Apocalipsis 2:14 - Bible in Tzeltal Bachajón

¹⁴ Pero ay bintic ma lecuc co'tan awu'un: ay mach'atic sch'uhunejic te bin la yac' ta nopel Balaam, te la ya'be snop te Balac bin ut'il ya yac' c'ohchinojibal ta stojol te israeletic, ha te ya swe'ic te bin a'bibil ta milbil mahtanil ta stojol lotil diosetic soc te ya ya'iyic antsiwej.

Nuevo Testamento Tzeltal de Amatenango

¹⁴ “Pero ay tut amulinej kuꞌun. Te teꞌey awuꞌun jtul cheb te ma skꞌan sjilesik te tutiꞌ yakꞌ ta nopel te jBalaame, te la yaꞌbe snop te jBalac te tutꞌil a yakꞌ mulawuk te jꞌisraeletike, te la yaꞌbe sweꞌ te weꞌeliletik te milbil smajtanin lotil diosetike y sok te lijkik ta antsiwejele.

Bible in Tzeltal de Oxchuc y Tenejapa

¹⁴ Ja'uc me to, ay nax amul jtebuc ta jtojol. Ja' te bit'il awic'oj ta atojolic te mach'atic xch'uunejic te nopjibal yu'un te Balaame, te la yac'bey snop Balac te bit'il la yac' yaluc te israeletic ta sti'el te milbil smajt'an loc'ombaetic te tey ochic ta spasel a te mulweje.

Apocalipsis 2:14 ပူးပေါင်းရင်းမြစ်များ

Isaías 57:14

Soc hich ya yich' halel: ¡Pasa, pasa, chahpana te behe! Loq'uesahic te bintic ya xmacawan ta be yu'un te pueblo cu'une, xchi.

Jeremías 6:21

Ha yu'un hich ya yal te Jehová: Ya cac' te bin ya sc'ohchin sba a te pueblo ini, pajal ya xyahlic tey a te tatiletic soc al-nich'aniletic; ya xch'ayic bahel te spat-xuhquic soc mach'atic jun yo'tan sbahic, xchi.

Ezequiel 3:20

Soc te mach'a toj yo'tan, teme ya yihquitay hilel te tojil-o'tanil yu'un, teme ya spas te bin chopole, teme ya cac' te bin ya sc'ohchin yoc a, ya me xlaj, como ma ba la atsits. Ya me xlaj ta scaj te smule, te bintic toj la spasticlan ma ba ya x'ich'otic ta cuenta; pero ya ca'bat ta acuenta te sch'ich'ele.

Ezequiel 44:12

Te bin ut'il la yac' sbahic ta a'batinel ta stojol te loc'ombahetic yu'unic soc te la yaq'uic sc'ohchin sbahic ta mulil te sna Israel, ha yu'un jachoj jc'ab soc la jcal ta jamal te ya me stojic te smulique, xchi te Jehová, te Ajwalil.

Números 24:14

Ha yu'un ya suhtonix bahel ta jlumal. Pero la' me, ya calbat awa'iy bin ya spas te pueblo ini ta stojol te pueblo awu'un ta patilal, xchi.

Números 31:16

Ta scuenta sc'op Balaam la ya'beyic sc'axuntaybe sc'op Jehová te snich'nab Israel te c'oht ta pasel ta Baal-peor, te ha scuentahil tal te jmilawal-chamel ta stojol te pueblo yu'un Jehová.

Números 31:8

Soc la smilic te Evi, Requem, Zur, Hur soc Reba, ha te ho'tuhl ajwaliletic yu'un Madián; soc la smilic ta espada te Balaam snich'an Beor.

San Mateo 18:7

¡Ay me swocol te bahlumilal yu'un te bintic ya x'ac'awan ta yahlel ta mulil! Ay c'ohchinojibaletic, pero ¡ay me swocol te mach'a ya yac' te c'ohchinojibaletique!

