Apocalipsis 2:3 - Bible in Tzeltal Bachajón

³ C'axem awocol soc cuhchem awu'un, tulan a'tejemat ta scuenta jbihil, soc ma ba luhbenat.

Nuevo Testamento Tzeltal de Amatenango

³ Tsꞌijkem awuꞌun te awokole, y bayal kꞌaxem awokol ta jkaj, pero ma xlubat.

Bible in Tzeltal de Oxchuc y Tenejapa

³ C'axemix te awocole soc ts'ijq'uem awu'un, tulan at'ejemat ta jwenta, ma ba comen awo'tan.

Apocalipsis 2:3 ပူးပေါင်းရင်းမြစ်များ

Salmos 37:7

Ch'aban me ta stojol Jehová soc junuc me awo'tan xamahliy. Ma me x'ilinat yu'un te mach'a ay bin lec ya xc'oht ta loq'uel yu'un, te mach'a ya spas te bin chopole.

Salmos 69:7

Ha'at ta acuenta te c'ax jwocol ta ixta'c'optayel, macbil quelaw ta q'uexlal.

Miqueas 7:9

Ya xcuhch cu'un te yilimba te Jehová, como jtahoj jmul ta stojol, ha to c'alal ya xchahpanon soc ya spas te bin stojil ta jtojol. Ha ya yic'on bahel ta sacal q'uinal, ya me quil te bin stojil ya spas.

San Marcos 15:21

Yac ta c'axel jtuhl winic, Simón te talem ta Cirene, ha stat te Alejandro soc Rufo, yac ta ochel tal ta yan lugar, ha la sujic ta yich'el bahel te cruz.

San Lucas 14:27

Soc te mach'a ma ba ya sq'uech te cruz yu'un soc ya st'unon, ma xhu' ya x'och ta jnopojel cu'un.

San Lucas 18:1

Te Jesús la yalbe ya'iyic sloc'ombahil c'op sc'oblal te ya sc'an ya sc'oponic Dios spisil ora soc te manchuc ya xpehc'aj yo'tanic,

San Lucas 21:19

Ta scuenta bin ut'il ya xcuhch awu'unic, hich ya xcol ach'uhlelic yu'un.

San Lucas 5:5

La sjac' te Simón: Maestro, sjunalix ahc'abal a'tejotcotic, mayuc chay la jtsaccotic. Pero te bin ut'il ha'at hich la awal, ya cotses te jtsaco-chaye, xchi.

San Lucas 8:15

Yan te c'oht ta lequil lum, ha sc'oblal te mach'atic lec soc toj yo'tanic te ya sq'uej ta yo'tanic soc spisil ora ya yaq'uic sit.

San Juan 15:21

Pero ya me spasbeyex spisil ini ta scaj te jbihile, como ma sna'beyic sba te mach'a la sticonon tale.

Romanos 12:12

Tse'eluc awo'tanic ta smahliyel, cuhchuc me awu'unic wocol, ma me xquehchajex ta sc'oponel Dios.

Romanos 16:12

Halbon xcoltanuc te Trifena soc te Trifosa, te yacalic ta a'tel ta stojol te Cajwaltique. Halbon xcoltanuc te Pérsida te c'ux ta co'tan, te bayel a'tejem ta stojol te Cajwaltique.

Romanos 2:7

ya x'a'bot scuxlejalic scuenta sbahtel q'uinal te mach'atic yo'tantayejic spasel bintic lec ta pasel yu'un yac slehbelic yutsilalic soc yich'elic ta muc' soc te ma xlajique;

Romanos 8:25

Pero teme ya jmahliytic te bin ma ba quilojtic, jun co'tantic ya jmahliytic.

1 Corintios 13:7

Spisil wocol ya xc'ax yu'un, spisil ya sch'uhun, spisil ya smahliy, spisil ya xcuhch yu'un.

