Apocalipsis 2:19 - Bible in Tzeltal Bachajón

¹⁹ Ya jna' bin yilel awa'tel, te sc'uxul awo'tan, sch'uhunel awo'tan, te yac awac' aba ta a'batinel, te slamalil awo'tan, soc te c'ax hich awa'tel a te bin ut'il ta shahchibal.

Nuevo Testamento Tzeltal de Amatenango

¹⁹ “Kiloj spisil te tut ya apase. Jnaꞌoj te xkꞌuxul awoꞌtane, y te xchꞌuunel awoꞌtane, sok te awakꞌoj aba ta abatinele, y sok te kujchem awuꞌun te awokole. Y kiloj te ora to yipalat ta spasel ta mas ke te nail toe.

Bible in Tzeltal de Oxchuc y Tenejapa

¹⁹ Jo'on quilojbat te awat'ele, te ay xc'uxul awo'tane, te ay xch'uunjel awo'tane, te awac'oj aba ta abatinele, soc te ts'ijq'uem awu'un te awocole, soc te c'ax jich yacatix ta at'el ta ora to te bit'il at'ejat ta neelal toe.

Apocalipsis 2:19 ပူးပေါင်းရင်းမြစ်များ

Job 17:9

Pero te mach'a toj yo'tan ya to st'un te be yu'un, soc te mach'a mayuc smul te sc'ab ya me sta xan yip.

Salmos 92:14

Ya to sitin aunque mamalix, ay me yipic soc stalel yaxic,

Proverbios 4:18

Te be yu'un te mach'atic toj yo'tanic hich ay te bin ut'il ya xhahch ta sacubel te q'uinal, te behbe ya sacub ha to c'alal ts'acal sacubix te q'uinale.

San Lucas 1:23

C'alal ts'acay yu'un te jayeb c'ahc'al ay ta a'tel ta Templo, suht bahel ta sna.

San Juan 15:2

Spisil sc'ab te ay ta jtojol te ma ba ya yac' sit, ya set' loq'uel; spisil te ya yac'ticlan sit, ya spasticlan ta lec scuenta yu'un c'ax to xan hich ya sitin a.

Colosenses 3:14

Ta sba spisil ini, lapahic te c'uxul-o'tanil, te ha ya xchuc spisil te jun ya xc'ohtic ta mero smelelil.

1 Tesalonicenses 3:6

Pero te c'alal suht talel te Timoteo te c'oht yilex, hul yal ca'iycotic lec sc'oblal te sch'uhunel awo'tanic soc te sc'uxul awo'tanic, soc te spisil ora bayel yutsil awo'tanic yac ana'belotcotic, te awo'tanicuc yac awilotcotic, hich te bin ut'il co'tanuc ya quilexcotique.

2 Tesalonicenses 1:3

Ya sc'an te spisil ora ya calbecotic wocol Dios ta acuentahic, quermanotac, como hich ya sc'an pasel, como behbe muc'ubel te sch'uhunel awo'tanique, soc te sc'uxul awo'tanic yac ta p'ohlel ta stojol yantic.

1 Timoteo 1:5

Te bin scuentahil te mandar ini ha te c'uxul-o'tanil te hahchem tal ta o'tanil te mayuc yabacul, ta o'tanil te mayuc bin ya yal yu'un, soc ta sch'uhunel-o'tanil te melel ay.

1 Pedro 4:8

Ha tulan sc'oblal te talel c'axel c'ux xawa'iy abahic ta mero melel, como te c'uxul-o'tanil ya stup'be sc'oblal bayel muliletic.

2 Pedro 1:7

teme la ach'uhunic ta lec, ya sc'an te jun awo'tanic soc awermanotac; teme jun awo'tanic soc awermanotac, ya sc'an te ay sc'uxul awo'tanic.

2 Pedro 3:18

Behbehuc me muc'ubel te yutsil-o'tanil soc ta sna'beyel xan sba te Cajwaltic Jesucristo, te Jcoltaywanej cu'untique. Ac'a yich' halbeyel yutsil sc'oblal ta ora ini soc ta sbahtel q'uinal. Hichuc.

Apocalipsis 2:13

Ya jna' banti nahinemat, ta banti ay te shuctajib te Satanás. Pero stalel jun awo'tan ta jtojol, ma ba amucoj ta awo'tan te ach'uhunejon, ni ha'uc te c'alal laj ta awohlilic te Antipas te testigo cu'un te jun yo'tan ta jtojol, tey ta banti nahinem te Satanás.

Apocalipsis 2:9

Ya jna' bin yilel awa'tel, ya jna' te awocol, soc te pobre ayat (aunque c'uhlejat); ya jna' bin ut'il ayat ta labanel yu'un te mach'atic judíohetic ta sc'opic pero ma ha'uquic, ha sinagoga yu'un Satanás.