Apocalipsis 2:5 - Bible in Tzeltal Bachajón

⁵ Na'a te banti yahlemat, suhtesa awo'tan soc pasa te bin nahil la apase. Teme ma ba yac asuhtes awo'tan, ya me xtalon ta ban ayat soc ya me jpojbat te yawil c'ahc' awu'un ta yawil.

Nuevo Testamento Tzeltal de Amatenango

⁵ Jaꞌ yuꞌun, naꞌame te ba ay te chꞌayemate. Sujtesa awoꞌtan ta stojol Dios, y pasa me xan jich tutꞌil te la apas ta nail toe. Teme maꞌuke, ya xtalon ta ora ta atojol y ya jpojbeyat te yawil akꞌajkꞌ te ba ay awuꞌune, teme max asujtes awoꞌtan ta stojol Diose.

Bible in Tzeltal de Oxchuc y Tenejapa

⁵ Juluc me ta awo'tan te banti ch'ayemate. Sujt'esa me awo'tan yu'un. Pasa me xan te bit'il nix ay awat'el ta neelal toe. Teme ma xapase, ya me xtalon ta ora ta atojol, ya me jloq'uesbat te xtuchtijib c'ajc' awu'un ta ba ay te yawile, teme ma ba ya asujt'es awo'tane.

Apocalipsis 2:5 ပူးပေါင်းရင်းမြစ်များ

Isaías 1:26

Ya cac' te hich ya xc'oht te juecetic awu'un te bin ut'il ta nahil to, soc te j'ac'-o'taniletic awu'unic hich te bin ut'il ta shahchibal; ta patil hich ya x'a'botat abihilin: Pueblo yu'un tojil-o'tanil, Pueblo te jun yo'tan ta jtojol.

Isaías 14:12

¡Ilawil bin ut'il ch'ayat cohel tal ta ch'ulchan, ha'at te sacubel ec', yal-snich'anat sacubel q'uinal! La awich' ch'ojel cohel tal ta lumq'uinal, ha'at te la alajimbe yip te nacionetique.

Ezequiel 20:43

Tey yac ana'ic a te behetic awu'unic soc spisil bintic la apasic te la abohlobtes abahic a; ya me ap'aj abahic ta scaj spisil amulic te la apasique.

Ezequiel 36:31

Hich yac ana'ic a te achopol talelic soc te awa'telic te ma lecuc, soc ha'ex nix ya xq'uexawex yu'un te amulic soc te bintic ilobtic sba awu'unique.

Oseas 14:1

¡Israel, suhtan tal ta stojol Jehová te Dios awu'un, como ta scaj amul te yahlate!

Oseas 9:10

Hich la jta Israel te bin ut'il mach'a ya sta ts'usub ta jochol taq'uin q'uinal. C'alal la jquil te ame'atatic hich c'ohemic te bin ut'il sahbal sit higuera te nahil sitin. Pero c'alal c'ohtic ta Baal-Peor la sch'ultes sbahic ta stojol te bin q'uexlaltic sba, hich ihlaybil c'ohtic te bin ut'il te diosetic te c'ux ta yo'tanique.

Malaquías 3:4

Hich lec yo'tan Jehová yu'un te mahtanil yu'un Judá soc yu'un Jerusalén, hich te bin ut'il ta nahil to, hich te bin ut'il ta namey.

Malaquías 4:6

Ha ya yac' suhtuc yo'tanic te tatiletic ta stojol te snich'nabic, soc te yo'tanic te yal-snich'nabic ta stojol te tatiletique, teme ma'uque, ya xtalon soc ya ca'be castigo te q'uinale, xchi te Jehová.

San Mateo 5:14

Ha'ex sacal q'uinalex ta bahlumilal. Ma xhu' ta naq'uel te pueblo ay ta ba wits.

San Mateo 5:15

Soc ma ba ya yich' stsunel c'ahc' te ya yich' nujel ta moch; ha ya yich' cajanel ta scajtajib, hich ya sacubtesbe q'uinal a ta spisil te mach'atic ayic ta na.