1 Corintios 16:16

Ya calbeyex wocol te yacuc awac' abahic ta cuentahinel yu'un te mach'a hich yac spasbelic, soc spisil mach'atic ya xcoltaywanic soc ya x'a'tejic.

2 Corintios 10:15

Soc ma ba ya xjelawotcotic ta stoyel jc'oblalcotic yu'un ya'tel yantic. Te bin yacotcotic ta smahliyel, ha te behbe ya yich' xan yip te sch'uhunel awo'tanic, hich ya xmuc'ub ca'telcotic ta awohlilic te ban c'alal p'isbil te ya x'a'tejotcotique.

2 Corintios 11:23

¿A'batetic bal yu'un Cristo? C'ax hichon a. (Sjel ta sohquem jol te bin ut'il hich ya xc'opojon.) C'ax hich a'tejemon a, c'ax hich quich'oj chuquel a, ma ahtaybaj quich'oj majel, c'ax bayel buelta c'an lajucon.

2 Corintios 4:1

Ha yu'un te bin ut'il quich'ojcotic te a'tel ini ta scuenta te sc'uxul yo'tan Dios, ma xpehc'aj co'tancotic.

2 Corintios 4:16

Ha yu'un ma ba ya xlaj yip co'tantic; aunque behbe yac ta lajel yip te jbaq'uetaltic, jujun c'ahc'al behbe yich'bel yip te co'tantic,

2 Corintios 5:9

Ha yu'un ya co'tantaytic te lecuc yo'tan cu'untic, chican teme quich'ojtic to te jbaq'uetaltic o teme ma ba quich'ojtiquix a,

2 Corintios 6:5

c'alal ayotcotic ta majel, ta chuquel, ta tenel ta c'op, ta tulan a'tel, ta yahwayel, ta wi'nal;

Gálatas 6:2

Talel c'axel me xacoltay abahic ta scuchel awocolic, hich yac ac'ohtesic ta pasel a te ley yu'un Cristo.

Gálatas 6:9

Ha yu'un ma me xluhbotic ta spasel te bin lec ta pasele, como ya me sta yorahil te ya jtsobetic sit, teme ma ba ya xpehc'aj co'tantique.

Filipenses 2:16

te c'alal yac atoybe sc'oblal te c'op scuenta cuxlejal; scuenta yu'un ta sc'ahc'alel Cristo ya xhu' ya jtoy jba yu'un te ma tojoluc ahnimajon soc ma tojoluc a'tejon.

Filipenses 4:3

Ha nix hich ya calbat wocol, ha'at te jmohlol jbahtic te jun awo'tan, te yacuc acoltaybon te cheb antsetic ini, ha'ic te la sjoquinlanonic ta a'tel ta scuenta te lec yach'il c'op, soc nix te Clemente soc te yantic jmohloltac ta a'tel te ay sbihilic ta libro yu'un cuxlejal.

Colosenses 1:11

Behbehuc ac'a yich' yip awo'tanic ta scuenta spisil yu'el, ha chican bin ut'il ay te yu'el te ay yutsilal, scuenta yu'un ay yip awo'tanic te ya xcuhch awu'unic spisil,

1 Tesalonicenses 1:3

Spisil ora ya jna'excotic ta stojol te Jtatic Dios yu'un te awa'telic yac apasic ta scuenta sch'uhunel awo'tanic, te awa'telic ta scuenta sc'uxul awo'tanic, soc te ay yip awo'tanic ta smahliyel te Cajwaltic Jesucristo.

1 Tesalonicenses 2:9

Ana'ojic, quermanotac, te luhbotcotic ta a'tel; bin ut'il a'tejotcotic c'ahc'al ahc'abal scuenta yu'un mayuc mach'a ya ca'becotic swocol te c'alal la jcalbeyexcotic te lec yach'il c'op yu'un te Diose.

1 Tesalonicenses 5:12

Ya calbeyexcotic wocol, quermanotac, ich'ahic ta cuenta te mach'atic yacalic ta a'tel ta awohlilic, te ya scuentahinex ta scuenta Cajwaltic soc te ya stsitsexe.

