Apocalipsis 2:18 - Bible in Tzeltal Bachajón

¹⁸ Ts'ihbabeya te ch'ul a'bat yu'un te iglesia ta Tiatira: Hich ya yal te Snich'an Dios, te sjel ta yat c'ahc' te sit soc hich yilel yoc te bin ut'il xlipet huxbil bronce:

Nuevo Testamento Tzeltal de Amatenango

¹⁸ Sok la yalbon: —Tsꞌibabeya xan ta sjun te ángel te ba ay jtijkꞌ hermanoetik te aylan ta Tiatirae: “Jaꞌ to jich ya yal te Xnichꞌan Diose, te jich ya xtil, te site jachik tutꞌil kꞌajkꞌ te xlaplune, y te yoke jachik tutꞌil bronse-takꞌin te xlemete.

Bible in Tzeltal de Oxchuc y Tenejapa

¹⁸ Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Tiatira: Te Snich'an Diose, te jich yac ta tilel sit te bit'il yat c'ajq'ue soc te xlememet nax yacan jich te bit'il xlememet nax te bronce, jich la yal:

Apocalipsis 2:18 ပူးပေါင်းရင်းမြစ်များ

Salmos 2:7

Ya jpuc ta halel te bin yaloj ta mandar te Jehová: hich la yalbon: Ha'at jnich'anat; nax to nax ayinat cu'un.

Daniel 10:6

Te sbaq'uetal hich te bin ut'il yaxcancan ton, te sit yelaw hich yilel te bin ut'il tsantsehwal, te sit hich yilel te bin ut'il tsumbil c'ahc', te sc'ab soc te yoc hich yilel te bin ut'il ch'ulbil bronce, soc te sc'op pajal soc sc'op tsobol ants-winiquetic.

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

San Mateo 27:54

Te capitán-soldado soc te mach'atic sjoquinejic ta scanantayel te Jesús, c'alal la yilic te nihquel soc te bin c'oht ta pasel, bayel xiw yo'tanic yu'un, hich la yalic: ¡Ta mero melel ha Snich'an Dios ini! xchihic.

San Mateo 3:17

Ay c'op chicnaj ta ch'ulchan te hich la yal: Ha Jnich'an ini te c'ux ta co'tan, te bayel yutsil co'tan ta stojol, xchi.

San Lucas 1:35

La sjac' te ch'ul a'bat: Ya me xhul ta atojol te Ch'ul Espíritu, ya spotsat ta yaxinal yu'el te Mach'a ay ta toyol; ha yu'un te Ch'ul Alal te ya x'ayine, Snich'an Dios sbihil ya xc'oht.

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

San Juan 1:49

La sjac' te Natanael: ¡Rabí, ha'at te Snich'anat Dios! ¡Ha'at Ajwalilat yu'un Israel! xchi.

San Juan 10:36

¿ha xan te mach'a tsahbil yu'un Dios soc te ticombil tal ta bahlumilal yu'un, te ha'ex yac awalic: Yac abohlc'optaybel Dios, xchihex, ta scaj te la jcal: Ha Snich'anon te Diose, te xchihone?

San Juan 3:16

Como hich c'ux ta yo'tan Dios te bahlumilal te la sticon tal te hip jtuhl Snich'an, scuenta yu'un spisil te mach'atic ya sch'uhunic ma ba ya xch'ayic, ay scuxlejalic sbahtel q'uinal yu'un.

San Juan 3:18

Te mach'a ya sch'uhun, ma ba ya x'a'bot stoj smul; yan te mach'a ma ba ya sch'uhun, ya stoj smul stuquel, como ma ba la sch'uhun te hip jtuhl Snich'an te Diose.

San Juan 5:25

Tulan sc'oblal ya calbeyex te ya me sta yorahil, soc yorahilix ini, te mach'atic chamenic ya me ya'iybeyic sc'op te Snich'an Dios, soc te mach'a ya ya'iyic, ya me xcuxajic.

Hechos 16:14

Ay jtuhl ants te yac ta ya'iyel, Lidia sbihil, talem ta Tiatira, te ya schon chi'in-yaxal pac'; yich'oj ta muc' te Diose. Jambot yo'tan yu'un te Cajwaltic yu'un ya xch'uhun te bin yac yalbel te Pablo.

Hechos 8:36

Yacalic ta behel bahel ta be a, la stahic ha', la yal te eunuco-winic: Ay ha' li'i, ¿bin ya smacon teme ya quich' ha'e? xchi.

Romanos 1:4

soc ta scuenta te Ch'ul Espíritu halot ta jamal te ha Snich'an Dios te ay yu'el, ta scuenta te cha'cuxaj tal ta yohlil mach'atic chamenic.

Romanos 8:32

Te mach'a la sloq'ues ta yo'tan te mero Snich'an, te la yac' ta c'abal ta jcuentatic jpisiltic, ¿bin ut'il ma ba pajal ya ya'botic spisil soc a?

Apocalipsis 1:11

te hich la yal: Ho'on te Alfa soc te Omega, te shahchibalon soc te slajibalon. Ts'ihbaya ta hun te bin yac awil soc ticona bahel ta stojol te huqueb iglesiahetic: ha te Éfeso, Esmirna, Pérgamo, Tiatira, Sardis, Filadelfia, soc te Laodicea, xchi la jca'iy.

Apocalipsis 2:1

Ts'ihbabeya te ch'ul a'bat yu'un te iglesia te ay ta Éfeso: Hich ya yal te mach'a ay huqueb eq'uetic ta swa'el-c'ab soc te ya xbehen ta yohlil te huqueb yawil c'ahc' pasbil ta oro:

Apocalipsis 2:24

Yan te jayeb xan ayex ta Tiatira, te ma hichuc ay snopojibal awu'unic soc ma ba anopbeyejic te bin muquen ay yu'un te Satanás te ya yalic, hich ya calbeyex: Mayuc yan ihcatsil ya ca'beyex acuchic;