San Marcos 12:9

¿Bin ya spas yu'un te yajwal te ts'usubiltic? Ya me xtal smil te j'a'teletic soc ya ya'be yantic te sts'usubile.

San Lucas 1:17

Ha ya xnahilij bahel ta stojol Dios ta scuenta te espíritu soc te yip te Elías, yu'un ya yac' suhtuc yo'tanic te me'iltatiletic ta stojol te yal-snich'anic, soc te jc'axun-c'opetic ta stojol te p'ijil-o'tanil yu'un te mach'atic toj yo'tanic, scuenta yu'un ya schahpambe te Cajwaltic jun pueblo te chapale, xchi sc'oblal.

San Lucas 20:16

Ya me xtal smil te j'a'teletic, yantic mach'a ya ya'be scuentahin te sts'usubile, xchi te Jesús. C'alal hich la ya'iyic: ¡Dios ac'a te ma hichuc ya xc'oht ta pasel! xchihic yu'un.

Gálatas 5:4

Te jayebex te yac acuyic te ha toj ya xc'ohex ta scuenta te Ley, la aloq'ues abahic ta stojol te Cristo; yahlemex ta stojol te yutsil-o'tanil.

Filipenses 2:15

scuenta yu'un mayuc bin ya sutotex ta c'op yu'un soc mayuc amulic, ha yal-snich'anex Dios te mayuc awa'baquil te ayex ta yohlil te caj ts'umbalil ini te chopol soc bohl, te hich ya xtihlex ta bahlumilal te bin ut'il eq'uetic ta yohlilic,

Hebreos 10:32

Pero na'ahic me te bin c'oht ta atojolic ta nahil to, te c'alal ochemexix ta sacal q'uinal a, te cuhch awu'unic awocol ta tsaltamba;

2 Pedro 3:17

Ha yu'un, quermanotac te c'uxex ta co'tan, te bin ut'il hich ana'ojic ta nahilal, canantaya abahic scuenta yu'un ma ba ya snitex bahel te showilc'opic te mach'atic ya spasic biluc ya sc'anic, te hich ya xyahlat cohel ta banti jun awo'tan ach'uhunejique.

Judas 1:24

Te Dios te ya xhu' ya scanantayex yu'un ma ba xyahlex soc te ya xhu' yu'un te mayuc awabaquil a ya stehc'anex ta stojol te yutsilal soc bayel yutsil-o'tanil,

Apocalipsis 1:20

Hich ay te bin muquen sc'oblal te huqueb eq'uetic la awil ta jwa'el-c'ab soc te huqueb yawil c'ahc' pasticlambil ta oro: Te huqueb eq'uetic ha te huctuhl ch'ul a'batetic yu'un te huqueb iglesiahetic, soc te huqueb yawil c'ahc' ha te huqueb iglesiahetic, xchi.

Apocalipsis 16:9

Hich chic'otic yu'un te tulan sc'ahc'al, hahch sbohlc'optaybeyic sbihil te Dios te scuentahinej te wocoletic ini, ma ba la suhtes yo'tanic yu'un soc ma ba la yalbeyic yutsil sc'oblal.

Apocalipsis 2:16

Ha yu'un, suhtesa awo'tan, teme ma'uque, ya xtalon ta ora ta banti ayat, ya ca'be guerra ta espada te ya xloc' ta que.

Apocalipsis 2:19

Ya jna' bin yilel awa'tel, te sc'uxul awo'tan, sch'uhunel awo'tan, te yac awac' aba ta a'batinel, te slamalil awo'tan, soc te c'ax hich awa'tel a te bin ut'il ta shahchibal.

Apocalipsis 2:2

Ya jna' bin yilel awa'tel, te tulan ayat ta a'tel soc te ya xcuhch awu'un; soc ya jna' te ma xcuhch awu'un te mach'atic chopolic, te atsajoj te mach'atic ya scuy sbahic ta jpuc-c'opetic pero ma ha'uc, soc la atsaquix ta slotic.

Apocalipsis 3:19

Ya jtsits soc ya ca'be castigo scuenta tojobtesel spisil mach'atic c'ux ta co'tan; ha yu'un pasa tulan, suhtesa awo'tan.