Apocalipsis 2:10 - Bible in Tzeltal Bachajón

¹⁰ Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.

Nuevo Testamento Tzeltal de Amatenango

¹⁰ “Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.

Bible in Tzeltal de Oxchuc y Tenejapa

¹⁰ Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.

Apocalipsis 2:10 ပူးပေါင်းရင်းမြစ်များ

Salmos 31:23

C'ux me xawa'iy ta awo'tanic te Jehová apisilic te ch'ultesbilex yu'une. Te Jehová ya scanantay te mach'atic jun yo'tanic ta stojol, pero ts'acal ya ya'be castigo te mach'atic jtoybahetique.

Lamentaciones 3:57

Nohpojat tal te bin ora la jc'oponat, hich la awal: Ma xiwat, xchihat.

Daniel 1:12

Awocoluc, pasbeya prueba lajuneb c'ahc'al te a'batetic awu'une: a'botcotic jwe'cotic itaj soc ha' te ya cuch'cotique.

Daniel 1:14

Te mayordomo lec la ya'iy, hich la spas prueba ta stojolic lajuneb c'ahc'al.

Habacuc 2:3

Aunque ma to xc'oht ta pasel te nahalsitil, ya xc'oht ta pasel ta mero yorahil, ma ba ya spas lot. Aunque ya xhalaj, mahliya, yu'un ya me xc'oht ta pasel, ma ba ya xhalaj.

San Mateo 10:22

Ya me yihlayex spisilic ta scaj te jbihile, pero te mach'a jun yo'tan ya xhil c'alal ta slajibal, ya me xcol stuquel.

San Mateo 10:28

Ma xaxi'ic te mach'atic ya smilbeyex abaq'uetalic, te ma xhu' yu'un ya smilbeyex ach'uhlelic; ha me xaxi'ic te Mach'a ya xhu' ya slajin ta infierno te ach'uhlel soc abaq'uetal.

San Mateo 24:13

Pero te mach'a ya xcuhch yu'un c'alal ta slajibal, ha me ya xcol stuquel.

San Marcos 13:13

Ya me yil-o'tantayex spisil ants-winiquetic ta jcuenta; pero te mach'a ya xcuhch yu'un c'alal ta slajibal, ya me xcol.

San Marcos 8:35

Como te mach'a ya sc'an ya scanantay te scuxlejal, ya me sch'ay yu'un; yan te mach'a ya sch'ay scuxlejal ta jcuenta soc ta scuenta te lec yach'il c'op, ya me xcol yu'un.

San Lucas 21:12

Pero ma to c'ohem ta pasel a ini ya me yaq'uex ta c'abal, ya yuts'inex, ya yaq'uex ta sinagogahetic soc ta cárceletic, soc ya me yiq'uex bahel stehc'anex ta stojol ajwaliletic soc gobernadoretic ta scuenta te jbihile.

San Juan 12:25

Te mach'a ya sc'uxultay te scuxlejal, ya me xch'ay te scuxlejal; yan teme ya sloq'ues sba ta yo'tan li' ta bahlumilal, ya me yich' scuxlejal sbahtel q'uinal stuquel.

San Juan 13:2

C'alal ayic ta we'el a, te Judas Iscariote snich'an Simón halbotix ta yo'tan yu'un a te pucuj te ya yac' ta c'abal te Jesús.

San Juan 13:27

C'alal la stsac te mulbil pan te Judas, och ta yo'tan te Satanás. Ha yu'un te Jesús la yalbe: Te bin ya x'och apas, pasa me ta ora, xchi sc'oblal.

Hechos 20:24

Pero mayuc sc'oblal ta co'tan te jcuxlejal, ha nax ay sc'oblal te yacuc xhu' cu'un slajinel soc yutsil co'tan te ahnimal soc te ca'tel quich'oj yu'un te Cajwaltic Jesús, ha te yalbeyel sc'oblal te lec yach'il c'op yu'un te yutsil yo'tan te Diose.

Hechos 21:13

Pero la yal te Pablo: ¿Bin yu'un yac awoq'uetaybelonic soc yac awa'bonic jmel co'tan? como ma ha'uc nax chapalon te ya quich' chuquel, ha nix hich chapalon te ya xlajon ta Jerusalén ta scuenta sbihil te Cajwaltic Jesús, xchi.

1 Corintios 9:25

Spisil te mach'atic ya ya'iyic tsaltamba bayel ya stsahtay sba; hich ya spasic scuenta yu'un ya yich'ic te corona te ya xlaj, pero te ho'otic ya jpastic scuenta yu'un ya quich'tic te corona te ma xlaje.

Efesios 2:2

te la apasic te c'alal la at'umbeyic stalel te bahlumilal soc la apasic te bin la sc'an te ajaw te scuentahinej te ic', ha te espíritu te yac ta a'tel ta stojol te al-nich'anetic yu'un c'axun-c'op.

Efesios 6:12

Como ma ha'uc ya jtsal jbahtic soc ch'ich'-baq'uet, ha ya jtsal jbahtic soc principaletic, te mach'atic ay yu'elic, yajwalic yihc'al q'uinal ta bahlumilal ini, soc chopol espírituhetic te ay yipic te ayic ta toyol.

Santiago 1:12

Bayel me yutsil te mach'a ya xcuhch yu'un swocol ta tsajel, como teme cuhch yu'une, ya me x'a'bot yich' te corona yu'un cuxlejal te yaloj Dios ya yich'ic te mach'atic c'ux ya ya'iy ta yo'tanic.

1 Pedro 5:4

Hich te c'alal ya xchicnaj tal te muc'ul Jcanantaywanej ya me awich'ic te corona te ay yutsilal te ma xlaje.

1 Pedro 5:8

P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.

Apocalipsis 13:14

Ya slo'loylan mach'atic nahinemic ta bahlumilal ta scuenta te señahiletic ya x'a'bot spas ta stojol te chambahlam te xiweltic sba, ya spasticlan ta mandar te ya me spasbeyic sloc'ombahil te chambahlam te xiweltic sba te ehchentesot ta espada pero cuxaj.

Apocalipsis 13:2

Te chambahlam te xiweltic sba la jquil sjel ta ti'awal c'an bo'olay choj, sjel ta yoc oso te yoc soc sjel ta ye choj te yehe. Te dragón la ya'be yich' yu'el, te smuc'ul-huctajib soc te tulan ya'tele.

Apocalipsis 13:7

A'bot permiso te ya ya'be guerra te mach'atic ch'uhltesbilic, soc te ya stsalticlan. Soc a'bot ya'tel ta stojol spisil ta chahp ts'umbaliletic, pueblohetic, c'opiletic soc nacionetic.

Apocalipsis 17:14

Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.

Apocalipsis 2:13

Ya jna' banti nahinemat, ta banti ay te shuctajib te Satanás. Pero stalel jun awo'tan ta jtojol, ma ba amucoj ta awo'tan te ach'uhunejon, ni ha'uc te c'alal laj ta awohlilic te Antipas te testigo cu'un te jun yo'tan ta jtojol, tey ta banti nahinem te Satanás.

Apocalipsis 2:9

Ya jna' bin yilel awa'tel, ya jna' te awocol, soc te pobre ayat (aunque c'uhlejat); ya jna' bin ut'il ayat ta labanel yu'un te mach'atic judíohetic ta sc'opic pero ma ha'uquic, ha sinagoga yu'un Satanás.