tal bahlumilal, xcham yo'tanic yu'un te c'alal ya yilic te chambahlam te xiweltic sba te ay ta namey, ma ba ay ta ora ini, soc te ya to xchicnaje.
Bayel yutsilic soc ch'uhltesbilic te mach'atic ya xcha'cuxajic ta primera buelta cha'cuxajel; ma ba ya xcuentahinotic yu'un te schebal buelta lajel, sacerdotehetic yu'un Dios soc yu'un Cristo ya xc'ohtic soc ya sjoquinic ta cuentahinwanej lajunwinic yoxbahc' (1,000) ha'bil.
Mayuquix ahc'abal; ma xtuhun yu'unic tsumbil c'ahc' o te sc'ahc'alel te c'ahc'al, como te Cajwaltic Dios ya me sacubtes q'uinal ta stojolic, soc ya me ya'iyic cuentahinwanej ta sbahtel q'uinal.
Te mach'a ya ya'iy tsalaw, ya cac' sjoquinon ta huclej ta jmuc'ul-huctajib, hich te bin ut'il la jca'iy tsalaw soc la joquin ta huclej ta smuc'ul-huctajib te Jtate.
Ta sjoyobal te muc'ul-huctajibal ay chaneb scha'winic (24) muc'ul huctajibaletic soc ay chaneb scha'winic (24) ta tuhl mamaletic huhcajtic tey a, slapojic sac sc'u' spaq'uic soc ay ta sjolic coronahetic pasbilic ta oro.
C'alal la sjam te yo'ebal sello, la jquil ayic ta ye'tal te scajtajib ta chiq'uel mahtanil te sch'uhlelic mach'atic la yich'ic milel ta scuenta te sc'op Dios soc te testigo-c'op la yalique.
hich la yal: Ma to me xajinic te q'uinal, te mar o te te'etic ha to teme la jcac'ticlambecotic sello ta sti'bahic te a'batetic yu'un te Dios cu'untique, xchi.