Hechos 15:29

Ma me xawe'ic te bin a'bot scuenta milbil mahtanil yu'un loc'ombahetic, ma me xawe'ic ch'ich' o te bin ts'otbil nax ta snuc', soc ma me xawa'iyic antsiwej o ma me xawac' abahic ta antsinel. Teme hich yac ach'uhunic spasele, lec bin yac apasic, xchi te carta.

Hechos 21:25

Yan te jyanlumetic te sch'uhunejiquix, la jcalbetiquix ta hun te ma me swe'ic te bin ac'bil scuenta milbil mahtaniletic yu'un loc'ombahetic, ma me swe'ic te bin ts'otbil ta snuc', o ch'ich', soc ma me xya'iyic antsiwej o antsinel, xchihic.

Romanos 11:9

Soc hich ya yal te David: Ac'a sutp'ijuc ta syacolic soc ta stsacojibal te sq'uinique, ha sc'ohchinojibal soc castigo ac'a c'ohtuc yu'unic.

Romanos 14:13

Ha yu'un ma me talel c'axeluc ya jlehbe jba jmultic, ha lec ac'a jnoptic bin ut'il ma ba ya ca'betic sc'ohchinojibal o te bin ya xyahlic yu'un te quermanotique.

Romanos 14:21

Ha lec te ma ba ya swe' ti'bal o te ma ba ya yuch' vino, o biluc a te ya yac' sc'ohchin sba te awermano.

Romanos 9:32

¿Bin yu'un? Como ma ba la st'unic ta scuenta sch'uhunel-o'tanil, la st'unic ta scuenta spasel te bin ya yal te Ley; ha scuentahil te la sc'ohchinic te ton scuenta c'ohchinojibal,

1 Corintios 1:23

yan te ho'otic ya calbetic sc'oblal te cham ta cruz te Cristo: te ha c'ohchinojibal c'ohem yu'un te judíohetic, soc ha howil c'op cuybil yu'un te griegohetique;

1 Corintios 7:2

Pero ta scaj te ay ya sta smulic ta scuenta antsiwej, ha lec te ayuc yihnam te jujutuhl winiquetic, soc ayuc smamalal te jujutuhl antsetic.

Hebreos 13:4

Apisilic ich'biluc me ta muc' awu'unic te nuhpunel, ma socuc mulil te yac awic' abahique. Ya me x'ich'otic ta c'op yu'un Dios te mach'atic ya ya'iyic chijil-o'tanil soc te ya ya'iyic antsiwej soc antsinel.

Josué 24:9

Patil hahch te Balac snich'an Zipor, te ajwalil yu'un te moabetic, la ya'be guerra te Israel. Ha la sticon ta iq'uel tal te Balaam te snich'an Beor, yu'un ya sc'an chopol c'oblalil ta atojolic.

1 Pedro 2:8

soc: Ha ton scuenta c'ohchinojibal soc ha ton te ya xyahlteswan, xchi. Ha ya sc'ohchin sbahic a ta scaj te ma ba ya sch'uhunic te c'ope. ¡Yu'un hich nix ya xc'ohtic ta loq'uel a!

2 Pedro 2:15

Hilem yu'unic te stojil be, howiyemic ta st'umbeyel sbe te Balaam snich'an Beor, te ha c'ux ta yo'tan te stojol te bin chopole;

Judas 1:11

¡Ay me swocolic! como st'unojic te be yu'un Caín, howiyemic hich te bin ut'il Balaam ta slehel taq'uin te ma stojiluc; pajal lajic soc te toybahil yu'un Coré.

Apocalipsis 2:20

Pero ay bin ma lecuc co'tan awu'un: ha te mayuc bin yac awal yu'un te ants Jezabel, te scuyoj sba ta jalwanej-ants, te ya ya'be snopic soc ya smon te a'batetic cu'un te ya ya'iyic antsiwej soc te ya yac' sbahic ta antsinel, soc te ya swe'ic te we'elil a'bibil ta stojol loc'ombahetic.

Apocalipsis 2:4

Pero ay bin ma ba lec co'tan awu'un: ha te hilix awu'un te sc'uxul awo'tan te ay ta nahil to.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Apocalipsis 22:15

Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.