Apocalipsis 19:6 - Bible in Tzeltal Bachajón

⁶ Soc la jca'iy hich te bin ut'il sc'op tsobol ants-winiquetic, hich te bin ut'il sc'op bayel ha'etic soc hich te bin ut'il tulan st'ohmel chahwuquetic, te hich yac yalbelic ta aw: ¡Aleluya! ¡Como hahchix ta cuentahinwanej te Cajwaltic Dios te spisil ya xhu' yu'une!

Nuevo Testamento Tzeltal de Amatenango

⁶ Jich a kaꞌiy xan te jachik yaꞌiyel tutꞌil skꞌop bayal gente, jachik tutꞌil skꞌop nojel-jaꞌ y sok te lom tulan xpumete. Ya yalik: —Ay ta albeyel ta ichꞌel ta mukꞌ te Kajwaltike, porke lijkix ta pasaw ta mantal te Kajwaltike, te Dios kuꞌuntik te spisil ya xjuꞌ yuꞌune.

Bible in Tzeltal de Oxchuc y Tenejapa

⁶ Soc la caiy stojol yan c'op te pajal yaiyel soc sc'op tsobol ants-winiquetic soc sc'op bayal snojel ja'etic soc sc'op tulan chawuc. Jich la yal: “¡Ay yutsilal! Melel jajch'ix ta mandal te Cajwaltique, te ja' Dios cu'untic te Spisil ya xju' yu'une.

Apocalipsis 19:6 ပူးပေါင်းရင်းမြစ်များ

Job 40:9

¿Ay bal ac'ab hich te bin ut'il ay yu'un Dios? ¿Ya bal at'omtes ac'op hich te bin ut'il ya xc'opoje?

Salmos 47:2

Como ay ta xi'el te Jehová te mero toyol ay, ha Muc'ul Ajwalil ta swohlol bahlumilal.

Salmos 47:7

Como te Dios ha Muc'ul Ajwalil yu'un swohlol bahlumilal; ¡c'ayojtayahic c'ayojetic ta stojol!

Salmos 77:18

Chicnaj sc'op st'ohmel chahwuc awu'un ta sutu-ic', te tsantsehwaletic awu'un la sacubtesic te bahlumilal, nihc te lumq'uinal, yuq'uilanot yu'un.

Salmos 93:1

¡Ha ajwalil te Jehová! ¡Sc'u'inej yutsilal! ¡Te Jehová sc'u'inej yu'el! Yich'oj yip te bahlumilal, ma xhu' ta loq'uesel bahel.

Salmos 97:1

¡Ha ajwalil te Jehová! ¡Tse'eluc me yo'tan te lumq'uinal! ¡Ayuc me yutsil yo'tanic te ti'ti' mar!

Salmos 97:12

¡Tse'eluc me awo'tanic ta scuenta Jehová, ha'ex te toj awo'tanic, halbeyahic yutsil sc'oblal te sch'ul bihile!

Salmos 99:1

Te Jehová ha ajwalil, ya xnihc te pueblohetic yu'un. Hucul ta smuc'ul-huctajib ta yohlil te querubinetic, ya snihc sba te lumq'uinale.

Isaías 52:7

¡Buen t'ujbil ta witsiltic te yoc te mach'a ya yich' tal lec yach'il c'op, te ya spucbe sc'oblal lamal q'uinal, te ya yich' talel lequil c'op, te ya spucbe sc'oblal colel, te hich ya yalbe te Sión: ¡Te Dios awu'un ay ta Ajwalil! te xchihe!

Jeremías 51:48

Te ch'ulchan soc te bahlumilal soc spisil te bintic ay tey a ya me x'awonic soc yutsil yo'tanic yu'un te Babilonia, como ya xtal ta norte jinawetic te ya scontrahinic, xchi te Jehová.

Ezequiel 1:24

La jca'iybe sc'op te xiq'uic te c'alal ya xhahchic bahel, pajal soc sc'op bayel ha'etic, pajal soc sc'op te Mach'a spisil ya xhu' yu'un, pajal soc xjuyet bayel soldadohetic. Te c'alal ya stehc'an sbahic, ya scohtesic te xiq'uique.

Ezequiel 43:2

La jquil te yac ta talel ta stojol banti ya xloc' tal c'ahc'al te yutsilal te Dios yu'un Israel. Te sc'op pajal soc te sc'op bayel ha'etic, soc ay sts'anabul te lumq'uinal ta scaj te yutsilale.

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

Apocalipsis 1:15

Te yoc hich yilel te bin ut'il xlipet huxbil bronce te tsajubtesbil ta c'ahc' ta horno, soc te sc'op hich ya'iyel te bin ut'il xculet ya xc'opoj snojel ha'.

Apocalipsis 1:8

Ho'on te Alfa soc te Omega, te shahchibal soc te slajibal, xchi te Cajwaltic Dios, te mach'a ay ta ora ini, ta namey soc te ya xtale, ha te Dios te spisil ya xhu' yu'une.

Apocalipsis 12:10

Patil la jca'iy ay mach'a tulan c'opoj ta ch'ulchan, hich la yal: Yorahilix te colel, te yu'el soc te cuentahinel yu'un te Dios cu'untic, soc te ya yich' ya'tel te Cristo yu'une. Como ch'ojotix loq'uel te mach'a yac slehbebel smul te quermanotactic, te c'ahc'al ahc'abal yac ta slehbeyel smul ta stojol te Dios cu'untique.

Apocalipsis 14:2

Soc la jca'iy xlamlon c'op ta ch'ulchan hich te bin ut'il ya xc'opoj swihlib ha' soc hich te bin ut'il tulan ya xc'opoj chahwuc. Hich la jca'iy te bin ut'il mach'atic yac stijbelic arpa yu'unic.

Apocalipsis 19:1

Patil la jca'iybe tulan sc'op tsobol mach'atic ayic ta ch'ulchan te hich yacalic ta yalel ta aw: ¡Aleluya! Te colel, yutsilal soc te yu'el, ha yu'un te Diose,

Apocalipsis 19:4

Te chaneb scha'winic (24) ta tuhl mamaletic soc te chaneb bintic cuxajtic la spahcan sbahic ta lum, la sch'uhuntayic te Dios te hucul ta smuc'ul-huctajib, hich la yalic: ¡Hichuc! ¡Aleluya! xchihic.

Apocalipsis 21:22

Mayuc templo la jquil tey a, como ha templo yu'un te Cajwaltic Dios te spisil ya xhu' yu'un, soc te Jcolel Tuminchij.

Apocalipsis 4:5

Yac ta loq'uel ta muc'ul-huctajibal tsantsehwal, chahwuc, soc bayel c'op. Ay huqueb c'ahc' yac ta tihlel ta stojol te muc'ul-huctajibal, ha te huqueb espírituhetic yu'un Dios.

Apocalipsis 6:1

La jquil te Jcolel Tuminchij la sjam jun sello, soc la jca'iy te jun ta schanebal te bintic cuxajtic te c'opoj hich te bin ut'il chahwuc: La', xchi.

Apocalipsis 8:5

Te ch'ul a'bat la stsac te schic'ojibal pom, la snojes ta c'ahc' te ay ta scajtajib ta chiq'uel pom soc la sbusq'uin cohel ta bahlumilal. Stsanlajan ta t'ohmel chahwuc, xjuyet hahchel c'op, xliplajan tsantsehwal soc nihquel.