Apocalipsis 2:20 - Bible in Tzeltal Bachajón

²⁰ Pero ay bin ma lecuc co'tan awu'un: ha te mayuc bin yac awal yu'un te ants Jezabel, te scuyoj sba ta jalwanej-ants, te ya ya'be snopic soc ya smon te a'batetic cu'un te ya ya'iyic antsiwej soc te ya yac' sbahic ta antsinel, soc te ya swe'ic te we'elil a'bibil ta stojol loc'ombahetic.

Nuevo Testamento Tzeltal de Amatenango

²⁰ Pero ay tutiꞌ amulinej ta jtojol te maꞌyuk tut ya awalbey te ants Jezabele, te ya yal te jꞌalwanej yuꞌun Dios ta skꞌope, pero ya sloꞌlay te jꞌaꞌteletik kuꞌun yuꞌun te tut ya yakꞌ ta nopele. Sok te ya yakꞌtalanbe spas antsiwejel, y ta sweꞌel weꞌeliletik te milbil smajtanin te lotil diosetike.

Bible in Tzeltal de Oxchuc y Tenejapa

²⁰ Ja'uc me to, ay amul jtebuc ta jtojol, ja' te bit'il ma'yuc bi ya awalbey te ants te Jezabel sbiile, te j'alwanej yu'un Dios ta sc'ope, soc te ya yac'bey snopic te abatetic cu'un te ya spasic te mulweje soc te ya sti'ic te milbil smajt'an lotil diosetique.

Apocalipsis 2:20 ပူးပေါင်းရင်းမြစ်များ

1 Reyes 16:31

Ma tic'uc la ya'iy a te la st'un te muliletic yu'un te Jeroboam snich'an Nabat, ha nuhpun soc Jezabel yantsil-nich'an Et-baal ajwalil ta Sidón. Hich baht yac' sba ta a'batinel ta stojol Baal soc la sch'uhuntay.

1 Reyes 17:13

Hich halbot yu'un te Elías: Ma xiwat. Bahan, chahpana te bin la awalixe. Pero ha nahil pasbon jpehchuc tut pimil pan a te harina ay awu'un, ich'bon tal, patil yac apas te awu'un soc yu'un te awale.

1 Reyes 17:4

Tey yac awuch' ha' ta uc'um a, soc la jpasix ta mandar te jojetic te tey ya yich'bat bahel awe'el a, xchi.

2 Reyes 9:22

Te Joram c'alal la yil te Jehú, hich la yal: ¿Scuenta bal lamal q'uinal talat, Jehú? xchi. ¿Bin ut'il ay lamal q'uinal yu'un te bayel antsinel soc ilojel yu'un te anan Jezabel? xchi te Jehú.

2 Reyes 9:7

Ya me alajimbe mach'atic ay yu'un te awajwal Acab, yu'un ya jsutbe spacol a te sch'ich'el te jalwanejetic cu'un soc te sch'ich'el spisil te a'batetic yu'un Jehová te malbot ta scuenta sc'ab te Jezabel.

Éxodo 34:15

Ha yu'un ma me xachap ac'op soc te mach'atic nahinemic tey ta q'uinal, como te c'alal ya yantsin sbahic c'ohem soc te diosetic yu'unic soc te ya ya'beyic milbil smahtan, ya yic'at, soc yac awe' te milbil mahtaniletic ac'bilic yu'unic,

Ezequiel 13:17

Ha'at, snich'anat winic, ac'a asit awelaw ta scontrahinel te yantsil-nich'nab te pueblo awu'un te ya yalic sc'op-jalwanej ta stuquel-o'tanic.

Hechos 15:20

pero ya jts'ihbabetic te manchuc ya yac' sbahic a te bintic bohloben yu'un te loc'ombahetic, ma me xya'iyic antsiwej o ma me xyac' sbahic ta antsinel, ma me swe'ic chambahlametic te ts'otbil nax ta snuc', soc ma me swe'ic ch'ich';

Hechos 15:29

Ma me xawe'ic te bin a'bot scuenta milbil mahtanil yu'un loc'ombahetic, ma me xawe'ic ch'ich' o te bin ts'otbil nax ta snuc', soc ma me xawa'iyic antsiwej o ma me xawac' abahic ta antsinel. Teme hich yac ach'uhunic spasele, lec bin yac apasic, xchi te carta.

1 Corintios 10:28

Yan teme ay mach'a ya yalbeyex: Ha ini a'bot scuenta milbil mahtanil yu'un te loc'ombahetic, teme xchihe, ma me xawe'ic ta scaj te mach'a hich la yal soc scuenta yu'un ma ba ya x'och na'etel yu'un, como ha yu'un Cajwaltic te bahlumilal soc spisil bintic ay tey a.

Apocalipsis 2:14

Pero ay bintic ma lecuc co'tan awu'un: ay mach'atic sch'uhunejic te bin la yac' ta nopel Balaam, te la ya'be snop te Balac bin ut'il ya yac' c'ohchinojibal ta stojol te israeletic, ha te ya swe'ic te bin a'bibil ta milbil mahtanil ta stojol lotil diosetic soc te ya ya'iyic antsiwej.

Apocalipsis 2:4

Pero ay bin ma ba lec co'tan awu'un: ha te hilix awu'un te sc'uxul awo'tan te ay ta nahil to.