Apocalipsis 19:4 - Bible in Tzeltal Bachajón

⁴ Te chaneb scha'winic (24) ta tuhl mamaletic soc te chaneb bintic cuxajtic la spahcan sbahic ta lum, la sch'uhuntayic te Dios te hucul ta smuc'ul-huctajib, hich la yalic: ¡Hichuc! ¡Aleluya! xchihic.

Nuevo Testamento Tzeltal de Amatenango

⁴ Y te beintikuatro ta tul te lom mamalikixe y sok te chaneb te tut kuxajtike la skejan sbaik kꞌalal ta lum, y la yichꞌik ta mukꞌ te Diose te nakal te ba ay te smukꞌul snaktajibe. Y la yalik: —Jichuk. Ay ta albeyel ta ichꞌel ta mukꞌ te Kajwaltike —xchiik.

Bible in Tzeltal de Oxchuc y Tenejapa

⁴ Te chaneb xcha'winic (24) ta jtul mamaletic soc te chancojt' bitic cuxajtique la slajin sbaic ta stojol Dios te nacal ta smuc'ul nactijibe. Jich la yalic: “Jichuc ac'a c'otuc ta pasel. ¡Ay yutsilal!”, xiic.

Apocalipsis 19:4 ပူးပေါင်းရင်းမြစ်များ

1 Crónicas 16:36

¡Bayel me yutsil te Jehová te Dios yu'un Israel, ta spisil ora soc ta sbahtel q'uinal! Ta spisil te pueblo la sjaq'uic: Hichuc, xchihic, soc la yalbeyic yutsilal te Jehová.

Nehemías 5:13

Soc la jlihlin jc'u', hich la jcal: Hich ac'a yich' lihlinel loq'uel yu'un Dios ta sna soc ta ya'tel te mach'atic ma ba ya yac' c'ohtuc ta pasel ini; hich ac'a yich' lihlinel soc jocholuc ya xhil, xchihon. Hichuc, xchihic spisil te pueblo. Hich la yalbeyic yutsil sc'oblal te Jehová; soc te pueblo la spasic te bin la yalic ta jamal.

Nehemías 8:6

Te Esdras la yalbe yutsilal te Jehová, te muc' Dios. Spisil te pueblo la shach mohel sc'abic, hich la sjaq'uic: ¡Hichuc! ¡Hichuc! xchihic; soc la squejan sbahic, la snijan sbahic c'alal ta lum ta sch'uhuntayel te Jehová.

Salmos 104:35

Ac'a lajuc ta bahlumilal te jmulawiletic, ac'a ch'ayuc te mach'a chopolique. ¡Jch'uhlel, halbeya yutsil sc'oblal te Jehová! ¡Aleluya!

Salmos 106:48

Bayel me yutsil te Jehová, te Dios yu'un Israel, ta spisil ora ta sbahtel q'uinal. Hich ac'a yal spisil te pueblo: ¡Hichuc! ¡Aleluya!

Salmos 41:13

¡Bayel yutsil te Jehová, te Dios yu'un Israel, ta spisil ora soc ta sbahtel q'uinal! Hichuc, hichuc.

Salmos 72:19

¡Bayel me yutsil te sbihil sbahtel q'uinal! ¡Spisil te q'uinal ac'a nojuc ta yutsilal! ¡Hichuc, hichuc!

Salmos 89:52

¡Bayeluc me yutsil sc'oblal sbahtel q'uinal te Jehová! ¡Hichuc!

Jeremías 28:6

¡Hichuc, ac'a spas te Jehová! Ac'a sc'ohtes ta pasel Jehová te bin la awal ta sc'op-jalwanej, te ya suht tal ta lugar ini te bintic ya xtuhun ta sna Jehová soc spisil mach'atic ic'otic bahel ta Babilonia.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

1 Corintios 14:16

como teme ha nax ta ach'uhlel yac awalbe lec sc'oblal Dios, te mach'a tey ay a te yac nax ta ya'iyel, ¿bin ut'il c'an yal, ‘Hichuc’ yu'un te bin yac awal wocol yu'une?

Apocalipsis 15:7

Jun ta schanebal bintic cuxajtic la yac'ticlambe te huqueb ch'ul a'batetic huqueb copahetic pasticlambil ta oro nojelic ta yilimba Dios te stalel cuxul sbahtel q'uinal.

Apocalipsis 19:1

Patil la jca'iybe tulan sc'op tsobol mach'atic ayic ta ch'ulchan te hich yacalic ta yalel ta aw: ¡Aleluya! Te colel, yutsilal soc te yu'el, ha yu'un te Diose,

Apocalipsis 19:3

Cha'c'opojic xan: ¡Aleluya! Sbahtel q'uinal xtomet ta mohel te sch'ahilele, xchihic.

Apocalipsis 19:6

Soc la jca'iy hich te bin ut'il sc'op tsobol ants-winiquetic, hich te bin ut'il sc'op bayel ha'etic soc hich te bin ut'il tulan st'ohmel chahwuquetic, te hich yac yalbelic ta aw: ¡Aleluya! ¡Como hahchix ta cuentahinwanej te Cajwaltic Dios te spisil ya xhu' yu'une!

Apocalipsis 5:14

Te chaneb bintic cuxajtic hich la yalic: ¡Hichuc! xchihic. Te chaneb scha'winic (24) ta tuhl mamaletic la spahcan sbahic soc la sch'uhuntayic.