Apocalipsis 2:13 - Bible in Tzeltal Bachajón

¹³ Ya jna' banti nahinemat, ta banti ay te shuctajib te Satanás. Pero stalel jun awo'tan ta jtojol, ma ba amucoj ta awo'tan te ach'uhunejon, ni ha'uc te c'alal laj ta awohlilic te Antipas te testigo cu'un te jun yo'tan ta jtojol, tey ta banti nahinem te Satanás.

Nuevo Testamento Tzeltal de Amatenango

¹³ “Te joꞌone jnaꞌoj te teꞌ anat te ba ay snaktajib te pukuje. Pero sigueuk me junuk awoꞌtan ta jkuenta. Ma jilesejuk te tutꞌi achꞌuuneje, ni jaꞌuk te tut kꞌaalil yuꞌun te jꞌAntipas te jun yoꞌtan a yalbon jkꞌoplal, te la smilik te ba mukꞌul jtejklum te ba ay te Satanase.

Bible in Tzeltal de Oxchuc y Tenejapa

¹³ Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.

Apocalipsis 2:13 ပူးပေါင်းရင်းမြစ်များ

San Mateo 10:23

C'alal ya yuts'inex ta banti jun pueblo, ahnanic bahel ta yan pueblo. Como jamal ya calbeyex te ma to ba lajem abehentaybelic spisil a te pueblohetic yu'un Israel te ya xtal te Nich'anil ay ta scuenta winic.

San Mateo 24:9

Ya me yaq'uex ta c'abal scuenta uts'inel, ya smilex soc yac awich'ic ihlayel yu'un spisil ants-winiquetic ta scaj te jbihile.

San Mateo 4:10

La yal te Jesús: Loc'an, Satanás, como hich ts'ihbabil: Ha nax me xach'uhuntay soc ha nax me xawac' aba ta a'batinel yu'un te Cajwaltic te Dios awu'un, la yut.

San Lucas 21:17

Ya me awich'ic p'ajel yu'un spisilic ta scuenta jbihil,

Hechos 22:20

Soc te c'alal malbot sch'ich'el te Esteban te testigo awu'un, ha nix hich tey teq'uelon a soc lec co'tan yu'un te la yich' milel, soc la jcanantaybe sc'u'ic te mach'atic la smilic, xchihon.

Hechos 9:14

Soc yich'ojix orden yu'un te principal sacerdotehetic te ya stsac spisil te mach'atic ya yalbat wocol ta atojol, xchi.

1 Tesalonicenses 5:21

Tsahtayahic spisil, ich'ahic te bin leque.

1 Timoteo 5:8

como teme ay mach'a ma ba ya ya'be bin ya xtuhun yu'un te mach'atic ay yu'un, soc ha tulan xan sc'oblal te mach'atic ay yu'un ta sna, la smuc te sch'uhunel yo'tan soc c'ax hich chopol a te bin ut'il mach'a ma ba sch'uhunej te Diose.

2 Timoteo 1:13

Canantaya te lequil c'op awa'iyej ta jtojol, soc ayuc me sch'uhunel awo'tan soc sc'uxul awo'tan ta scuenta te Cristo Jesús.

2 Timoteo 2:12

teme ya xc'ax jwocoltic, ha nix hich pajal ya x'ochotic ta cuentahinwanej soc. Teme ya jmuc ta co'tantic, ha nix hich ya smucotic ta yo'tan;

Hebreos 10:23

Ayuc me yip co'tantic spisil ora ta stojol te bin calojtic te yacotic ta smahliyel, ma me xchebetuc co'tantic, como ma xch'ay te bin yalojix te Diose.

Hebreos 3:6

Yan te Cristo, te bin ut'il ha nich'anil, jun yo'tan scuentahimbeyej te na yu'un Dios. Ho'otic te snahotic, teme stalel ay c'alal ta slajibal c'ahc'al te smuc'ul co'tantic soc te ya xtohy q'uinal ca'iytic yu'un te bin yacotic ta smahliyel.

Santiago 2:7

¿Ma bal ha'uc te ya sbohlc'optaybeyic te yutsil sbihil te mach'a ayex ta scuentahe?

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

Apocalipsis 11:3

Ya calbe te cheb testigohetic cu'un te ya me xc'opojic ta sc'op-jalwanej oxbahc' soc oxwinic (1,260) c'ahc'al, slapojic pac' yu'un mel-o'tan a, xchi.

Apocalipsis 12:11

Ha'ic la stsalic ta scuenta sch'ich'el te Jcolel Tuminchij soc ta scuenta te testigo-c'op la yalique. La sloq'ues sbahic ta yo'tanic, ma ba la xi'ic lajel.

Apocalipsis 13:2

Te chambahlam te xiweltic sba la jquil sjel ta ti'awal c'an bo'olay choj, sjel ta yoc oso te yoc soc sjel ta ye choj te yehe. Te dragón la ya'be yich' yu'el, te smuc'ul-huctajib soc te tulan ya'tele.

Apocalipsis 14:12

Ha ya sc'an te ay yip yo'tanic te mach'atic ch'uhltesbilic, ha te mach'atic ya sch'uhunic spasel te smandar Dios soc te jun yo'tanic ta stojol te Jesús.

Apocalipsis 17:14

Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.

Apocalipsis 17:6

La jquil te ants yacuben yu'un te sch'ich'el te mach'atic ch'uhltesbilic soc te sch'ich'el te mach'atic lajemic ta milel ta scuenta Jesús. Mero xcham co'tan yu'un te c'alal la jquil te antse.

Apocalipsis 2:2

Ya jna' bin yilel awa'tel, te tulan ayat ta a'tel soc te ya xcuhch awu'un; soc ya jna' te ma xcuhch awu'un te mach'atic chopolic, te atsajoj te mach'atic ya scuy sbahic ta jpuc-c'opetic pero ma ha'uc, soc la atsaquix ta slotic.

Apocalipsis 3:11

Nopol ya xtalon. Ma me xch'ay awu'un te bin ay awu'un, scuenta yu'un mayuc yan mach'a ya yich'bat te acorona.

Apocalipsis 3:3

Na'a me hiche te bin awich'oj soc awa'iyej; pasa soc suhtesa awo'tan. Teme ma ba yac acux awo'tan, ya xtalon ta atojol hich te bin ut'il j'elec', ma na'biluc awu'un bin ora ya xtalon.