Apocalipsis 2:16 - Bible in Tzeltal Bachajón

¹⁶ Ha yu'un, suhtesa awo'tan, teme ma'uque, ya xtalon ta ora ta banti ayat, ya ca'be guerra ta espada te ya xloc' ta que.

Nuevo Testamento Tzeltal de Amatenango

¹⁶ Jaꞌ yuꞌun, sujtesa awoꞌtan ta stojol Dios. Teme maꞌuke, ya me xtalon ta ora nax, ya me kꞌabe jbaj sok te machꞌatik jich aye sok te puñal te ya xlokꞌ ta jtiꞌe.

Bible in Tzeltal de Oxchuc y Tenejapa

¹⁶ Jich yu'un sujt'esa me awo'tan. Yan teme ma xasujt'es awo'tane, ya me xtalon ta atojol ta ora nax. Ya me jcontroin soc te puñal te ya xloc' ta quee.

Apocalipsis 2:16 ပူးပေါင်းရင်းမြစ်များ

Isaías 11:4

ha toj ya schahpan te pobrehetic, stojil ya schahpan te mach'atic peq'uel ayic ta bahlumilal. Ya me yehchentes te q'uinal ta xul te ay ta ye; te ic' te ya shu'xiy loq'uel ta ye ya yac' lajuc a te mach'a chopol yo'tan.

Isaías 49:2

Hich la ya'bon que te bin ut'il espada te huxbil ye, la snac'on ta yaxinal te sc'abe; hich la yac'on te bin ut'il sjayal sni' ya'tejibalul t'ihmalte', la sq'uejon ta yawil.

Efesios 6:17

Ich'ahic smahquil jolal yu'un colel soc te espada yu'un te Espíritu, ha te sc'op Diose.

2 Tesalonicenses 2:8

Tey ya xchicnaj a te mach'a chopol, ha te mach'a ya xjihnot yu'un te Cajwaltic ta sahb nax ye soc te ya xlajinot yu'un te sts'anabul c'alal ya xtale.

Apocalipsis 1:16

Ay huqueb eq'uetic ta swa'el-c'ab, soc ay espada te scha'bunjehchel ay ye te yac ta loq'uel ta ye, soc te sit yelaw xlipet sts'anabul hich te bin ut'il sts'anabul te c'ahc'ale.

Apocalipsis 16:9

Hich chic'otic yu'un te tulan sc'ahc'al, hahch sbohlc'optaybeyic sbihil te Dios te scuentahinej te wocoletic ini, ma ba la suhtes yo'tanic yu'un soc ma ba la yalbeyic yutsil sc'oblal.

Apocalipsis 19:15

Ta ye yac ta loq'uel espada te ay ye te ya yehchentes a te nacionetic, soc tulan me ya scuentahinlan soc sbaston-taq'uin. Ya sp'e' te ya'lel ts'usub ta sp'e'ojibal te yilimba Dios te spisil ya xhu' yu'une.

Apocalipsis 19:21

Te jayeb xan hilic, lajic ta milel ta espada te yac ta loq'uel ta ye te mach'a cajal ta cawu; soc spisil te mutetic noj sch'uhtic yu'un sti'beyel sbaq'uetalic.

Apocalipsis 2:12

Ts'ihbabeya te ch'ul a'bat yu'un te iglesia ta Pérgamo: Hich ya yal te mach'a yich'oj te espada te scha'bunjehchel ay ye:

Apocalipsis 2:5

Na'a te banti yahlemat, suhtesa awo'tan soc pasa te bin nahil la apase. Teme ma ba yac asuhtes awo'tan, ya me xtalon ta ban ayat soc ya me jpojbat te yawil c'ahc' awu'un ta yawil.

Apocalipsis 22:20

Te mach'a ya yal ha'i testigo-c'op ini, hich ya yal: Melel, nopol ya xtalon, xchi. ¡Hichuc, la', Cajwal Jesús!

Apocalipsis 22:7

¡Ilawil, nopol ya xtalon! Bayel me yutsil te mach'a ya scanantay te sc'op-jalwanej te ay ta libro ini, xchi te Jesús.

Apocalipsis 3:19

Ya jtsits soc ya ca'be castigo scuenta tojobtesel spisil mach'atic c'ux ta co'tan; ha yu'un pasa tulan, suhtesa awo'tan.