Apocalipsis 2:17 - Bible in Tzeltal Bachajón

¹⁷ Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be swe' te maná nac'bil, soc ya ca'be tut saquil ton te ts'ihbabil tey a te yach'il sbihil te mayuc mach'a ya sna', ha nax ya sna' stuquel te mach'a ya yich'e, xchi.

Nuevo Testamento Tzeltal de Amatenango

¹⁷ “Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe ya me kakꞌtalanbe sweꞌ te mana waj te nakꞌal aye. Y ya me kakꞌtalanbe euk te jun sakil ton te teꞌ tsꞌibabil jun achꞌ biilil te maꞌyuk machꞌa ya snaꞌe, jaꞌ nax te machꞌa ya yichꞌe”, uta me —xchi.

Bible in Tzeltal de Oxchuc y Tenejapa

¹⁷ Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a ya xju' yu'un tsalawe, ya cac'bey swe' te maná-waj te nac'bile. Soc ya cac'bey jp'ij saquil ton te ts'ibubil tey a te yach'il sbiil te ma'yuc mach'a ya sna' jtuluque. Ja' nax ya sna' stuquel te mach'a ya yich'e —xi'.

Apocalipsis 2:17 ပူးပေါင်းရင်းမြစ်များ

Salmos 25:14

Te Jehová jun yo'tan soc te mach'atic ya yich'ic ta muc', ya ya'be sna' te chapbil-c'op yu'une.

Salmos 36:8

Ya xnoj sch'uhtic yu'un te bayel we'elil ta Ana; soc yac awa'be yuch'ic ha' ta muc'ul-ha' yu'un te bintic ay ta mulanel awu'une.

Éxodo 16:33

Te Moisés la yalbe te Aarón: Ich'a junuc oxom, otsesa jun gomer maná tey a, ac'a ta stojol Jehová, yu'un ya yich' q'uejel yu'un te patil al-nich'anetic awu'unique, xchi.

Proverbios 14:10

Te o'tanil sna'oj stuquel te bin c'ux ya ya'iy, soc mayuc yan mach'a ya ya'iybe te yutsil q'uinal ya ya'iye.

Proverbios 3:32

Como Jehová ya yihlay te mach'a chopol yo'tan, pero jun yo'tan sba soc te mach'atic toj yo'tan.

Isaías 56:4

Como hich ya yal te Jehová: Te eunucohetic te ya scanantaybon te sc'ahc'alel cux-o'tan, te ya stsahic te bin ya sc'an co'tan soc te jun yo'tanic yich'ojic ta cuenta te chapbil c'op cu'une,

Isaías 56:5

ya ca'be lugar ta jna soc ta yutil te ts'ahquetic cu'un, ya ca'be sbihil te lec xan a te bin ut'il sbihil ach'ix-querem nich'aniletic; ya ca'be sbihil te stalel ya xhil, te mayuc bin ora ya xch'ay.

Isaías 62:2

Hich me ya yilic te nacionetic te bin stojil yac apasic, soc spisil te ajwaliletic ya yilbat awutsilal; ya x'a'botat yach'il abihil te ya yalbat te Jehová.

Isaías 65:13

Ha yu'un hich ya yal te Cajwaltic Jehová: Te a'batetic cu'un ya me xwe'ic, yan te ha'exe ay awocolic ta wi'nal; te a'batetic cu'un ya me x'uch'ic, yan te ha'exe ayex ta taquinti'il; te a'batetic cu'un tse'el yo'tanic, yan te ha'exe ya xhilex ta q'uexlal;

Isaías 65:15

Te mach'atic tsahbilic cu'un ya me stuhumbeyex abihilic ta scuenta sc'anel castigo. Te Cajwaltic Jehová ya me smilex, yan te a'batetic yu'un ya yac'ticlambe yan sbihilic.

San Mateo 13:11

Halbotic yu'un te Jesús: Te ha'exe a'bibilex ana'ic te bin muquen ay yu'un te cuentahinel yu'un ch'ulchan, pero te yantique, ma ba a'bibil sna'ic stuquelic,

San Marcos 7:16

Te mach'a ay schiquin, ac'a me ya'iy, xchi te Jesuse.

San Juan 4:32

Ay jwe'el te ma xana'ic bin ut'il ay, xchi te Jesús.

1 Corintios 2:14

Te mach'a ma ba yich'oj te Espíritu, ma xc'oht ta yo'tan te bintic scuenta te Espíritu yu'un Dios, como scuyoj ta howilc'op, ma xhu' ya sna'be scuentahil, como ha ya sc'an tsahtayel ta scuenta te Espíritu.

Colosenses 3:3

como chamenex soc nac'bil acuxlejalic soc Cristo ta stojol Dios.

Apocalipsis 14:3

Yac sc'ayojtaybelic yach'il c'ayoj ta stojol te muc'ul-huctajibal soc ta stojol te chaneb bintic cuxajtic soc te mamaletic. Mayuc mach'a ya xhu' yu'un snopel te c'ayoj, ha nax stuquel te waxaclajunpic (144,000) ta tuhl te mambil scolelic ta yohlil te mach'atic ayic ta bahlumilale.

Apocalipsis 19:16

Ay sbihil ts'ihbabil ta smuc'ul-c'u' soc ta scub: Ajwalil yu'un ajwaliletic soc principal yu'un principaletic, xchi.

Apocalipsis 2:11

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ma ba ya ya'iybe sc'uxul te schebal buelta lajel, xchi.

Apocalipsis 2:7

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be slo'be sit te te' scuenta cuxlejal te ay ta yutsil ts'unubil q'uinal yu'un Dios, xchi.

Apocalipsis 3:22

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique, xchi.

Apocalipsis 3:6

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique, xchi.