2 Tesalonicenses 3:13

Te ha'ex, quermanotac, ma me xluhbex ta spasel te bin leque.

2 Tesalonicenses 3:5

Te Cajwaltic ac'a stojobtesbeyex bahel awo'tanic ta stojol te sc'uxul yo'tan Dios soc te slamalil yo'tan Cristo.

2 Tesalonicenses 3:8

mayuc mach'a hich nax la jc'ambecotic jwe'elcotic. Melel c'ahc'al ahc'abal ma ba la jcux co'tancotic, tulan a'tejotcotic scuenta yu'un mayuc mach'a la jca'becotic swocol.

1 Timoteo 4:10

Ha scuentahil te ya x'a'tejotic soc ya ca'betic yipal, como ha smuc'ulinej co'tantic te cuxul Dios, te ha Jcoltaywanej yu'un spisil ants-winiquetic, pero ha mero Jcoltaywanej yu'un te mach'atic ya sch'uhunique.

1 Timoteo 5:17

Te ancianohetic te lec ya xcuentahinwan, bayel ac'a yich' ich'el ta muc', ha mero hich ya sc'an ta stojol te mach'atic ya ya'telinic yalel sc'op Dios soc p'ijubteswanej,

Hebreos 10:36

Ya sc'an te ya xcuhch awu'unic, scuenta yu'un te c'alal apasojiquix te bin ya sc'an yo'tan te Dios, ya me awich'ic te bin yaloje.

Hebreos 12:1

Ha yu'un, te bin ut'il joytaybilotic yu'un tsobol ta tuhl testigohetic, ac'a quihquitaytic hilel spisil te bin ya smacotic soc te bin mulil ya sbech'otic, junuc co'tantic ac'a ahnumajucotic bahel te banti bahel yacotic,

Hebreos 13:13

Ha yu'un ac'a loc'ucotic bahel ta stahel ta sti'il te campamento, pajal ac'a cuhchuc cu'untic te p'ajel yu'une,

Hebreos 6:10

Ma yu'unuc te ma tojuc yo'tan te Dios, te ya sch'ay ta yo'tan te awa'telic soc te sc'uxul awo'tanic te la awaq'uic ta ilel ta scuenta sbihil, te bin ut'il la awac' abahic ta a'batinel ta stojol te mach'atic ch'uhltesbilic, soc te hich nix yaquex ta spasel c'alal ora.

Hebreos 6:12

scuenta yu'un ma ba ya xch'ajubex, ha yac anopbeyic yo'tan te mach'atic te ta scuenta sch'uhunel yo'tanic soc te jun yo'tanic yaquic ta mahlab, ya yich'ic te bintic yaloj ta jamal te Diose.

Hebreos 6:15

Te bin ut'il te Abraham jun yo'tan la smahliy, la sta te bin halbote.

2 Pedro 1:6

teme ay bintic ana'ojic, ya sc'an te yac ana' scomel abahic; teme la ana' scomel abahic, ya sc'an te ya xcuhch awu'unic; teme ya xcuhchix awu'unic, ya sc'an te lec yac ach'uhunic Dios;

Apocalipsis 1:9

Ho'on te Juan, awermanohon soc jmohlol jbahtic ta wocol, ta cuentahinel yu'un Dios soc te jun co'tantic yacotic ta smahliyel ta scuenta Jesús; ayon ta Patmos sbihil te tut q'uinal ay ta yohlil mar, ta scaj te sc'op Dios soc te testigo-c'op yu'un te Jesucristo.

Apocalipsis 3:10

Te bin ut'il acanantayej te jmandar te ya xcuhch awu'un te awocol, ha nix hichon ya jcanantayat ta yorahil tsajel te ya xtal ta stojol swohlol bahlumilal scuenta stsajelic te mach'atic nahinemic ta bahlumilal.